కార్తీకంలో ఇలా చేస్తే మీకు అన్ని శుభాలే !

కార్తీకమాసం.. శివకేశవులకు ఇద్దరికి ప్రీతికరమైనది. ఈ మాసంలో ఏ పూజ చేసిన విశేష ఫలితాలను ఇస్తుంది. అయితే ముఖ్యంగా కింది పేర్కొన్న కొన్ని పరిహారాలు ఆయా ఫలితాలను శ్రీఘ్రంగా ఇస్తాయని పండితులు పేర్కొంటున్నారు. ఆ విశేషాలు …

జాతకంలో ఎవరికి ఏ దోషం ఉంటే వాళ్ళు ఈ కార్తీకమాసం అంతా దానికి సంబంధించిన స్త్రోత్రాన్ని ఆ దేవతను ఆరాధించడం వల్ల విశేష మైన ఫలితం ఉంటుంది. ఎప్పుడూ ఏదో ఒక అనారోగ్యం తో బాధపడే వాళ్ళు, బైద్యనాద్ స్త్రోత్రం,ఆదిత్య హృదయం పఠించాలి,కుజ దోషం ఉన్న వాళ్ళు , వివాహం ఆలస్యం అవుతున్న వాళ్ళు ఈ మాసమంతా శ్రీసుబ్రహ్మణ్య స్త్రోత్రం చదవాలి. వ్యాపారంలో నష్టాలు, కుటుంబ కలహాలు, అప్పులు ,కోర్ట్ కేసుల్, అపనిందలు , రాహు గ్రహ దోషాలు ఉన్న వారు మంగళ చండికా స్త్రోత్రం చదవాలి.

మంత్ర సాధన చేస్తున్న వాళ్ళు, కొత్తగా దీక్ష తీసుకుని ఉపాసన చేస్తున్న వాళ్ళు చర్మ వ్యాధులు, అధిక రక్తపోటు మధుమేహ వ్యాధి ఉన్న వారు ఈ మాసం మొత్తం మానసా దేవీ స్త్రోత్రం చదవాలి. నేత్ర వ్యాధులు, ఏదైనా మీపైన ప్రయోగం జరిగింది అని అనుమానం ఉన్న వాళ్ళు, ఎంత కష్టపడ్డా ఎదుగుదల గుర్తింపు లేని వారు గరుడ ప్రయోగ మంత్రం చదవాలి. శత్రు బాధలు ఉన్నవారు దుర్గా స్త్రోత్రం,శుభకార్యము జరగాలి అని కోరుకునే వారు లలితా సహస్త్ర నామం పారాయణం చేయాలి. వీటిని భక్తి శ్రద్ధలతో ఈ నెలంతా ఒకేసమయంలో అంటే ఏదైనా నిర్ణయించుకున్న సమయం ప్రాతఃకాలంలో లేదా సాయంత్రం శుచితో, శుభ్రతతో పవిత్రమైన మనసుతో పారాయణం చేస్తే అవి సిద్ధిస్తాయి.