ఎంపీ కావాలనుకున్నారు… అయ్యారు…!
వైసీపీని కెలకాలనుకుంటున్నారు… కెలుకుతున్నారు…!
బీజేపీతో స్నేహం చేయాలనుకుంటున్నారు…! మరి చేస్తున్నట్టా లేదా..? రాజుగారి రాజకీయం ఎక్కడ చెడింది..? తాజా వ్యాఖ్యల వెనుక ఆంతర్యం ఏమిటి..??
నరసాపురం ఎంపీ రఘురామకృష్ణం రాజు ఉద్దేశం ఏమిటి..? ఇన్నాళ్లు బీజేపీ అండతో వైసిపిని ఢీకొన్నారు అనుకునే వాళ్లకి తాజాగా ఆయన ట్విస్టు ఇచ్చారు. నిన్న బీజేపీని కూడా టార్గెట్ చేయడం మొదలు పెట్టారు. అటు వైసీపీ, ఇటు బీజేపీతో కయ్యం పెట్టుకుని ఆయన ఏం సాధించాలనుకుంటున్నారు..? రాజుగారి రాజకీయంలో తాజా ట్విస్టులతో ఎక్కడ చెడింది..?? అనే అనుమానాలు కలగక మానదు.
నిజానికి రాజుగారి లక్ష్యం ఒక్కసారి అయినా ఎంపీగా అవ్వాలని. అందుకే ఆయన 2012 నుండి రాజకీయాల్లో చురుకయ్యారు. మొదట వైసీపీలోనే రాజకీయం ఆరంభించారు. 2014 ఎన్నికల్లో సీటు విషయంలో స్పష్టత లేకపోవడంతో బీజేపీలో చేరారు. టీడీపీతో సయోధ్యగా ఉన్నారు. 2014 ఎన్నికల్లో పోటీ చేయాలని ఉవ్విళ్లూరి, ఆశపడి భంగపడ్డారు. దీంతో 2019 లో ఎలాగైనా గెలవాలనే పట్టుదలతో కాసుకొని ఉన్నారు. ఎన్నికలకు ముందు వైసీపీ నుండి స్పష్టమైన హామీతో ఆ పార్టీలో చేరి ఎంపీ అయ్యారు. కానీ అయిష్టంగానే నడిచారు. ఇక గెలిచినా తర్వాత తన మాట నెగ్గకపోవడం, ఎమ్మెల్యేల నుండి ధిక్కారం ఎదురవ్వడం జీర్ణించుకోలేక ఎదురు తిరిగారు. పార్టీని టార్గెట్ చేస్తూ.., తాను కూడా పార్టీకి టార్గెట్ అయ్యారు. రాష్ట్రంలో బలంగా, దూకుడుగా ఉన్న వైసీపీతో కయ్యం వెనుక బీజేపీ హస్తం ఉండే ఉంటుందని అందరూ భావించారు.
ప్రస్తుతం వైసీపీతో రాజు గారి కాపురం చెడింది. విడాకుల వరకు వెళ్ళింది. అయితే ఆయన వెనుక బీజేపీ ఉందా? లేదా? అనే స్పష్టత మాత్రం లేదు. ఒక సందర్భంలో ఆయనకు బీజేపీ పెద్దల అండ ఉందని అందరూ భావించారు. దానికి బలం చేకూరుస్తూ ఆయనకు కేంద్రం నుండి రక్షణ రావడం.., బీజేపీ పెద్దల అపాయింట్మెంట్లు సులువుగా దొరకడం.., ఈయన రాసిన లేఖలకు కేంద్రం నుండి సానుకూల స్పందన వస్తుండడంతో ఇక రాజుగారు బీజేపీ రాజుగారిగా మారిపోయారు అంటూ అనుకున్నారు. అందుకే ఆయనపై వేటు పడదని భావించారు. కానీ తాజాగా ఆయన బీజేపీ కీలక ఎంత జీవీఎల్ పై ఘాటు వ్యాఖ్యలు చేసారు. ఫోన్ టాపింగ్ అంశంపై జీవీఎల్ వ్యాఖ్యలను తప్పు పట్టారు. ఒక్కో రాష్ట్రానికి ఒక్కో రూల్ ఉంటుందా..? అంటూ నిలదీశారు. జీవీఎల్ అంటే బీజేపీకి కీలక నేత. ఏపీలో ప్రస్తుతం చక్రం తిప్పుతున్న త్రిమూర్తుల్లో ఆయన ఒకరు. అటువంటిది ఆ నేతని రాజుగారు విమర్శించడం చర్చకు దారితీసింది. ఈ చర్చ ద్వారా కూడా ఒకటి కచ్చితంగా ఒకటి అర్ధమవుతుంది. విశ్లేషకులకు ఒక అంశంపై స్పష్టత వస్తుంది. అదేమిటంటే..!
రాజుగారి ప్రస్తుత లక్ష్యం ఒక్కటే అదే వైసిపిని టార్గెట్ చేయడం, ఆ పార్టీని దించేయడం. జగన్ ని ప్రజల ముందు చులకన చేయడం, ఆ పార్టీని బలహీన పరచడం..! అదే లక్ష్యంగా ఆయన విమర్శలు, వ్యాఖ్యలు, జగన్ వ్యతిరేక మీడియాతో మాటలు ఉంటాయి. అందుకే బీజేపీ సహకరిస్తే ఒకే, సంతోషం.., లేకపోతే ఒంటరి పోరాటానికి సై అన్నట్టే. ఒంటరిగా .., బీజేపీ తోడు లేకుండా రాజుగారు పోరాటం చేయగలరా అనే సందేహం రావచ్చు..!! ఆయనకి బీజేపీ నుండి సహకారం లేకపోయినా అపకారం మాత్రం ఉండదు. అవసరమైతే చీకటి ఉపకారం మాత్రం ఉంటుంది. ఆయన ఢిల్లీ స్థాయిలో వారికి అంత ముఖ్యం. అది ఆయనతో కొందరు బీజేపీ పెద్దలతో ఉన్న లింకుల కారణం. అందుకే వైసీపీ లక్ష్యంగా ఆయన పోరాటంలో ఎవరు అడ్డు వచ్చినా ఆయన లాగేస్తారని, తాజాగా జీవీల్ పై ఆయన వ్యాఖ్యలతో అర్ధం చేసుకోవచ్చు. ఇలా రాజుగారి రాజకీయం వైసిపికి దూరంగా.., బీజేపీకి అటూ, ఇటుగా చెడినట్టే కనిపిస్తుంది.
May 5: Daily Horoscope in Telugu మే 5 – చైత్ర మాసం – ఆదివారం - రోజు… Read More
AP Elections 2024: ఆంధ్రప్రదేశ్ లో ఎన్డీఏ కూటమి తరపున ప్రచారానికి అగ్రనేతలు వస్తున్నారు. ఇందులో భాగంగా ప్రధాని మోడీ… Read More
Pushpa: అల్లు అర్జున్, డైరెక్టర్ సుకుమార్ కాంబోలో రూపొందుతున్న 'పుష్ప 2: ది రూల్' నుంచి రిలీజ్ అయిన మొదటి… Read More
Terrorists Attack: లోక్ సభ ఎన్నికల వేళ జమ్ము – కశ్మీర్ లో ఉగ్రదాడి చోటుచేసుకుంది. పూంచ్ జిల్లాలోని శశిధర్… Read More
Breaking: లోక్ సభ ఎన్నికల వేళ కర్ణాటకలో కీలక పరిణామం చోటుచేసుకుంది. మహిళ కిడ్నాప్ కేసులో కర్ణాటక మాజీ మంత్రి,… Read More
CM Ramesh: అనకాపల్లి జిల్లా మాడుగులలో ఉద్రిక్త పరిస్థితులు నెలకొన్నాయి. వైసీపీ అభ్యర్ధి, ఉప ముఖ్యమంత్రి బూడి ముత్యాలనాయుడు స్వగ్రామమైన… Read More
Lok Sabha Elections 2024: దేశంలో ప్రస్తుతం జరుగుతున్న సార్వత్రిక ఎన్నికల్లో కచ్చితంగా గెలిచి కేంద్రంలో ఇండియా కూటమి ద్వారా అధికారంలోకి… Read More
Madhuranagarilo May 4 2024 Episode 354: చెప్పు రుక్మిణి మమ్మల్ని ఎందుకు వద్దు అంటున్నావ్ చెప్పు కారణమేంటి అని… Read More
BRS: లోక్ సభ ఎన్నికలకు ముందు బీఆర్ఎస్ కు వరస షాక్ లు ఇస్తున్నారు ఆ పార్టీ కీలక నేతలు.… Read More
Malli Nindu Jabili May 4 2024 Episode 639: అరవింద్ మాటలు విని వెళ్లడానికి ఒప్పుకుంటుందా ఏంటి అని… Read More
Paluke Bangaramayenaa May 4 2024 Episode 218: స్వర అభిషేక్ సినిమాకి బయలుదేరుతారు. అసలు మీకు బండి నడపడం… Read More
Trinayani May 4 2024 Episode 1230: నీ చావు తెలివితేటల వల్ల ఇంకొకరు చచ్చే పరిస్థితి తీసుకురాకు చిట్టి… Read More
Guppedanta Manasu May 4 2024 Episode 1066: రాజివ్ తనలో తానే మాట్లాడుకుంటూ శైలేంద్ర కు ఫోన్ చేస్తాడు… Read More
The Boys OTT: ప్రతిష్టాత్మక ఎమ్మీ అవార్డు విన్నింగ్ అండ్ సూపర్ హిట్ డ్రామా సిరీస్ అయిన ది బాయ్స్… Read More
Jagadhatri May 4 2024 Episode 222: నీతో గొడవ పడే టైం ఓపిక రెండు నాకు లేవు సురేష్… Read More