(న్యూస్ ఆర్బిట్ డెస్క్)
సముద్రం ఒడ్డునే నీటిలో సర్ఫింగ్ చేస్తున్న ఒక ఏడేళ్ల బాలుడిని సొరచేప కిందకు తోసేసిన వీడియో ఇంటర్నెట్లో తిరుగుతోంది. ఫ్లారిడా రాష్ట్రంలోని స్మిర్నా బీచ్లో థాంక్స్గివింగ్ వీకెండ్లో ఈ సంఘటన జరిగినట్లు తెలుస్తోంది.
చాండ్లర్ మూర్, అతని తండ్రి చాడ్ మూర్ ఇద్దరూ బీచ్కు వెళ్లారు. కుర్రవాడు సర్ఫింగ్ బోర్డుపై లేచి నుంచుని బ్యాలెన్స్ చేస్తుండగా సడన్గా అతను ఎవరో కొట్టినట్లు నీటిలో పడిపోయాడు. ఏం జరిగిందో ఇద్దరికీ అర్ధం కాలేదు.
చాండ్లర్ ఎందుకు కిందపడ్డాడో తెలుసుకోవాలని అతని తండ్రి ఆ సర్ఫింగ్ బోర్డుకు అమర్చిఉన్న కెమేరా రికార్డింగ్ చూశాడు. బ్లాక్టిప్ రకం షార్క్ చేప పిల్లవాడిని కిందకు తోసేసిందని అప్పుడు అర్ధం అయింది. షార్క్ ఎంత మెరుపువేగంతో కొట్టి వెళ్లిపోయిదంటే వీడియో ఫుటేజిని స్లోమోషన్లో చూస్తే కానీ అసలు సంగతి తెలియలేదు.
Video Courtesy: Inside Edition