న్యూఢిల్లీ: ప్రముఖ బాలీవుడ్ నటుడు షారూక్ ఖాన్ దూరదర్శన్‌లో గతంలో యాంకరింగ్ చేసిన ఒక వీడియో నేడు సోషల్ మీడియాలో వైరల్ అయ్యింది.
షారూఖ్ ఖాన్ సినీ పరిశ్రమలో అడుగు పెట్టకముందు అనేక టెలివిజన్ షోలలో నటించారు. ఆ తరుణంలోనే దూరదర్శన్‌లో నూతన సంవత్సర వేడుకలకు యాంకరింగ్ కూడా చేశారు. షారూక్ ఖాన్ దూరదర్శన్‌లో యాంకరింగ్ చేసిన వీడియోను బాలీవుడ్ డైరెక్ట్ ఇన్‌స్టాగ్రామ్ పేజీలో పంచుకున్నారు. ప్లే బ్యాక్ గాయకుడు కుమార్ సాను వేదికపై ప్రదర్శన ఇస్తున్నారంటూ షారూక్ యాంకర్‌గా చెప్పడం ఈ వీడియోలో కనిపిస్తుంది.
చాలా మంది బాలీవుడ్ సెలబ్రిటీలు ఈ వీడియోను వీక్షించి కామెంట్స్ ఇస్తున్నారు. ఒక్క రోజు వ్యవధిలో 25వేల మందికి పైగా నెటిజన్‌లు వీక్షించారు. వేలాది మంది అభిమానులు లైక్‌లు ఇస్తున్నారు.
షారూఖ్ ఖాన్ 1992లో దివానా చిత్రంతో బాలీవుడ్‌లోకి అడుగు పెట్టారు. రాజు బన్ గయా జంటిల్మెన్, కింగ్ అంకుల్ వంటి స్టార్ చిత్రాలు సినీ పరిశ్రమలో షారూక్ స్థానాన్ని సుస్థిర పరిచాయి. దిల్‌వాలే దుల్హానియా లే జాయింగే, కరణ్ అర్జున్, పార్డెస్ వంటి బ్లాక్ బస్టర్ చిత్రాలను షారూఖ్ నిర్మించారు.
https://www.instagram.com/p/B3KFLGSA254/?utm_source=ig_web_copy_link
