షుగర్ ఉన్నవాళ్ళు కరోనా గురించి కంగారూ పడుతుంటే ఈ విషయం తెలుసుకోవాల్సిందే !

ప్రజలు కరోనాను తక్కువ అంచనా వేస్తున్నారని, ఆ వైరస్ సోకి కోలుకున్న తర్వాత కూడా కొన్ని వ్యాధులు వెంటాడతాయన పరిశోధకులు హెచ్చరిస్తున్నారు. రోగులకు మధుమేహం వచ్చే అవకాశాలు ఎక్కువగా ఉన్నాయని అంటున్నారు.

న్యూ ఇంగ్లాండ్ జర్నల్ ఆఫ్ మెడిసిన్‌లో ప్రచురించిన స్టడీలో పేర్కొన్న వివరాల ప్రకారం.. ‘CoviDiab’ అనే ప్రాజెక్టు కింద 17 మంది అంతర్జాతీయ డయబెటీస్ నిపుణుల బృందం, మోనష్ యూనివర్శిటీకి చెందిన డయబెటీస్ ప్రొఫెసర్ పౌల్ జిమ్మెట్ సంయుక్తంగా కరోనా బాధితులపై పరిశోధనలు జరిపారు. ఈ సందర్భంగా కరోనా బాధితుల్లో చక్కెర స్థాయిలు, మధుమేహం వచ్చే అవకాశాలు తదితర అంశాలను పరిశీలించారు. కరోనా వైరస్ డయబెటీస్ రోగులపై ఎలాంటి ప్రభావం చూపుతుందనేది ఇంకా తెలియరాలేదని పరిశోధకులు తెలిపారు.

గత పరిశోధనల ప్రకారం.. ‘ACE-2’ గ్రాహమే డయబెటీస్‌కు కారణం కావచ్చని, వైరస్ శరీరంలకి ప్రవేశించగానే.. కణాలకు ఇన్ఫెక్షన్ వ్యాప్తి చేసేందుకు ఈ ప్రోటీన్ సహకరిస్తుంది. ఈ ప్రోటీన్ కేవలం ఊపిరితీత్తుల్లోనే కాకుండా ఇతర అవయవాలు, కణజాలాలతోపాటు క్లోమంలో కూడా ఉంటుంది. క్లోమంలోకి చేరిన వైరస్.. మధుమేహానికి దారితీస్తోందని పరిశోధకులు భావిస్తున్నారు. అలాగే, ఈ వైరస్ టైప్-1 మధుమేహం రోగుల్లో ఏర్పడితే పరిస్థితి మరింత ప్రమాదకరంగా ఉంటుందని తెలిపారు.పరిశోధకుల్లో ఒకరైన పౌల్ మాట్లాడుతూ.. ‘‘కోవిడ్-19 రోగుల్లో కొత్తగా వస్తున్న మధుమేహం ప్రభావం ఏ స్థాయిలో ఉంటుందనేకి పూర్తిగా తెలియలేదు. వైరస్ తర్వాత వారిలో మధుమేమం కొనసాగవచ్చు లేదా తొలగిపోవచ్చు. అయితే, భవిష్యత్తుల్లో మధుమేహం వచ్చేవారికి కరోనా వైరస్ ప్రమాదకరం కావచ్చు’’ అని తెలిపారు. కాబట్టి ప్రతి ఒక్కరు తప్పకుండ కొన్ని జాగ్రత్తలు తీసుకుని తీరవలిసిందే అని తెలిపారు.