Hi Nanna: OTT లో న్యాచురల్ స్టార్ నాని “హాయ్ నాన్న” స్ట్రీమింగ్..!!

Hi Nanna: న్యాచురల్ స్టార్ నాని గురించి ప్రత్యేకంగా చెప్పనవసరం లేదు. వైవిధ్యమైన సినిమాలు చేస్తూ బ్యాక్ టు బ్యాక్ విజయాలు అందుకుంటూ ఉన్నారు. 2023లో ప్రారంభంలో “దసరా” సినిమాతో మంచి మాస్ హిట్ అందుకున్న నాని… ఏడాది చివరిలో “హాయ్ నాన్న” సినిమాతో మరో హిట్ అందుకోవడం జరిగింది. ఈ రెండు సినిమాలు కూడా కొత్త దర్శకులతో చేయడం జరిగింది. “దసరా” సినిమాతో శ్రీకాంత్ ఓదెల, “హాయ్ నాన్న” సినిమాతో శౌర్యవ్ నూతన దర్శకులను పరిచయం చేయడం జరిగింది. డిసెంబర్ 7వ తారీకు “హాయ్ నాన్న” సినిమా విడుదలయ్యింది.

ఈ సినిమాలో “సీతారామం” హీరోయిన్ మృణాల్ ఠాకూర్ హీరోయిన్ గా నటించింది. తెలుగు, తమిళ్, కన్నడ, మలయాళ, హిందీ భాషల్లో విడుదలైన ఈ సినిమా థియేటర్స్ లో సాలిడ్ రన్ నీ ఇప్పటికే కొనసాగిస్తూనే మరో పక్క ఓటిటిలోకి వచ్చేసింది. “హాయ్ నాన్న” ఓటిటి హక్కులను నెట్ ఫ్లిక్స్ సంస్థ దక్కించుకుంది. జనవరి 4వ తారీఖు నుండి అనగా నేటి నుండి స్ట్రీమింగ్ అవుతూ ఉంది. తండ్రి కూతురు సెంటిమెంట్ నేపథ్యంలో తెరకెక్కిన ఈ చిత్రంలో నాని కూతురు పాత్రలో కీయారా ఖన్నా నటించింది. నాని కెరియర్ లో “హాయ్ నాన్న” 75 కోట్లకు పైగా కలెక్షన్స్ సాధించడం జరిగింది.

ఈ సినిమాని 35 కోట్లతో తెరకేక్కించినట్టు సమాచారం. ఇప్పుడు ₹75 కోట్ల గ్రాస్ కలెక్ట్ చేయడం జరిగిందట. నాని గత ఏడాది “దసరా” సినిమాతో ₹100 కోట్లకు పైగా సాధించి భారీ హిట్ అందుకున్నారు. అదే ఏడాది చివరిలో ఆయన సినిమాతో ₹75 కోట్లతో కలెక్షన్ కొల్లగొట్టి విజయవంతంగా 2023 సంవత్సరంలో కెరియర్ కొనసాగించడం జరిగింది. స్టోరీలో కొత్తదనంతో పాటు కొత్త దర్శకులతో పనిచేయడానికి నాని చాలా ఎక్కువ ప్రాధాన్యత ఇస్తూ ఉన్నారు. నేటి నుంచి ఈ సినిమా ఓటీటీలో స్ట్రీమింగ్ అవుతూ ఉండటంతో నాని ఫ్యాన్స్ సంతోషం వ్యక్తం చేస్తున్నారు. ప్రస్తుతం నాని “సరిపోదా శనివారం” అదేవిధంగా “హిట్ 3” సినిమాలు చేస్తున్నారు. ఈ రెండు సినిమాల షూటింగ్ లలో బిజీగా ఉన్నారు. ఈ ఏడాదిలోనే ఈ రెండు సినిమాలు విడుదల కానున్నాయి