టిక్కెట్ అండి టికెట్!! వైస్సార్సీపీ లో అప్పుడే లొల్లి!!

చీరాల అయిన గన్నవరం అయినా… రాజోలు అయినా గుంటూరు తూర్పు అయిన… ఎక్కడైనా ఇప్పుడు అధికార పార్టీ వైఎస్ఆర్సిపి లో జరుగుతున్న టికెట్ల లొల్లి… ఇటు వైఎస్సార్సీపీలో అంతర్గత విభేదాలను కార్యకర్తల్లో అయోమయాన్ని ఎత్తి చూపుతుంది… పార్టీ అధినేత రాష్ట్ర ముఖ్యమంత్రి జగన్ దీని మీద దృష్టి పెట్టకపోతే చాలా నియోజకవర్గాల్లో సైతం ఇలాంటి గొడవలు రచ్చకెక్కే ప్రమాదం లేకపోలేదు. ఇంకా రెండేళ్లు కూడా గడవక ముందే వచ్చే ఎన్నికల్లో టిక్కెట్ల కోసం ఇప్పటి నుంచే పంచాయితీలు జరగడం… నువ్వా నేనా అన్నట్లు ప్రజల ముందే అధికార పార్టీ నేతలు కొట్టుకుని స్థాయి వరకు వెళ్లడం పార్టీ ప్రతిష్ఠను దిగజార్చే అంశం… అసలు ఎందుకు అధికార పార్టీలో అప్పుడే టికెట్లు పంచాయతీ మొదలైంది అన్నది ఒక సారి పరిశీలిస్తే…

జమిలి దెబ్బ!!

దేశానికి మొత్తంగా ఒకటే ఎలక్షన్ నినాదంతో ప్రధాని మోడీ సర్కారు జమిలి ఎన్నికలకు రంగం సిద్ధం చేస్తోంది. కరోనా హడావుడి పూర్తయిన వెంటనే జమిలి ఎన్నికలు పై మోడీ సర్కారు ఓ ప్రకటన చేయవచ్చు. దీనికి అనుగుణంగా రాజ్యాంగ సవరణలు తీసుకురావచ్చు.. ఇది ఢిల్లీ వర్గాల నుంచి గల్లీ స్థాయి నేతల వరకు అందిన సమాచారం. ఈ అడవి తోనే వైఎస్ఆర్సీపీలో ఇప్పుడు టికెట్లు పంచాయతీ ఊపందుకుంది.
** ముఖ్యంగా ఇటీవల టిడిపి నుంచి వచ్చిన వారి తోనే ఎక్కువ సమస్య కనిపిస్తుంది. టిడిపి ఎమ్మెల్యేలు గెలిచిన తర్వాత జగన్ పార్టీలో చేరకుండా వైఎస్ఆర్సీపీకి సానుభూతిపరులు గా ఉంటూ… వస్తున్న వారి నియోజకవర్గాల్లో అధికార పార్టీలో విభేదాలు కనిపిస్తున్నాయి.
** 2019 ఎన్నికల్లో తమతో పోరాడిన వారు ఇప్పుడు తమ పార్టీలోకి వచ్చి తమ మీద పెత్తనం చెలాయిస్తూ ఉంటే మొదటి నుంచి వైఎస్ఆర్సిపి ని నమ్ముకుని ఉన్న వారిలో ఆక్రోషం కనిపిస్తుంది. మొదటి నుంచి పార్టీని నమ్ముకున్న వారిని జగన్ పక్కన పెట్టారని కోపం వారిలో ఉంది.
** రాజోలు నియోజకవర్గం నుంచి జనసేన పార్టీ తరఫున గెలిచిన ఒకే ఒక ఎమ్మెల్యే రాపాక వరప్రసాద్ తన కొడుకును వైఎస్సార్సీపీలోకి పంపి తాను.. వైఎస్ఆర్సిపి సానుభూతిపరులు గా వ్యవహరిస్తున్నారు. గత ఎన్నికల్లో ఇక్కడి నుంచి పోటీ చేసిన బొంతు రాజేశ్వరరావు తో పాటు మాలమహానాడు చైర్పర్సన్ గా పనిచేసిన అమ్మజీ మూడు వర్గాలుగా మూడు గ్రూపులుగా విడిపోయి ఉన్నారు… వీరికి ప్రతి సారి ఏదో విషయం లో గొడవ జరుగుతూనే ఉంది తాజాగా ఇళ్ల పట్టాల పంపిణీ సందర్భంగా ఎమ్మెల్యే రాపాక వరప్రసాద్ ఏర్పాటు చేసిన సభకు మంత్రి చెల్లుబోయిన వేణు గోపాల్ వెళ్లడం పెద్ద వివాదానికి దారి తీసింది.

** గన్నవరం నియోజకవర్గంలోనూ మూడు గ్రూపులు తయారయ్యాయి. ఎమ్మెల్యే వల్లభనేని వంశీ తో పాటు ఆయనపై 2019లో పోటీ చేసిన యార్లగడ్డ వెంకట్రావు ఓ వర్గంగా.. దుట్టా రామచంద్రరావు మరో వర్గంగా రాజకీయాలు నడుపుతున్నారు. ప్రతిసారి ఇక్కడ గ్రూపు వివాదాలు కార్యకర్తల మధ్య గొడవలు సర్వసాధారణమైపోయాయి. తాజాగా ఇంటి పట్టాలు పంపిణీ విషయంలో జరిగిన గొడవ మళ్ళీ చర్చకు దారి తీసింది.
** చీరాలలో జరిగిన ఇంటి పట్టాలు పంపిణీ కార్యక్రమంలో ఎమ్మెల్యే పోతుల సునీత కు మాజీ ఎమ్మెల్యే పాలేటి రామారావు కు చీరాల ఎమ్మెల్యే కరణం బలరాం ముందుగానే వివాదం జరిగింది. వైఎస్ఆర్సీపీ తరఫున మరోసారి కరణం బలరాం ఎమ్మెల్యేగా చీరాల ప్రజలు చూస్తారని మాజీ ఎమ్మెల్యే పాలేటి రామారావు అనడం దానికి పోతుల సునీత అడ్డుతగలడంతో వివాదం రేగింది. ఇప్పటికే చీరాలలో మూడు గ్రూపులు కనిపిస్తున్నాయి. ఆమంచి తో పాటు పోతుల సునీత కరణం బలరాం రాకను తీవ్రంగా వ్యతిరేకిస్తున్నారు.
** ఈ మూడు వివాదాలు ఒక రోజు రాష్ట్రంలో జరిగినవి అధికార పార్టీలో జరుగుతున్న టికెట్ల… భయాలను ఆయా నియోజకవర్గాల్లో ఇతర పార్టీ నుంచి వైఎస్సార్సీపీ లోకి వచ్చిన వారితో అక్కడున్న స్థానిక నేతల విభేదాలతో పాటు వచ్చే ఎన్నికల్లో తమకు టికెట్ దక్కుతుందో లేదోనని భయాన్ని ఈ మూడు సంఘటనలు ఒక రోజు చూపాయి. వివాదాల పరిష్కారం లో జగన్ మెత్తగా ఉంటే పార్టీ పరువు మరింత బజారున పడే అవకాశం ఉంది. ప్రాంతాలకు కొంతమంది పార్టీ ఇన్చార్జ్ నియమించిన వారి మాట వినే పరిస్థితి లేదు. ఈ మొత్తం వ్యవహారాలపై జగన్ దృష్టి పెడితేనే ఏమైనా ప్రయోజనం ఉంటుంది.