సంగీత నృత్య కళాకారులకూ, అభ్యసిస్తున్న ఔత్సాహికులకూ ‘ఇండియన్ రాగా’ ఒక వేదికనిస్తుంది. ఈ వేదిక ద్వారా ప్రపంచంలోని వివిధ దేశాలలో ఉన్న కళాకారులు పరస్పరం ఒకరినొకరు తెలుసుకోవచ్చు. అనుభవాలు పంచుకోవచ్చు. కలిసి కళాసృష్టి చేయవచ్చు. ఇండియన్ రాగా యుట్యూబ్లో ఒక ఛానల్ కూడా నడుపుతోంది.
శ్రీరామనవమి సందర్భంగా ఇండియన్ రాగా ఫెలోస్ బృందం ఒకటి కళ్యాణం అంటూ ఒక వీడియోను విడుదల చేసింది. ఈ పాట ఒరిజనల్గా శ్రీనివాస కళ్యాణం సినిమాకోసం ఎస్పి బాలసుబ్రమణ్యం పాడారు. ఆ పాటనే మళ్లీ పాడుతూ ప్రతి చరణానికీ భిన్న నృత్యరీతిలో అభినయింపజేసారు.
ఈ పాటలో సీతారాములు, రుక్మిణీకృష్ణులు, పద్మావతీశ్రీనివాసుల కళ్యాణ వైభోగాలను ఒక్కొక్క చరణంలో వర్ణిస్తారు. ఇండియన్ రాగ వీడియోలో సీతారాముల కళ్యాణం చరణానికి కూచిపూడి నాట్యాన్ని, రుక్మిణీ కళ్యాణానికి ఒడిస్సీని, శ్రీనివాస కళ్యాణానికి భరతనాట్యాన్నీ ఎంచుకున్నారు.
మీరూ చూసి ఆనందించండి: