Shane Warne Records: ఇండియాపై షేన్ వార్న్ ఒక చెత్త రికార్డ్..! ఆ ఇన్నింగ్స్ ఇంకా వార్న్ ని వెంటాడుతుందేమో..!?

Shane Warne Records: షేన్ వార్న్.. ప్రపంచ క్రికెట్ లో అత్యుత్తమ బౌలర్.. అత్యుత్తమ స్పిన్నర్.. ఆయనలా 70, 75 డిగ్రీల్లో బంతిని తిప్పి వేయడం, బ్యాట్స్ మెన్ ని కన్ఫ్యూజ్ చేయడం ఏ ప్రపంచ శ్రేణి బౌలర్ కి సాధ్యం కాలేదు. ఈ శతాబ్దపు అత్యుత్తమ బౌలర్ వార్న్ అనడంలో ఎటువంటి సందేహం లేదు.. ప్రపంచంలో టెస్ట్ క్రికెట్ ఆడే ప్రతీ దేశమైనా వార్న్ కి బెస్ట్ రికార్డులు ఉన్నాయి. పసికూనల నుండి ప్రపంచ శ్రేణి బ్యాట్స్ మెన్ల వరకు అన్ని దేశాల ఆటగాళ్లపై బంతితో గిరగిరా తిప్పి పైచేయి సాధించిన షేన్ వార్న్.. ఇండియాపై మాత్రం కొన్ని చెత్త రికార్డులు మూటగట్టుకున్నారు.. సహజంగానే స్పిన్ ఆడడంలో దిట్ట అయిన అప్పటి ఇండియన్ బాట్స్ మెన్ సచిన్ టెండూల్కర్, రాహుల్ ద్రావిడ్, అజారుద్దీన్, లక్ష్మణ్, గంగూలీ లాంటి బ్యాట్స్ మెన్లు షేన్ వార్న్ ని కూడా అలాగే ఆడేసుకున్నారు. ముఖ్యంగా సచిన్ టెండూల్కర్ 1998 లో జరిగిన షార్జా కప్ మొదలుకుని.. వరుసగా షేన్ వార్న్ పై చేయి సాధించారు.

* అది 1998లో షార్జా కప్.. అప్పటి క్రికెట్ ప్రపంచంలో బ్యాటింగ్ దిగ్గజం సచిన్.. బౌలింగ్ దిగ్గజం షేన్ వార్న్.. తన స్పిన్ తో ఎందరో బ్యాట్స్ మెన్ ని బోల్తా కొట్టించి పెవిలియన్ కి పంపిస్తున్నాడు.. ఈ పోరు ఎలా ఉంటుందా..!? షేన్ వార్న్ ని సచిన్ ఎలా ఎదుర్కొంటాడా..!? సచిన్ ని షేన్ వార్న్ ఎలా కట్టడి చేస్తాడా..!? అంటూ అప్పటి అభిమానులు ఉత్కంఠగా ఎదురు చూసిన క్షణాలలో సచిన్ తన బ్యాటింగ్ తో చుక్కలు చూపించాడు. షేన్ వార్న్ లో ఇంత అలవోకగా ఆడొచ్చా అనేలా చాటుతూ.. దాదాపు వార్న్ వేసే ప్రతీ బంతిని సీరీజ్వదిలి బయటకు వచ్చి ఆడేవాడు. బంతి డెలివర్ అయిన వెంటనే తన స్టైల్ మార్చుకుని.. సీరీజ్ బయటకు వచ్చి బాదేవాడు.. అలా సచిన్ సిరీస్ లో వార్న్ కి చుక్కలు చూపించి పీడకలగా మారాడు.. తర్వాత వార్న్ చాలా సందర్భాల్లో తన ఓటమిని.., సచిన్ గొప్పతనాన్ని అంగీకరించారు.. ఆ సిరీస్ సచిన్ రెండు సెంచరీలు చేసి వార్న్ బౌలింగ్ లోనే 8 సిక్స్ లు బాదాడు. రెండు మ్యాచ్లలో సచిన్ సెంచరీలు చేయగా.. వార్న్ కి ఆ రెండు మ్యాచ్ లలో వికెట్లు రాలేదు..! అలా వన్ డె లలో వార్న్ పై భరత్ బ్యాట్స్ మెన్ పై చేయి సాధించారు.. ఇక టెస్టుల్లో కూడా వార్న్ రికార్డ్ ఇండియాపైనే చెత్తగా ఉంది..!

Shane Warne Records: వార్న్ దేశాల వారీగా ఇలా..!!

షేన్ వార్న్ మొత్తం మీద 145 టెస్టులు ఆడారు.. మొత్తం మీద 6784 ఓవర్లు బౌలింగ్ వేశారు. దేశాల వారీగా చూసుకుంటే..

* ఆస్ట్రేలియా బెస్ట్ యాషెస్ ప్రత్యర్థి ఇంగ్లాండ్ పై అత్యధికంగా 1795 ఓవర్లు బౌలింగ్ వేసి.. 23.26 సగటుతో 195 వికెట్లు తీసుకున్నారు.

* దక్షిణ ఆఫ్రికాపై 1321 ఓవర్లు బౌలింగ్ వేసి.. 24.17 సగటుతో 132 వికెట్లు తీసుకున్నారు..

* న్యూ జీలాండ్ పై 961 ఓవర్లు బౌలింగ్ వేసి.. 24.38 సగటుతో 103 వికెట్లు తీసుకున్నారు..

* పాకిస్థాన్ పై 675 ఓవర్లు బౌలింగ్ వేసి.. 20.18 సగటుతో 90 వికెట్లు తీసుకున్నారు..

* వెస్టిండీస్ పై 679 ఓవర్లు బౌలింగ్ వేసి.. 29.95 సగటుతో 65 వికెట్లు తీసుకున్నారు..

* శ్రీలంక పై 527 ఓవర్లు బౌలింగ్ వేసి.. 25.54 సగటుతో 59 వికెట్లు తీసుకున్నారు.

* కానీ.. ఇండియాపై మొత్తం 654 ఓవర్లు బౌలింగ్ వేసి.. 47.19 సగటుతో కేవలం 43 వికెట్లు మాత్రమే తీసుకోగలిగారు. సగటు ఎక్కువ, వికెట్లు తక్కువ..