హిమ చేసిన పనికి జ్వాల మనసు కరుగుతుందా..?లేక అగ్నిగొళంలా మండుతుందా..??

బుల్లితెర ప్రేక్షకులను ఎంతగానో అలరిస్తున్న కార్తీకదీపం సీరియల్ రోజుకో మలుపు తిరుగుతూ విశేషంగా ప్రేక్షకులను అలరిస్తూ వస్తుంది.గత ఎపిసోడ్‌లో జ్వాల హిమని బయటికి గెంటేసి తలుపు వేస్తుంది. ఆ తర్వాత హిమ ఎన్ని సార్లు తలుపు కొట్టినా జ్వాల తలుపు తియ్యదు.సీన్ కట్ చేస్తే జ్వాల.. చంద్రమ్మ ఒడిలో పడుకుని జరిగింది తలుచుకుని బాధపడుతూ ఉంటుంది. ఆ పక్కనే కూర్చుని ఉన్న ఇంద్రడు అమ్మా.. జ్వాల అని పిలిచి వెంటనే ఆగిపోయి ఇప్పుడు నిన్ను ఎలా పిలవాలమ్మా? జ్వాల అనా లేక?’ అంటూ ఆగుతాడు.

ఇక నుండి జ్వాలను ఏమని పిలవాలి..?

వెంటనే పైకి లేచిన సౌర్య నన్ను ‘జ్వాల అని పిలువు బాబాయ్.. నేను ఎప్పటికీ మీ జ్వాలనే అంటుంది.‘అది కాదురా.. ఇంతకాలం పేదరికంలోనే పెరిగావ్ కానీ ఇప్పుడు నువ్వు గొప్పింటి బిడ్డవని తెలిసింది. ఇప్పుడైనా ఆ ఇంటికి వెళ్తే గొప్పగా ఉండొచ్చు కదమ్మా’ అంటుంది చంద్రమ్మ ప్రేమగా..ఏంటి పిన్ని మీరు కూడా నన్ను వదిలించుకోవాలని చూస్తున్నారా? నేను ఎవరినో తెలియకుండానే నన్ను చేరదీసి ఎంతో ప్రేమగా చూసుకున్నారు. మీరు వెళ్లమన్నాసరే నేను వెళ్లను.. మీతోనే ఉంటాను అని అంటుంది.

హిమను ఎలా అయినా బతికించుకుంటాను అంటున్న నిరూపమ్ :

సీన్ కట్ చేస్తే నిరుపమ్ స్వప్న దగ్గరకు వచ్చి మమ్మీ మా పెళ్లి బాగా జరగాలి అంటూ ఎంతో సంబరపడిపోతూ అంటాడు.స్వప్న కాస్త అసహనంతో కోపంగా చూస్తుంది. ‘ఏంటి మమ్మీ హిమకి ఏదైనా అవుతుందని బాధపడుతున్నావా?ఏమి కాదు అలా హిమకి పెద్ద ట్రీట్మెంట్ ఇప్పించి ఎలాగైనా కాపాడుకుంటాను.తనంటే నాకు చాలా ప్రేమ మమ్మీ అనేసి వెళ్లిపోతాడు. దాంతో స్వప్నలో భయం మొదలై నిజంగానే హిమకు ఏం కాకుంటే జీవితాంతం నా కోడలుగా ఉంటుంది.ఆమ్మో అలా జరగకుండా ఏదొకటి చెయ్యాలి అని అనుకుంటుంది.

హిమ కోసం తాతయ్య -నానమ్మ ఎదురుచూపులు :

మరోవైపు ఆనందరావుకి టాబ్లెట్స్ తెచ్చి ఇస్తుంది సౌందర్య. ‘వర్షం వస్తోంది.. హిమ ఇంకా ఇంటికి రాలేదు చాలా లేట్ అయ్యింది కదా ఒకసారి ఫోన్ చెయ్యాల్సింది’ అంటాడు ఆనందరావు. ‘చేస్తూనే ఉన్నానండి.. స్విచ్ ఆఫ్ వస్తోంది అంటుంది సౌందర్య.సీన్ కట్ చేస్తే జ్వాల మనసేం బాలేదు కాసేపు అలా బయటికి వెళ్లి వస్తాను అని పిన్నికి చెప్పి బయటకి వస్తుంది.తలుపు తీసేసరికి హిమ వర్షంలో తడిసి వణుకుతూ నిలబడి ఉంటుంది.హిమను చూసిన జ్వాల ఏంటి అప్పటి నుంచి ఇక్కడే ఉన్నావా?’అంటుంది.అవును అంటుంది హిమ.ఇలా చేస్తే జాలి పడిపోతానని అనుకుంటున్నావా?’ అని అరుస్తుంది జ్వాల.

వర్షంలో తడుస్తూ జ్వాల ఇంటిముందు ఉన్న హిమ :

హిమ చలికి వణికిపోతు ప్లీజ్ సౌర్యా లోపలికి వెళ్లి కూర్చుందాం.చాలా చలి పెడుతుంది అంటుంది.. ప్లీజ్ నా మీద కోపం పోవాలంటే నేనేం చెయ్యాలో చెప్పు’ అంటుంది.నీతో నాకు మాటలేంటీ? పదా మీ ఇంటి దగ్గర దించేస్తా అంటూ హిమని కారు దగ్గరకు తీసుకుని వెళ్తుంది. హిమ చేతిలోంచి కారు తాళం తీసుకుని డోర్ ఓపెన్ చేసి మీ ఇల్లు ఎక్కడో చెప్పు దింపేసి వస్తాను’ అంటుంది సౌర్య. హిమ కూర్చోకుండా అలానే నిలబడుతుంటే ‘కూర్చుంటావా లేక నా పద్దతిలో కూర్చోబెట్టనా అని జ్వాల అంటే వెంటనే హిమ వణుకుతూ వెళ్లి డ్రైవర్ సీట్ పక్కనే కూర్చుంటుంది. జ్వాల డ్రైవర్ సీట్లో కూర్చుని చూడు నీ ఇంటి ‘అడ్రస్ మాత్రమే చెప్పు.. ఇంకేం మాట్లాడినా కారు ఆపి నేను వెళ్లిపోతాను అంటుంది.

శోభకు అసలు విషయం చెప్పిన స్వప్న :

సీన్ కట్ చేస్తే స్వప్న,శోభ ఒకచోట కలుస్తారు. నిరూపమ్ అన్నా మాటలు శోభకు చెప్తుంది స్వప్న. ‘మీరు చెప్పింది వింటే నాకేం అర్థం కావట్లేదు.. నిరుపమ్ అలా ఎలా నమ్మకంగా ఉన్నాడు ఆంటీ?’ అంటుంది శోభ. ఏం చేసి అయినా హిమని బతికించుకుంటాను అంటున్నాడు అని అయోమయంతో చెబుతుంది స్వప్న. ‘బతికించుకోవడం ఏంటీ? అది బతుకుతుంది.. దానికి ఏ జబ్బులేదు.ఈ విషయం మీకు చెప్పలేను.పైగా దానికి క్యాన్సర్ లేదని చెబితే నిరుపమ్, హిమలు మరింత దగ్గర అయిపోతారు’ అని మనసులోనే అనుకుని అక్కడి నుండి వెళ్ళిపోతుంది శోభ.

హిమ మాట విని సౌర్య ఇంట్లో అడుగు పెడుతుందా.?

ఇక సౌందర్య ఇంటి ముందు కారు ఆగుతుంది. హిమ, సౌర్యలు దిగుతారు. ‘నీ మీద జాలితోనో ప్రేమతోనో నిన్ను మీ ఇంటికి తీసుకుని రాలేదు. నా ఇంటి ముందు దిష్టిబొమ్మలా వర్షంలో నువ్వు నిలబడితే అది చూసి అందరూ నన్ను అడుగుతారు అందుకే తీసుకొచ్చాను అంటుంది జ్వాల. లోపలికి వెళ్ళు అనేసి అక్కడ నుంచి వెళ్లిపోతున్న జ్వాలను వెంటనే హిమ సౌర్య చేతులు పట్టుకుని ఆపేస్తుంది హిమ‘నువ్వు లోపలికి రాలేదంటే నేను ఇక్కడే నిల్చుని తడుస్తూ ఉంటాను అంటుంది కోపంగా. ‘నిన్ను’ అని జ్వాల చేయి లేపుతుంది కొట్టడానికి వెంటనే ఆగిపోయి నువ్వుఏదైనా చేసుకో నన్ను బెదిరించకు అనేసి అక్కడ నుంచి జ్వాల వెళ్లిపోవడంతో ఈరోజు ఎపిసోడ్ ముగుస్తుంది.