అన్న‌పై ‘ సౌభాగ్య‌మ్మ ‘ అస్త్రంతో రివేంజ్‌కు రెడీ అంటోన్న ష‌ర్మిల‌…|

క‌డ‌ప రాజ‌కీయాల‌లో ఇప్పుడు వైఎస్ సౌభాగ్య‌మ్మ పేరు మార్మోగుతోంది. ఏ ఇద్ద‌రు క‌లిసినా.. ఆమె గురించే చ‌ర్చించుకుంటున్నారు. దీంతో అస‌లు ఆమె ఎవరు? ఇప్పుడు ఎందుకు తెర‌మీదికి వ‌స్తున్నారు? అనేది ఆస‌క్తిగా మారింది. 2019 ఎన్నిక‌ల‌కు ముందు దారుణ హ‌త్య‌కు గురైన వైఎస్ వివేకానంద‌రెడ్డి స‌తీమ‌ణే.. సౌభాగ్య‌మ్మ‌. 2021 వ‌ర‌కు ఆమె పేరు ఎవ‌రికీ కూడా తెలియ‌దు. తెలిసినా. క‌డ‌ప వ‌ర‌కే ప‌రిమితం. కానీ, ఆత‌ర్వాత‌.. ఆమె హైకోర్టుకు వెళ్ల‌డం.. త‌న భ‌ర్త మ‌ర‌ణంపై అనుమానాలు ఉన్నాయ‌ని, విచార‌ణ చేప‌ట్టాల‌ని కోర‌డంతో వెలుగులోకి వ‌చ్చారు.

ఇక‌, ఆ కేసు సంగ‌తి విచార‌ణ ద‌శ‌లోనే ఉంది. కానీ, ఇప్పుడు ఎన్నిక‌ల‌కు ముందు సౌభాగ్య‌మ్మ పేరు ప్ర‌ధానంగా రాష్ట్ర రాజ‌కీయాల్లో వినిపిస్తోంది. వ‌చ్చే ఎన్నిక‌ల్లో ఆమెను క‌డ‌ప లేదా.. రాజంపేట పార్ల‌మెం టు స్థానాల నుంచి పోటీకి నిల‌బెట్టాల‌నేది.. సీఎం జ‌గ‌న్ తో విభేదిస్తున్న వైఎస్ కుటుంబం స‌భ్యుల ఆలోచ‌న‌. ప్ర‌స్తుతం వైఎస్ వివేకా కేసును ప్ర‌తిష్టాత్మ‌కంగా తీసుకున్న ఈ కుటుంబం.. దీనిలో త‌మ‌కు న్యాయం జ‌ర‌గాలంటే.. అధికారబ‌లం కూడా అవ‌స‌ర‌మ‌ని భావిస్తున్నారు.

ఈ క్ర‌మంలోనే సౌభాగ్య‌మ్మ‌ను ఎంపీ చేసుకుంటే.. కొంత త‌మ‌కు నైతికంగా బ‌లం చేకూరుతుంద‌ని అనుకుంటున్నారు. దీనికి తోడు.. త‌మ‌కు ఏమాత్రం స‌హ‌క‌రించ‌డం లేద‌ని భావిస్తున్న వైసీపీ అధిష్టానాని కి కూడా త‌మ బ‌లం ఏంట‌నేది చూపించాల‌ని భావిస్తున్న‌ట్టు తెలుస్తోంది. త‌న అన్న‌పై ష‌ర్మిల సౌభాగ్య‌మ్మ అస్త్రాన్ని వాడి త‌న స‌త్తా ఏంటో చూపించాల‌ని బ‌లంగా డిసైడ్ అయిన‌ట్టు కూడా టాక్ ?
ఇటీవ‌ల ఇదే విషయంపై కాంగ్రెస్ చీఫ్ ష‌ర్మిల‌.. వైఎస్ వివేకా కుమార్తె డాక్ట‌ర్ సునీత‌లు దృష్టి పెట్టారు. కాంగ్రెస్‌లో చేరితే.. క‌డ‌ప సీటు ఇచ్చి సౌభాగ్య‌మ్మ‌ను గెలిపించుకునే బాధ్య‌త‌ను తాను తీసుకుంటాన‌ని ష‌ర్మిల చెప్పిన‌ట్టు క‌డ‌ప పొలిటిక‌ల్ స‌ర్కిళ్ల‌లో ప్ర‌చారం జ‌రుగుతోంది.

అయితే.. క‌డ‌ప నుంచి ష‌ర్మిల పోటీ చేస్తేనే బాగుంటుంద‌ని సునీత అభిప్రాయ‌ప‌డ‌గా.. రాజంపేట నుంచి అయినా.. సౌభాగ్య‌మ్మ‌ను నిల‌బెట్టాల‌ని ష‌ర్మిల భావిస్తున్నారు. ప్ర‌స్త‌తం ఈ చ‌ర్చ‌ల‌కు ఇంకా ముగింపు రాలేదు. ఎన్నిక‌ల‌కు ముందు .. దీనిపై స్ప‌ష్ట‌త రానుంది. కానీ, క్షేత్ర‌స్థాయిలో సౌభాగ్య‌మ్మ పొలిటిక‌ల్ ఎంట్రీపై స్థానికులు చ‌ర్చించుకోవ‌డం.. వారి అభిప్రాయాల్లో ఆమె గెలుపు ఖాయ‌మ‌ని కొందరు బ‌ల‌మైన పోటీ ఇస్తార‌ని మ‌రికొంద‌రు చెబుతుండ‌డం గ‌మ‌నార్హం. ఈ ప‌రిణామాల‌ను వైసీపీ కూడా నిశితంగా గ‌మ‌నిస్తుండ‌డం మరో విశేషం. ఆమె ఎక్క‌డ నిల‌బ‌డినా గెలుస్తార‌ని.. కొంద‌రు అంచ‌నా వేస్తున్నారు. మ‌రి ఏంజ‌రుగుతుందో చూడాలి.