రుచికే కాదు…! ఇది ఆరోగ్యానికి కూడా రారాజే..!! అదేంటో చూడండి.

వంట గదిలో కొత్తిమీర సువాసనే వేరు. ఎటువంటి పదార్ధం కయినా కొత్తిమీర కొద్దిగా కలిపితే మంచి రుచిని ఇస్తుంది. అంతే కాదండి పరిసర ప్రాంతాలు ఘుమఘుమలాడతాయి. ఆ సువాసనకు నోట్లో నీరు ఊరని వారుండరు అంటే అతిశయోక్తి కాదు కదా… ప్రతి ఒక్కరూ ఇంటిలోనే ఈ కొత్తిమీర ను మొలిపించుకోవచ్చు. కుండీలలో కూడా ఈ మొక్కలు బేషుగ్గా పెరుగుతాయి. మసాలా దినుసులలో ఒకటి అయిన ధనియాల మొక్కలే ఈ కొత్తిమీర.  తెలుగు రాష్ట్రాలలో దాదాపు అన్ని కూరలలో దీనిని ఉపయోగిస్తారు. ఏ కూరకైనా.. ఎక్స్ ట్రా సువాసన కోసం కొత్తిమీర వాడక తప్పదు. సువాసన కోసం వాడిన..రుచి కోసం వాడిన..ప్రతి ఒక్కరు  విటమిన్లు, ఖనిజ లవణాలు కలిగిన కొత్తిమీర వాడకం నూటికి నూరు శాతం మంచిది.

దీనిని కేవలం ఎక్స్ ట్రా టెస్ట్ ను అందించే వంటింటి పదార్ధంగా చూడకూడదు. ఎన్నో ఔషద గుణాలు కలిగి ఉన్న కొత్తిమీర మనకు ఎంతో లాభం చేకుర్చుతుంది. కొత్తిమీర కాండంలోను, గింజల్లోనూ సుగంధ, ఔషద తత్వాలు అనేకం ఉంటాయి. ఆహారాన్ని విషతుల్యం చేసే సాల్మనెల్లా అనే బ్యాక్టీరియాను నిర్వీర్య పరిచే గుణం కొత్తిమీరకు పష్కలంగా ఉంది.  అందు వలన పదార్ధాలలో కొత్తిమీర ఉపయోగిస్తే ఆ పదార్ధాలు విషతుల్యం అవడానికి చాన్స్ ఉండదు. అంతే కాదండి ఫుడ్ పాయినింగ్ జరిగినప్పుడు కొత్తిమీర తింటే ప్రభావంతంగా పనిచేస్తుందని వైద్య నిఫుణులు తెలియజేస్తున్నారు. కొత్తిమీర పై  అనేక అధ్యాయనాలు జరిపారు.

గ్యాస్ నుండి ఉసశమనం కలిగించేదిగా, శరీరాన్ని చల్లపరిచేదిగా పనిచేస్తుంది. లైంగిక శక్తిని పెంచుతుంది. అంతర్గత అవయువాల్లో నొప్పిని తగ్గిస్తుంది. రక్తంలో ఉన్న గ్లూకోజ్ తగ్గించే ఔషదంగా పనిచేస్తుంది. కొత్తిమీరలో పీచు శాతం ఎక్కువ. అలానే ఇనుము, మాంగనీసు, మెగ్నీషయం తగిన మోతాదులో కలిగి ఉంటుంది. కొత్తిమీర ను ఆహారంలో తరుచు తీసుకోవడం వలన శరీరంలో హాని చేసే కొవ్వు పదార్ధం తుగ్గతుంది. జీర్ణ వ్యవస్థ పనితీరు మెరుగుపరుస్తుంది. దీనిలో ఉండే కె విటమిన్ ముసలి తనంలో వచ్చే మతిమరుపు వ్యాధిని నియంత్రిస్తుంది. దీనిలో ఉండే యాంటిసెప్టిక్ లక్షణాలు నోటిపూతను నియంత్రిస్తుంది. మహిళల్లో వచ్చే నెలసరి ఇబ్బందులను తగ్గిస్తుంది. పెదవులు నల్లగా ఉన్న వారు. రోజు రాత్రి పడుకునే సమయంలో కొత్తిమీర రసం పెదవులపై రాసుకోవాలి , అలా కొద్ది రోజుల కు పెదాలపై ఉన్న నలుపు రంగు పోతుంది. కొత్తిమీర ఏదైనా కూరలో ఉపయోగించేటపుడు చివరలో ఉపయోగించాలి. అప్పుడే మంచి సువాసన వస్తుంది.

కొత్తిమీర త్వరగా వాడిపోకుండా ఉండాలి అంటే ఓ పాత్రను తీసుకుని దానిలో నీరు పోయాలి.  వాటి వేర్లు నీటిలో మునిగేటట్లు ఉంచుకోవాలి.   కొత్తిమీర ను ఔషదంగా ఉపయోగించుకోవాలి అంటే 10 మి.లీ మోతాదులో వాడాలి. కొత్తిమీర రసం విటమిన్ ఎ, బి1, బి2, సి, ఐరన్ లోపాల్లో హితకరంగా ఉంటుంది. అనేక రోగాలకు కారణమౌతున్న బ్యాక్టీరియా లను సమర్దవంతంగా  ఎదుర్కొనే శక్తి కొత్తిమీరకు ఉంది. ఇప్పుడు అర్దమైందా…కొత్తిమీర రుచికే కాదు…. ఆరోగ్యాన్ని అందించడంలో నూ రారాజే .