Tollywood: మేలో స్టార్ హీరోల మూవీల నుంచి ఫస్ట్ సాంగ్స్..!!

Tollywood: భారతీయ చలనచిత్ర రంగంలో వేసవి మార్కెట్ అతికీలకమైనది. బాలీవుడ్ మొదలుకొని సౌత్ ఫిలిమ్ ఇండస్ట్రీ వరకు వేసవి టార్గెట్ చేసుకొని సినిమాలు విడుదల చేస్తుంటారు. వేసవికాలంలో దేశవ్యాప్తంగా విద్యాసంస్థలకు సెలవులు కావడంతో… సమ్మర్ హాలిడేస్.. దృష్టిలో పెట్టుకుని సినిమాలు విడుదల చేస్తుంటారు. కానీ ఈసారి వేసవిలో.. పెద్ద సినిమాలు విడుదలకు పెద్దగా ఏమీ లేవు. చాలా వరకు సంక్రాంతి మార్చి నెలలోపులో విడుదల అయిపోయాయి. ఏప్రిల్ నెలలో “ఫ్యామిలీ స్టార్” రిలీజ్ అయింది. వాస్తవానికి ఆ సమయంలో ఎన్టీఆర్ నటించిన “దేవర” మూవీ రిలీజ్ కావాలి.

కానీ ఆ సినిమా షూటింగ్ ఆలస్యం కావడంతో… విజయ్ దేవరకొండ “ఫ్యామిలీ స్టార్” రిలీజ్ అయింది. “దేవర” అక్టోబర్ నెలలో రిలీజ్ చేయబోతున్నారు. ఇదిలా ఉంటే ఈ హాట్ హాట్ సమ్మర్ ను కూల్ కూల్ సాంగ్స్ హోరెత్తించేందుకు స్టార్ హీరోలు సిద్ధమయ్యారు. ఈ వేసవిలో బడా చిత్రాలు విడుదలకు నోచుకోకపోవడంతో పలు చిత్రాల నుంచి ఫస్ట్ సింగిల్స్ రానున్నాయి. ఈ జాబితాలో పుష్ప-2(మే 1), డబుల్ ఇస్మార్ట్ (మే 15), కల్కి (మేలోనే), దేవర(మే 20) ఉన్నాయి. ఇప్పటికే ఈ చిత్రాల నుంచి వచ్చిన అప్డేట్ లతో సినిమాలపై క్రేజ్ అమాంతం పెరిగింది. ఆల్రెడీ అల్లు అర్జున్ “పుష్ప 2” ఫస్ట్ లిరికల్ సాంగ్ ప్రోమో రిలీజ్ కూడా చేయడం జరిగింది.

దేవిశ్రీప్రసాద్ అందించిన మ్యూజిక్ అభిమానులను ఎంతగానో ఆకట్టుకుంది. “పుష్ప” మొదటి భాగం బ్లాక్ బస్టర్ కావడంతో సెకండ్ భాగం.. చాలా ప్రతిష్టాత్మకంగా నిర్మిస్తున్నారు. ఈ మొత్తం సినిమాలు పాన్ ఇండియా ప్రాజెక్టు లే. “దేవర” మూవీకి అనిరుద్ సంగీతం అందిస్తున్నారు. “డబుల్ ఇస్మార్ట్” సినిమాకి మణిశర్మ మ్యూజిక్ అందిస్తున్నారు. ప్రపంచవ్యాప్తంగా తెలుగు సినిమా మార్కెట్ పెరిగింది. దీన్ని దృష్టిలో పెట్టుకుని దర్శకులు మరియు నిర్మాతలు చాలావరకు పాన్ ఇండియా ప్రాజెక్టులే చేపడుతున్నారు. మే నెలలో ప్రభాస్ “కల్కి” విడుదల అయ్యే అవకాశం ఉంది. ప్రభాస్ కెరియర్ లోనే హైబడ్జెట్ సినిమాగా.. “కల్కి”.. తెరకెక్కటం జరిగింది.