Pawan Kalyan: వైసీపీకి ప్రతిపక్ష హోదా కూడా దక్కకుండా ఓడించాలి – పవన్

Pawan Kalyan: వైసీపీకి ప్రతిపక్ష హోదా కూడా దక్కకుండా ఘోరంగా ఓడించాలని జనసేన అధినేత పవన్ కళ్యాణ్ పిలుపునిచ్చారు. కోనసీమ జిల్లా మండపేటలో బుధ‌వారం నిర్వహించిన వారాహి విజయభేరి సభలో పవన్ ప్ర‌సంగించారు. ఈ సందర్భంగా ల్యాండ్ టైటిలింగ్ యాక్ట్ గురించి మాట్లాడుతూ వైసీపీకి ఓటేస్తే ప్రజల ఆస్తులు గాల్లో దీపాలే అవుతాయని అన్నారు.

మన ఆస్తి పత్రాలపై జగన్ కు హక్కు ఏమిటని ప్రజలు నిలదీయాలని అన్నారు. భారత పాస్ పోర్టుపై ప్రధాని మోదీ ఫొటో ఉండదని తెలిపారు. ఏపీలో పట్టాదారు పాస్ పుస్తకాలపై జగన్ బొమ్మ ఎందుకని ప్రశ్నించారు. పట్టాదారు పాస్ పుస్తకాలపై ఏపీ ప్రభుత్వ రాజముద్ర ఉండాలన్నారు. అసెంబ్లీలో చంద్రబాబు కుటుంబాన్ని తిట్టడం తప్ప ల్యాండ్ టైటిలింగ్ చట్టం పై ఎప్పుడైనా చర్చ పెట్టారా అని ప్రశ్నించారు. ప్రభుత్వం తీసుకువచ్చిన ల్యాండ్ టైటిలింగ్ యాక్ట్ దుర్మార్ఘమైనదని అన్నారు.

రాష్ట్ర ప్రజలకు జగన్ పాలన నుంచి విముక్తి కలిగించాలన్నదే తన బలమైన ఆకాంక్ష అని ప‌వ‌న్ అన్నారు. పదేళ్లుగా తనను అనేక ఇబ్బందులకు గురిచేశారన్నారు. ఎన్నో మాటలు అన్నారని అన్నారు. ప్రజల కోసం ఎన్ని మాటలైనా భరిస్తానని, ప్రజాసంక్షేమం కోసం ఎన్ని ఇబ్బందులైనా ఎదుర్కొంటానని చెప్పారు. వైసీపీ అవినీతి కోటను బద్దలు కొట్టాలి అనేదే తన లక్ష్యమని వివరించారు. వైసీపీకి ప్రతిపక్ష హోదా కూడా దక్కకుండా ఘోరంగా ఓడించాలని పిలుపునిచ్చారు.

అధికారంలోకి వచ్చిన ఏడాదిలోపు మెగా డీఎస్సీ నిర్వహిస్తామని హామీ ఇచ్చారు. అభివృద్ధి, సంక్షేమాన్ని సమతుల్యం చేస్తూ ఉమ్మడి మ్యానిఫెస్టో ను ప్రజల వద్దకు తీసుకువచ్చామని పేర్కొన్నారు. అణగారిన వర్గాలకు ఆర్ధికంగా అండగా నిలుస్తూ .. రాష్ట్ర భవిష్యత్తు కు మేలు చేసేలా, యువతకు ఉపాధి కల్పించేలా మ్యానిఫెస్టో రూపొందించామన్నారు. ఎన్డీఏ అభ్యర్ధులకు ఓట్లు వేసి భారీ మెజార్టీతో గెలిపించాలని కోరారు.

KCR: కేసిఆర్ కు ఈసీ బిగ్ షాక్ .. 48 గంటల పాటు ప్రచారంపై నిషేదం