Karthika deepam : దీపకు మళ్ళీ పెళ్లి చేయనున్న సౌందర్య.. పెళ్లి కొడుకు ఎవరంటే..??

Karthika deepam : బుల్లితెర ప్రేక్షకులను ఎంతగానో అలరిస్తున్న కార్తీక దీపం సీరియల్ ఈరోజు ఎలాంటి సరికొత్త మలుపులతో ముందుకు సాగుతుందో తెలుసుకుందామా.కార్తీక్, దీప, పిల్లలు ఇంటికి రావడంతో ఇంట్లోని వారందరు చాలా సంతోషంగా ఉంటారు.ఈ విషయం తెలియని మోనిత లక్ష్మణ్ కి డబ్బులు డబ్బులిచ్చి తాడికొండ వెళ్లి వెతకమని పంపిస్తుంది. మరోపక్క హిమ,సౌర్యలు బాబుతో ఆడుకుంటూ ఉండగా ఉన్నటుండి సౌర్య ‘నాన్నమ్మా వీడు అచ్చం డాడీలానే ఉంటాడు కదా అనేస్తుంది. అప్పుడు అందరూ ఒకేసారి షాక్ అవుతారు. వెంటనే సౌందర్య, దీప అలా అనకూడదు అని సున్నితంగా చెప్తారు.

Karthika deepam : ఇంట్లోనే పార్టీ చేసుకుందాం అన్న సౌందర్య..కారణం ఏంటంటే..?

ఇక హిమ అయితే ‘మనం బయటికి వెళ్దాం నాన్నమ్మా’ అంటే ‘ఎక్కడికి వెళ్లేది లేదు.ఇంట్లోనే పార్టీ అంటుంది. పార్టీ ఏంటి అని ఆశ్చర్యంగా అంటే ‘మీరు రావడంతో అందరికీ పార్టీ ఇవ్వమని మీ డాడీ కాల్ చేసి మరీ చెప్పార్రా’ అంటుంది సౌందర్య.ఇక మోనిత, భారతి కారులో వెళ్తూ వెళ్తూ సౌందర్య వాళ్ళ ఇంటి వైపు కారు తిప్పుతుంది. భారతి ఏంటి ఇటు తీసుకోచ్చావ్ అంటే ఒకసారి మా అత్తగారి ఇంటికి వెళ్లి బయట నుంచి ఓ దన్నం పెట్టుకుని వెళ్దామని ఇటు తిప్పాను’ అంటుంది మోనిత.

కార్తీక్ ఇంటికి వచ్చిన మోనిత :

అయితే కార్తీక్ వాళ్ళ ఇల్లంతా లైటింగ్‌తో మిలమిల మెరిసిపోతుంది. ‘ఏంటి భారతి బాధలో చీకట్లో ఉంటారనుకుంటే ఇలా లైట్స్ తో వెలిగిపోతుందిదేంటి ఇల్లు?’ అంటుంది. ‘కార్తీక్ వచ్చాడేమోఅని భారతి అంటే అక్కడెక్కడో ఉన్న కార్తీక్ ఇప్పుడు ఎందకొస్తాడు అంటూ కారు తీస్తుంది మోనిత.ఇక హిమ, సౌర్యలు.. దీప, కార్తీక్‌లకు ‘పెళ్లి రోజు శుభాకాంక్షలు అంటూ కార్డ్స్‌ తయారు చేస్తారు. ఇంతలో సౌందర్య రావడంతో నాన్నమ్మా.. అమ్మా నాన్నల పెళ్లి గురించి చెప్పు.. ఎలా చేశారు వాళ్ల పెళ్లి?’ అంటూ ఆరా తీస్తారు.

గతంలో సౌందర్య చేసిన తప్పు పిల్లలకు చెబుతుందా.?

దాంతో ఒక్కసారిగా దీప, కార్తీక్ పెళ్లి చేసుకుని వచ్చేయడం, తను తిట్టడం.అంతా గుర్తొస్తుంది సౌందర్యకు.మీ అమ్మా నాన్నల పెళ్లి మేము చూడలేదురా అంటూ చెబుతూనే ‘మీ అమ్మా నాన్నలకు పెళ్లి రోజు అన్న సంగతి గుర్తు లేదు కదా మీరు చెప్పకండి.. రేపు సర్‌ఫ్రైజ్ చేద్దాం సరేనా’ అంటూ ఒప్పిస్తుంది.మరునాడు అన్ని ఏర్పాట్లు చేయిస్తుంది సౌందర్య.కార్తీక్‌ కూడా రెడీ అయ్యి కిందకు రాగానే సౌందర్య కార్తీక్‌కి ముద్దుపెట్టి.. ‘పెళ్లి రోజు శుభాకాంక్షలు పెద్దోడా..’ అంటుంది. ఒకరి తర్వాత ఒకరు శుభాకాంక్షలు చెబుతారు.ఇంకా ‘పెళ్లి కూతుర్ని తీసుకొస్తాను’ అని వెళ్తుంది. లోపలకిి వెళ్లేసరికి దీప కూడా రెడీ అయ్యి ఉంటుంది. దీపకు కూడా ముద్దు పెట్టుకుని.. వాళ్లు ఇల్లు వదిలి వెళ్లడంతో సౌందర్య పడిన ఆవేదన చెప్పి వెంటనే.. ‘దీపా నాకు మాటివ్వే.. ఇంకెప్పుడు మమ్మల్ని వదిలి పెట్టను అని మాటివ్వు’ అంటుంది. దాంతో దీప వెంటనే మాటిస్తుంది.

దీపకు మళ్ళీ పెళ్లా..?

ఇంతలో పిల్లలు వచ్చి.. ‘నాన్నమ్మా కింద పంతులుగారు అమ్మని తీసుకుని రమ్మంటున్నారు’ అంటారు. తల్లికి పెళ్లి రోజు శుభాకాంక్షలు చెబుతారు హిమ, సౌర్యలు..ఇంకా మళ్ళీ సీన్ మోనిత ఇంట్లో ఓపెన్ అవుతుంది.మోనిత ఇంటి బయట పని చేస్తున్న లక్ష్మణ్ భార్య అరుణను చూసి ‘అక్కా నేను వచ్చేశాను’ అని చీరల చాటునుంచి ఎవరో వ్యక్తి అనడంతో వచ్చేశాడు తాగుబోతు సచ్చినోడు..’ అని తిట్టుకుంటుంది అరుణ.ఇంకా ఆ వ్యక్తి ఎవరో కాదు కార్తీక్ ను వెతకమని సౌందర్య తాడికొండకు పంపిన బిచ్చగాడు అలియాస్ మహేష్.

మోనిత ఇంట్లో బిచ్చగాడు :

అతను లక్ష్మణ్ భార్య తమ్ముడుగా ఎంట్రీ ఇస్తాడు. ఏదేదో మాట్లాడుతుంటే అరుణ పోరా సచ్చినోడా అంటూ మోనిత ఇంట్లోకి వెళ్తుంది. వెనుకే మహేష్ కూడా వెనుకే వెళ్లిపోతాడు. అక్కడ కూర్చీలో కూర్చున్న మోనిత మహేష్ ను చూసి ‘ఎవరు ఇతను అంటూ అసహ్యంగా చూస్తూ అడుగుతుంది.మా తమ్ముడు అమ్మా.. తాగుబోతు సచ్చినోడు’ అంటుంది అరుణ. ఇంతలో ఎదురుగా ఉన్న కార్తీక్, మోనితల ఫొటో చూసిన మహేష్.. ‘అక్కా ఈయన ఫొటో ఏంటి ఇక్కడుంది?’ అంటాడు. దాంతో మోనిత షాక్ అయిపోతూ పైకి లేస్తుంది.ఇక్కడితో ఈరోజు ఎపిసోడ్ పూర్తయింది.