Guntur Kaaram: మహేష్ బాబు “గుంటూరు కారం” ఓటీటీ రిలీజ్ ఫుల్ డీటెయిల్స్..!!

Guntur Kaaram: సూపర్ స్టార్ మహేష్ బాబు రీసెంట్ మూవీ “గుంటూరు కారం” జనవరి 12న విడుదలయింది. సంక్రాంతి పండుగ కానుకగా వచ్చిన ఈ సినిమా మొదటిరోజు యావరేజ్ టాక్ సొంతం చేసుకోంది. త్రివిక్రమ్ దర్శకత్వంలో వచ్చిన ఈ సినిమా ప్రేక్షకులను ఏమాత్రం అలరించలేకపోయింది. గతంలో వీరిద్దరి కాంబినేషన్ లో అతడు, ఖలేజా సినిమాలు వచ్చాయి. ఈ రెండు సినిమాలలో మహేష్ బాబు చాలా వైవిధ్యంగా చూపించడం జరిగింది. దీంతో మూడో సినిమాలో “గుంటూరు కారం” కూడా మహేష్ బాబుని త్రివిక్రమ్ వైవిధ్యంగా చూపించబోతున్నట్లు ఫ్యాన్స్ భావించారు. కానీ సినిమాలో కొత్తదనం ఏమీ కనిపించలేదు.

మహేష్ బాబు డాన్స్ మినహా సినిమాలో విషయం లేదు. అయినా సంక్రాంతి సీజన్ సమయంలో రావటంతో మొదట నాలుగు రోజులు కలెక్షన్స్ రావడం జరిగాయి. తల్లి కొడుకు సెంటిమెంట్ తరహాలో వచ్చిన ఈ సినిమా ఎక్కడ ప్రేక్షకులను కనెక్ట్ అయ్యే అంశాలు లేవు. ముఖ్యంగా త్రివిక్రమ్ పెన్ పవర్ డైలాగులు.. పంచ్ సినిమాలో మిస్ అయ్యింది. మొదటి నుండి “గుంటూరు కారం” సినిమాకి అనేక కష్టాలు రావటం జరిగాయి. ఈ సినిమా చేస్తున్న సమయంలోనే మహేష్ తల్లిదండ్రులు చనిపోవడం తర్వాత మొదట హీరోయిన్ అనుకున్న పూజా హెగ్డే మధ్యలోనే డ్రాప్ కావడం వంటివి జరిగాయి. కొన్ని రోజులకు టెక్నీషియన్స్ కూడా సినిమా మధ్యలోనే ఆగిపోయారు.

అయితే వాటన్నిటిని దాటుకుని సినిమా ఈ జనవరి ప్రారంభంలో రిలీజ్ కాగా ప్రేక్షకులను నిరాశపరిచింది. ఇదిలా ఉంటే “గుంటూరు కారం” విడుదలయ్యి నెలరోజులు కాకముందే ఓటీటీలో స్ట్రీమింగ్ కాబోతోంది. ఫిబ్రవరి 9వ తారీఖు నుండి నెట్ ఫ్లిక్స్ సంస్థ తెలుగుతో పాటు తమిళం, కన్నడం, మలయాళం, హిందీ భాషల్లో స్ట్రీమింగ్ కావడానికి రెడీ కావడం జరిగింది. ఈ సినిమాకి తమన్ అందించిన పాటలు చాలా హైలెట్ గా నిలిచాయి. హీరోయిన్ గా నటించిన శ్రీలీల పెర్ఫార్మెన్స్ కూడా.. వీక్షకులను ఆకట్టుకోవడం జరిగింది.