బాహుబలి విమానం!

ప్రపంచంలోనే అతిపెద్ద విమానం త్వరలోనే గాల్లోకి ఎగరనుంది. ఇప్పటికే మూడుసార్లు విజయవంతంగా టాక్సీ టెస్టులను అది పూర్తిచేసుకుంది. మైక్రోసాఫ్ట్ సహ వ్యవస్థాపకుడు పాల్ అలెన్ మానసపుత్రిక అయిన స్ట్రాటోలాంచ్.. ప్రపంచంలోనే అతిపెద్ద విమానం. ఒక రకంగా దీన్ని విమానాల్లో బాహుబలి అని చెప్పుకోవచ్చు. దీని రెక్కలు దాదాపుగా ఒక ఫుట్ బాల్ మైదానమంత.. అంటే, 117.3 మీటర్ల పొడవుంటాయి. న్యూయార్క్ టైమ్స్ పత్రిక తన కథనంలో ఈ వివరాలు తెలిపింది.

కాలిఫోర్నియాకు చెందిన స్కేల్డ్ కాంపోజిట్స్ సంస్థ దీన్ని రూపొందించింది. ట్విన్-ఫ్యూసెలేజ్ తరహాలోని ఈ విమానంలో ారు 747 జెట్ ఇంజన్లుంటాయి. రాకెట్లను బాగా ఎత్తువరకు తీసుకెళ్లి, వాటిని అక్కడినుంచే అంతరిక్షంలోకి ప్రయోగించడానికి దీన్ని రూపొందించారు. సంప్రదాయ రాకెట్ లాంచర్లకు ప్రత్యామ్నాయమైన ఈ బాహుబలి విమానం ఉపగ్రహాలను సులభంగా అంతరిక్షంలోకి ప్రవేశపెట్టడానికి ఉపయోగపడుతుంది.

విమానం పొడవు 72.5 మీటర్లు, తోక ఎత్తు 15.2 మీటర్లు. దీని ఆపరేషనల్ రేంజి 3,700 కిలోమీటర్లు. దీన్ని నడిపించాలంటే 3,800 మీటర్ల పొడవైన రన్ వే అవసరం. గరిష్ఠంగా 590 టన్నుల బరువును ఇది మోసుకెళ్లగలదు.

ఈ విమానంలో ఉపగ్రహాలను తీసుకెళ్లే రాకెట్లను తీసుకెళ్లచ్చు. భూమికి దాదాపు 10వేల మీటర్ల ఎత్తు వరకు విమానం ఎగురుతుంది. ఆ తర్వాత అక్కడినుంచి రాకెట్ ప్రయోగించి, అక్కడి నుంచి తిరిగి వస్తుంది. రాకెట్లను భూమ్మీద నుంచి నేరుగా ప్రయోగించడం కంటే ఇలా ప్రయోగిస్తే ఇంధనం చాలా ఆదా అవుతుంది. కాలిఫోర్నియాలోని స్పేస్ పోర్టు నుంచి, మోజేవ్ ఎయిర్ నుంచి ఈ విమానం టాక్సీ టెస్టులు పూర్తిచేసుకుంది. మరో మూడు టెస్టులు కూడా విజయవంతం అయితే ఈ వేసవిలోనే స్ట్రాటోలాంచ్ భారీ విమానాలను బరిలోకి దించుతుంది.

Today the #Stratolaunch aircraft flew for 2.5 hours over the Mojave Desert, reaching a top speed of 189 mph. Check out the historic flight here: #StratoFirstFlight pic.twitter.com/x29KifphNz

— Stratolaunch (@Stratolaunch) April 13, 2019

Kamesh

See Full Bio