Chiranjeevi: పక్కా ప్లానింగ్ తో చిరంజీవి “విశ్వంభర” రిలీజ్ డేట్ లాక్.. హిట్ పడితే రికార్డులు గల్లంతే..?

Chiranjeevi: టాలీవుడ్ ఇండస్ట్రీలో బాగా వ్యాపారం జరిగే సీజన్ లలో ఒకటి సంక్రాంతి. ఈ పండుగను టార్గెట్ చేసుకుని చాలామంది సినిమాలు చేస్తుంటారు. సంక్రాంతి సీజన్ లో సినిమా హిట్ అయిందంటే ఆ సినిమా నిర్మాతకి కాసుల వర్షమే. ఆ రకంగానే ఈ ఏడాది సంక్రాంతి పండుగకు చిన్న సినిమాగా రిలీజ్ అయిన “హనుమాన్” అతిపెద్ద హిట్ అయింది. దీంతో “హనుమాన్” సినిమా నిర్మాతకు భారీగా లాభాలు చేకూరుతున్నాయి. ఏకంగా RRR, బాహుబలి 2, సలార్… రికార్డులను కూడా బ్రేక్ చేయడం జరిగింది. ఓవర్సీస్ లో కూడా “హనుమాన్” సినిమాకి అత్యధిక నెంబర్స్ కలిగిన కలెక్షన్స్ వస్తున్నాయి.

కాగా మెగాస్టార్ చిరంజీవి కొత్త సినిమా “విశ్వంభర” ప్రస్తుతం షూటింగ్ జరుపుకుంటున్న సంగతి తెలిసిందే. ఈ సినిమాని “బింబిసార” దర్శకుడు వంశీ వశిష్ట తెరకెక్కిస్తున్నారు. యూవీ క్రియేషన్స్ నిర్మాణ సంస్థ నిర్మిస్తోంది. ఈ సినిమాకి సంబంధించి టైటిల్ సంక్రాంతి పండుగకు రిలీజ్ చేయడం జరిగింది. అదే సమయంలో వచ్చే ఏడాది సంక్రాంతి పండుగకు “విశ్వంభర” విడుదల చేయబోతున్నట్లు తెలిపారు. అయితే తాజాగా ఇండస్ట్రీలో వినపడుతున్న సమాచారం ప్రకారం 2025 జనవరి 10వ తారీఖు ఈ సినిమాని రిలీజ్ చేస్తున్నారట. సరిగ్గా శుక్రవారం నాడు అనగా వీకెండ్ సమయంలో సినిమా రిలీజ్ అవుతుండగా ఆ తరువాత జనవరి 13 నుండి సంక్రాంతి పండుగ స్టార్ట్ కాబోతుందట.

మొత్తంగా చూసుకుంటే “విశ్వంభర” రిలీజ్ అయ్యే టైంకి ఆరు రోజులపాటు సెలవులు రానున్నాయి. ఓవరాల్ గా వారం రోజులు వేసుకోవచ్చు. సో దీన్ని బట్టి చూస్తే చిరంజీవి “విశ్వంభర” పక్క ప్లానింగ్ తో రిలీజ్ చేస్తున్నట్లు తెలుస్తోంది. ఏమాత్రం ఫస్ట్ డే పాజిటివ్ టాక్ వచ్చిందంటే.. రికార్డులు గల్లంతే..అని సినీ విశ్లేషకులు అంటున్నారు. గత ఏడాది “వాల్తేరు వీరయ్య”తో చిరంజీవి సంక్రాంతి పండుగకు సూపర్ హిట్ అందుకున్నారు. రవితేజ చిరంజీవి నటించిన ఈ సినిమా మంచి లాభాలు తీసుకురావడం జరిగింది. టాలీవుడ్ లో సంక్రాంతి సీజన్ కలిసివచ్చే హీరోలలో చిరంజీవి ఒకరు. ఈ క్రమంలో వచ్చే ఏడాది సంక్రాంతికి “విశ్వంభర” ఎన్ని రికార్డులు సృష్టిస్తుందో అన్నది ఇప్పుడు ఇండస్ట్రీలో పెద్ద చర్చగా మారింది.