Karthika Deepam 2 May 2nd 2024 Episode: దీపకి నచ్చచెప్పి ఇంటికి తీసుకువచ్చిన కార్తీక్.. తప్పు చేశానంటూ బాధపడ్డ సుమిత్ర..!

Karthika Deepam 2 May 2nd 2024 Episode: దీప ని ఎవరు పంపించలేదని తానే వెళ్లిపోయిందంటూ కార్తీక్ పోలీసులకు నచ్చచెప్పుతాడు. ఎవరిమీద నిందలు వేయాల్సిన పనిలేదు. వెళ్లి దీపని తీసుకొస్తానని వెళ్తాడు. సీఐ దశరథ వాళ్ల మీద అరుస్తాడు. నేను అంతగా చెప్పిన తర్వాత కూడా ఎవరికీ చెప్పకుండా వెళ్ళిపోవడం ఏంటని సుమిత్ర అనుకుంటుంది. మళ్లీ దీప దగ్గరకు వెళ్లారా అని సుమిత్రా పారును అవమానిస్తుంది. చెప్పకుండా వెళ్ళిపోయి తప్పు చేసింది తనని అనకుండా దానిని ఎందుకు అంటున్నావు అంటుంది జ్యోత్స్న. తన ఇంట్లో ఉన్న మనిషి గురించి వేరే ఇంట్లో ఉంటున్న బావకి తెలిసింది. కానీ మనకి తెలియలేదు. తీసుకొస్తాను అన్నాడు అంటే దీప వాళ్లు ఎక్కడ ఉన్నారో బావకి తెలుసు.

అంటే వాళ్లు ఎక్కడికి వెళ్తారో బావకి తెలుసు. నీతో కూడా చెప్పకుండా వెళ్ళిపోయిందని అంటుంది. చెప్పకుండా వెళ్ళిపోయి చాలా తప్పు చేశావని సుమిత్ర బాధపడుతూ ఉంటుంది. దీప వాళ్ళు ఊరి వెళ్ళిపోతుంటే కార్తీక్ వచ్చి దీప నువ్వు అర్జెంట్గా ఇంటికి రావాలంటూ చెబుతాడు. ఇంటికి పోలీసులు వచ్చారు మీరు కనిపించడం లేదని గొడవ జరుగుతుందని వివరిస్తాడు. నేను ఇక్కడ ఉన్నానని ఎవరు చెప్పారంటే తానే చెప్పానని అంటాడు. పోలీసులు వెయిట్ చేస్తున్నారని కావాలంటే మళ్ళీ తానే డ్రాప్ చేస్తానని కార్తీక్ చెబుతాడు. దీంతో దీప ఇంటికి వెళ్లేందుకు ఒప్పుకుంటుంది. కారులో వెళ్తుండగా శౌర్యకి అనసూయ కనబడుతుంది.

అమ్మ నాన్నమ్మ వచ్చింది చూడు అని చెబుతుంది. దీప అనసూయని చూసి వెంటనే కారు దిగితానని పలకరిస్తుంది. శౌర్య.. కార్తిక్ కి అనసూయని పరిచయం చేస్తుంది. ఎవరు అతను అని అనసూయ అడుగుతుంది. కార్తీక్ తన ఫ్రెండ్ అని శౌర్య వెల్లడిస్తుంది. ఊరు నుంచి ఎప్పుడొచ్చావని దీప అడుగుతుంది. రెండు రోజులు అవుతుంది నీకోసం వెతుకుతూ ఉన్నాను. బస్టాండ్లో పడుకుంటే ఎవడో డబ్బులు కొట్టేసాడని నోరు వేసుకుని దీప మీద పడిపోతుంది. మల్లేష్ ఇచ్చిన డబ్బులు అవి పోయాయిని చెబుతుంది. మేము సైకిల్ కోసం ఊరు వస్తున్నాం తీసుకురావచ్చు కదా అంటూ శౌర్య అంటుంది. ఇంకెక్కడ సైకిల్ అమ్మేసానని చెప్పడంతో శౌర్య ఏడుస్తూ బుంగమూతి పెడుతుంది.

అత్తయ్య ఇక్కడికి వచ్చిందంటే ఊర్లో ఏం జరుగుతుందో ఏంటోనని దీప కంగారు పడుతూ ఉంటుంది. దీపను తీసుకుని కార్తీక్ ఇంటికి వస్తాడు. ఇక అనసూయ సుమిత్ర వాళ్ళ ఇల్లు చూసి నోరు వెళ్ళబెడుతుంది. నువ్వు ఎక్కడికి వెళ్లాల్సిన అవసరం లేదని ఇక్కడే ఉండమని చెప్పాను కదా? నీకు అర్థం కాలేదా లేదంటే నా మాటకు విలువ ఇవ్వాల్సిన అవసరం లేదనుకున్నావా? ఎవరి కి చెప్పి వెళ్లావు. మీరు బాధ్యత తీసుకున్న మనిషి మీకు చెప్పకుండా వెళ్ళిపోయిందని సీఐ అంటారు. ఏం చెప్పమంటావ్ అని సుమిత్ర గట్టిగా నిలదీస్తుంది. నిజంగా వెళ్లాల్సిన అవసరం వస్తే నాకు ఒక మాట చెప్పాలి కదా అని చెబుతుంది. మేడం మీ మీద చూపిస్తున్న కోపం నిజమేనా లేదంటే కావాలని ఇప్పుడు మాట్లాడుతున్నారా అని సుమిత్రాన్ని సీఐ అవమానిస్తాడు.

దీప వెళ్ళిపోవడం వెనుక ఎవరో ఉన్నారు. నిన్ను వెళ్లిపోమన్నా మనిషి ఎవరు? అని గట్టిగా నిలదీస్తాడు. నన్ను ఎవరు వెళ్లిపోమని చెప్పలేదు. నేనే వెళ్ళిపోవాలని అనుకున్నానని చెబుతుంది దీప. కానిస్టేబుల్స్ సస్పెక్ట్ నీ తీసుకొస్తారు. సుమిత్ర మీద ఎటాక్ చేసిన వాడు వీడేనా అని సిఐ అతని చూపించి దీపని ప్రశ్నిస్తాడు. దీప కాదని చెబుతుంది. అటాక్ జరిగి ఇన్ని రోజులు అవుతుంది కేసుకు సంబంధించిన ఒక్క ఎవిడెన్స్ పట్టుకోలేకపోతున్నారని కార్తీక్ సిఐ మీద సీరియస్ అవుతాడు. వారం రోజుల్లో సుమిత్ర మీద అటాక్ చేసిన వాడిని తీసుకొచ్చి మీ ముందు నిలబెడతానని చెబుతాడు సీఐ. అంతవరకు దీప బాధ్యత మీదేనని సీఐ కార్తీక్ కి అప్పచెబుతాడు. తాను ఇక్కడ ఉన్న వెళ్ళిపోయినా అన్నిటికీ సమాధానం చెప్పాల్సిన బాధ్యత మీదేనని అంటాడు. అలా అక్కడితో నేటి ఎపిసోడ్ కంప్లీట్ అయింది.