గుడ్డు వలవడం ఇలా!

(న్యూస్ ఆర్బిట్ డెస్క్)

కోడిగుడ్డు ఉడికించిన తర్వాత పెంకు వలవడం పెద్ద పని. దాన్ని ముందు ఆరబెట్టాలి. తర్వాత జాగ్రత్తగా పెంకు వలవాలి. ఇదంతా అనవసరం అంటున్నాడు ఒక పెద్దమనిషి. బాయిల్డ్ ఎగ్ పెంకు వలిచే కొత్త పద్ధతి చూపించే ఒక వీడియో ప్రస్తుతం ఇంటర్నెట్‌లో హల్‌చల్ చేస్తున్నది.

వీడియోలో ఉడికించిన కోడిగుడ్డును ఒక గాజు గ్లాసులో వేసి కాసిని చల్లటి నీరు నింపి కొద్ది సెకన్ల పాటు అటూఇటూ ఊపడం కనబడుతుంది. అనంతరం గుడ్డు బయటకు తీసి దానిని అయిదు వేళ్లతో వత్తగానే పెంకు మొత్తం విడిపోతుంది. ఈ వీడియోకు ట్విట్టర్‌లో బ్రహ్మాండమైన స్పందన వచ్చింది. మొన్న ఆదివారం నుంచి ఇప్పటివరకూ 30 లక్షల మందికి పైగా దీనిని వీక్షించారు.