‘పవన్ అలా అనడం సరికాదు’

జనసేన అధినేత పవన్ కళ్యాణ్ చేసిన వ్యాఖ్యలపై సినీ హస్య నటుడు ఆలీ స్పందించారు.

రాజమండ్రిలో  పవన్ కళ్యాణ్  ఆలీపై విమర్శలు చేసిన విషయం తెలిసిందే.

‘నేను పుట్టింది, పెరిగింది రాజమండ్రి. నేను పుట్టిన గడ్డకు నా తండ్రి పేరున ట్రస్ట్ పెట్టుకొని కులమతాలకు అతీతంగా సేవ చేస్తున్నా. రాజమండ్రిలో పవన్ వ్యాఖ్యలు నన్ను బాధించాయి.’ అని ఆలీ అన్నారు.

చుట్టుప్రక్కల ఉన్నవారు తన మీద  వ్యాఖ్యలు చేయమంటే పవన్ చేసి ఉంటారని ఆలీ అభిప్రాయ పడ్డారు.

‘మీ(పవన్) స్థానం గుండెల్లో పెట్టుకున్నాను. మీరు ఎప్పుడూ బావుండాలని కోరుకునే వ్యక్తుల్లో మొదటి వ్యక్తిని నేను’ అని ఆలీ చెప్పుకొచ్చారు.

ఆలీ కష్టాల్లో ఉన్నప్పుడు సాయపడ్డాను అని పవన్ అన్నారు. మీరు ఏ విధంగా సాయపడ్డారు, అంటే ధనం ఏమైనా ఇచ్చారా? నాకు ఏమైన సినిమాలు చెప్పారా? సినిమాలు లేక ఇంట్లో ఉంటే తీసుకెళ్లి అవకాశాలు ఇప్పించారా? అని ఆలీ ప్రశ్నించారు.

పవన్ ఇండస్ట్రీలోకి రాకమునుపు నుంచి తాను ఒక మంచి పొజిషన్ లో ఉన్నాను అని ఆలీ పేర్కొన్నారు.  తాను ఎవ్వరి దగ్గరా అయ్యా నేను కష్టాల్లో ఉన్నాను. రూపాయి సాయం చేయమని ఏనాడూ ఎవ్వరి దగ్గరా అడగలేదుదని ఆలీ స్పష్టం చేశారు.

అల్లా దయవల్ల తాను చాలా బాగానే ఉన్నానని ఆలీ చెప్పారు.  ఇంకా అడిగే అవకాశం వస్తే అప్పటికి ఆలీ ఉండడు. వెళ్లను కూడా. ఆకలితో చచ్చిపోతాను తప్ప వెళ్లి అమ్మా.. దేహీ అనే స్థితికి వెళ్లను అని ఆలీ స్పష్టం చేశారు.

మీకు తెల్సు నేను కుటుంబాన్ని ఎలా చూసుకుంటానో, తాను ఎవ్వర్ని మనసు బాధపడేలా మాట్లాడనని ఆలీ అన్నారు.

నా స్నేహితుడికి సీటు ఇమ్మని రికమండ్ చేశానా అని ప్రశ్నించారు, తాను ఎవరికీ టికెట్ ఇవ్వమని సిఫార్సు చేయలేదన్నారు.

రాజమండ్రిలో తనపై విమర్శ చేయటం సరికాదని అన్నారు. వైసిపి  చేరితే తప్పేంటి? అదేమైన నేరమా? రాజ్యాంగంలో రాసుందా అక్కడకు వెళ్లకూడదని అని  అలీ పశ్నించారు.