ఆ నవ్వుకి మరణం లేదు.., స్మరణమే..! చార్లీ చాప్లిన్ వర్ధంతి నేడు..!!

ఇప్పటి వెండితెరపై ఆయనే మీ పెద్ద పెద్ద డైలాగ్స్ చెప్పలేదు.. సిక్స్ ప్యాక్ బాడీతో ఫైట్స్ చేయలేదు.. అదిరిపోయే డాన్సులు కూడా చేయలేదు.. కానీ ఆయన కేవలం తన హావభావాలతో, చిలిపి చేష్టలతో, ప్రేక్షకులకు కితకితలు పెట్టి కడుపుబ్బా నవ్వించాడు.. నవ్వుతూ శాశ్వత చిరునామా ఆయన.. హాస్యానికి రూపం ఆయన .. చేతిలో కర్ర, చిరిగిన నోటు, తలపై టోపీతో ప్రత్యేకమైన నడక..ఇప్పుడు గుర్తొచ్చిందా అతనెవరో.. ఆతనే చార్లీ చాప్లిన్..! ప్రపంచవ్యాప్తంగా ప్రతి ఒక్కరికి గుండెల్లో తనదైన ముద్ర వేసుకున్న హాస్యనటుడు చార్లీ చాప్లిన్ వర్ధంతి ఈరోజు.. ఆయన గురించి ప్రత్యేక కథనం..! మీకోసం..!

ఆయన గెటప్ తో వస్తే సినిమా టికెట్స్ ఫ్రీ..!

విశ్వ ఖ్యాతిని సంపాదించుకున్న చార్లీ చాప్లిన్ నటుడిగా, నిర్మాతగా, దర్శకుడిగా అనేక సినిమాలు చేశారు. 1921లో చార్లీ చాప్లిన్ తీసిన ది ఐడిల్ క్లాస్ అనే సినిమా రిలీజ్ అయింది. వాషింగ్టన్లోని లిబర్టీ అనే థియేటర్ యజమాని ఈ సినిమాకు చార్లీ చాప్లిన్ గెటప్తో వస్తే సినిమా టికెట్స్ ఫ్రీ అని ప్రకటించారు.. దీంతో చిన్న పిల్లలు, పెద్దలతో సహా అందరూ చాప్లిన్ గెటప్ తో సినిమా కు హాజరు కావడం విశేషం.

“చార్లీ సర్కిల్”

అజయ్ సుఖుమల్ ఆస్వానీ.. ఆయుర్వేద వైద్యుడు. ఈయన హస్తవాసి తో పాటు హాస్యం వాసిగల వైద్యుడి గానే కాకుండా చార్లీ చాప్లిన్ అభిమానిగా ఎనలేని గుర్తింపు పొందాడు.. గుజరాత్ లోని ఆది పూర్ పట్టణంలో ఆయన క్లీనిక్ నిండా చార్లీ చాప్లిన్ పోస్టర్లు ,బొమ్మలు ,సినిమా డివిడి లు ఉంటాయి . తన దగ్గరకు వచ్చిన రోగులను నవ్వుతూ పలకరిస్తూ ఆయన గొప్పతనాన్ని వివరిస్తూ ఉంటాడు. వీటితో పాటు ఓ రెండు చార్లీచాప్లిన్ నటించిన సినిమాల డీవీడీలు ఇచ్చి చూడమని చెబుతుంటాడు..

ఈయన “చార్లీ సర్కిల్” అనే సంస్థను 1973లో స్థాపించిన ఈ సంస్థ కు ఇప్పటివరకు 400 మంది సభ్యులు ఉన్నారు. ప్రతి సంవత్సరం ఏప్రిల్ 16న ఆయన జయంతి వేడుకలు ఘనంగా చేయడమే కాకుండా, ఈ సర్కిల్లోని సభ్యులంతా ఆరోజు చార్లీ చాప్లిన్ వేషధారణతో మెరిసిపోతారు. 4 సంవత్సరాల క్రితం “చార్లీ ఫౌండేషన్” స్థాపించి దానిద్వారా పలు సేవా కార్యక్రమాలను నిర్వహిస్తున్నారు. అంతేకాకుండా “చార్లీ చాప్లిన్ భవన్” ను ఏర్పాటు చేసి ఆయనకు సంబంధించిన పలు విశేషాలు అందులో పొందుపరిచారు.