File Photo
(న్యూస్ ఆర్బిట్ డెస్క్)
పాల్ మెక్‌కల్లీ మొన్న 11వ తేదీన ఆస్ట్రేలియా, మిర్టిల్‌ఫోర్డ్ పట్టణంలో కారు నడుపుకుంటూ వెళుతున్నాడు. యధాలాపంగా అద్దంలోంచి పైకి చూసేసరికి ఓ అద్భుత దృశ్యం అతని కంట పడింది. వెంటనే కారు పక్కకి తీసి ఆకాశంలో తనకు కనబడిన ఆ దృశ్యాన్ని వీడియో తీశాడు.
ఇంతకీ మెక్‌కల్లీకి ఆకాశంలో కనబడిన ఆ అద్భుత దృశ్యం ఏమిటో తెలుసా? మేఘాలు. ఇదేంటి ఆకాశంలో మేఘాలు ఎప్పుడూ కనబడేవే కదా అనుకుంటున్నారా? మెక్‌కల్లీకి కనబడిన మేఘాలు సాధారణ మేఘాలు కావు. వాటి పేరు ఎంత విచిత్రంగా ఉంటుందో అవి కనబడడం అంత అరుదుగా ఉంటుంది.
మెక్‌కల్లికి కనబడిన మేఘాలను అండ్యులేటస్ యాస్పరేటస్ మేఘాలు అంటారు. ఇవి సముద్రంలో తరంగాల వలే తేలిపోతూ కనబడతాయి. వీటిని మేఘాలుగా గుర్తించడానికి కూడా చాలా కాలం పట్టింది. క్లౌడ్ అప్రీసియేషన్ సొసైటీ వ్యవస్థాపకుడు గ్రావిన్ పెటోర్ పినీ ఎనిమిదేళ్ల పాటు కృషి చేసిన తర్వాత ఈ మేఘాలకు 2017లో మేఘాల హోదా ఇచ్చారు.
మెక్‌కల్లీకి కనబడిన మేఘాలను మీరూ చూడండి ఇక్కడ:
వాషింగ్టన్ పోస్టు సౌజన్యంతో
