Farmers Protest : ఢిల్లీ లో కనపడకుండా పోతున్న రైతులు…! ఎలా అదృశ్యమయ్యారు?

Farmers Protest  :  కేంద్ర ప్రభుత్వానికి వ్యతిరేకంగా….. పార్లమెంటులో ఆమోదం పొందిన నూతన వ్యవసాయ చట్టాలను నిరసిస్తూ దేశవ్యాప్తంగా రైతులంతా రెండు నెలలుగా ఆందోళనలు చేపడుతున్న విషయం తెలిసిందే. ఈ రోజు డిల్లీలో నిర్వహించిన ట్రాక్టర్ ర్యాలీ చివరికి హింసాత్మకంగా మారింది. ఈ తరుణంలో ఢిల్లీలో తీవ్ర ఉద్రిక్త పరిస్థితులు నెలకొన్నాయి. ఇప్పుడు దేశ రాజధానిలో గణతంత్ర దినోత్సవం రోజు చోటుచేసుకున్న ఘటన తర్వాత రైతులు పెద్దఎత్తున కనిపించకుండా పోయిన విషయం తీవ్ర దుమారం రేపుతోంది.

వివరాల్లోకి వెళితే…. పంజాబ్ రాష్ట్ర మానవ హక్కుల సంఘం విడుదల చేసిన ప్రకటన ప్రకారం జనవరి 26 తర్వాత వారి రాష్ట్రానికి చెందిన చాలా మంది నిరసనకారులు అదృశ్యమయ్యారట. ఢిల్లీ లో ట్రాక్టర్ ర్యాలీలో పాల్గొన్న వారిలో దాదాపు 100 మంది రైతులు నాలుగు రోజులుగా కనిపించడం లేదని వారు తెలిపారు. అంతేకాకుండా పంజాబ్ సమీపంలో ఒకే గ్రామానికి చెందిన 12 మంది రైతులు కనిపించకుండా పోయినట్లు పోలీస్ స్టేషన్లో కేసు నమోదైంది. ఇదే విషయాన్ని తమ రిపోర్టులో కూడా వెల్లడించారు. 

ముఖ్యంగా ఎర్రకోటపై జెండా ఎగరేసినవారే తప్పిపోయిన వారి జాబితాలో ఎక్కువమంది ఉన్నారని వివరించారు. దీంతో ఇప్పుడు ప్రభుత్వంపై మరింత ఒత్తిడి తెచ్చినట్లు అయింది. ఇప్పుడు రైతులు ఏమయ్యారు అన్న విషయంపై ఎవరికీ స్పష్టత లేదు. మరొకవైపు నిరసనలో పాల్గొన్న 200 మంది రైతుల పై కేంద్ర ప్రభుత్వం కేసు నమోదు చేసిన సంగతి తెలిసిందే. 

కొందరి మీద అయితే దేశద్రోహం కేసు కూడా నమోదు చేశారు. ఇక ఇలా కేసులు ఎదుర్కొంటున్న వారికి ఉచిత న్యాయ సేవలు అందించాలని పలు సంఘాల నాయకులు నిర్ణయించుకున్నారు. ప్రస్తుతానికి అయితే రైతుల నిరసనలు రోజుకో మలుపు తిరుగుతున్నాయి. ఈ నేపథ్యంలో బిజెపి ప్రభుత్వం ఏదో ఒక పరిష్కారం తో ముందుకు రాకపోతే పరిస్థితి చేయి దాటి పోయే లాగా ఉంది.