తస్మాత్ జాగ్రత్త జగన్ ! ప్లస్ అయ్యేదే మైనస్ అవుతోంది !

మంచి పనితీరు కనబరిచిన ముఖ్యమంత్రుల్లో జాతీయ స్థాయిలో ఆంధ్రప్రదేశ్ సీఎం వైయస్ జగన్మోహన్ రెడ్డి మూడవ స్థానాన్ని  దక్కించుకోవడం ఏపీకి గర్వకారణమే.గతసారి నాలుగో ర్యాంక్ వచ్చిన జగన్ ఈసారి మూడవ ర్యాంక్ కి ఎగబాకారు.

హేమాహేమీలు సీఎంలుగా ఉన్న ఈ దేశంలో ఏడాది పసిబిడ్డ సీఎం ఇంత ఉన్నత స్థాయికి ఎదగడం ఎంతైనా విశేషం. అదే సమయంలో జగన్ కు ఈ ర్యాంకింగ్ ఎలా దక్కింది అన్నది చర్చనీయాంశం అయింది.జగన్ చేతికి ఎముక లేనట్లుగా నిధులు కుమ్మరిస్తున్నారు. తన హామీలలో తొంబై శాతం అమలు చేసిన సీఎంగా ఉన్నారు. అదే విధంగాఖజానాకు వచ్చిన ప్రతీ పైసా కూడా జనం ఖాతాలోనే వేస్తున్నారు.

జగన్ కే గుర్తులేని ఎన్నో స్కీములను ఆయన అమలు చేశారు.అందువల్లనే ఏపీలో పాలన ఎలా ఉంది అంటే పైసలు చేతిలో పడిన వారంతాబాగానే ఉందని చెబుతారు. ఈ కారణం వల్లే ఆయనకు మూడో స్థానం లభించింది అని విశ్లేషిస్తున్నారు. అదే సమయంలో ఇలాంటి పథకాలు ఏవి జగన్ అంత స్థాయిలో అమలు చేయని ఉత్తరప్రదేశ్ సీఎం యోగికి ర్యాంకింగ్లో 24%, ద్వితీయ స్థానంలో నిలిచిన ఢిల్లీ సీఎం కేజ్రీవాల్ కు 15% ఓటింగ్ రావడాన్ని ఇక్కడ గమనించాలి. ఫొటోస్ స్థానంలో నిలిచిన జగన్మోహన్రెడ్డికి 11 శాతం ఓటింగ్ మాత్రమే వచ్చింది. మొదటి రెండు స్థానాల్లో నిలిచిన సీఎంలు సంక్షేమ పథకాలతో పాటు వారి వారి రాష్ట్రాలను అభివృద్ధి పరిచారు కాబట్టే అంత స్థాయిలో ఓటింగ్ లభించింద౦టున్నారు.

ఆంధ్రప్రదేశ్ లో కేవలం సంక్షేమ పథకాలు అమలు తప్పితే అభివృద్ధి అనేది ఎక్కడా కానరావడం లేదు అన్నది ఒక విశ్లేషణ.జగన్ ఏడాది పాలనలో కొత్తగా ఒక్క ఇటుక రాయి పడలేదు, గట్టి ప్రాజెక్టు ఒకటి లేదు, ఇక యాక్షన్ ప్లాన్ అంటూ కూడా సిధ్ధం కాలేదు. అంటే వచ్చిన డబ్బు అంతా చిల్లరగా జగన్ ఖర్చు చేస్తున్నారు తప్ప శాశ్వతమైన అభివృధ్ధికి మాత్రం సుపరిపాలకుడిగా కేటాయించడంలేదని విశ్లేష‌ణలు ఉన్నాయి. అందుకే జగన్ కి అది మైనస్ గా కనిపిస్తోంది. ఇది ప్రమాదకరమని ఎప్పుడైతే జగన్ సంక్షేమ పథకాల అమలును కాస్త తగ్గించినా,

నిధులు ఇవ్వడం నిలిపివేసినా జనాలకు డబ్బు దొరకని పరిస్థితి ఏర్పడితే మాత్రం ప్రజలు ఆయనకు వ్యతిరేకమయిపోతారు అని విశ్లేషకులు హెచ్చరిస్తున్నారు. అభివృద్ధి సంక్షేమ పథకాలు ఏకకాలంలో అమలు జరగాలని అప్పుడే ఏ ప్రభుత్వానికైనా దీర్ఘకాలిక మనుగడ ఉంటుందని వారు చెబుతున్నారు. మంచి ర్యాంకింగ్ వచ్చిందని సంబరపడడానికి బదులు 1,2 ర్యాంకింగ్ ఎందుకు రాలేదని జగన్ ఆలోచించాల్సిన తరుణం ఆసన్నమైంది.