Bigg Boss 6: బిగ్ బాస్ హౌస్ లో కీర్తి కన్నీటి గాధకు ఏడ్చేసిన ఇంటి సభ్యులు..!!

Bigg Boss 6: బిగ్ బాస్ సీజన్ సిక్స్ 12వ రోజు ఎపిసోడ్ లో బిగ్ బాస్ ఇంటి సభ్యులు చెప్పిన కన్నీటి గాధలకు హౌస్ లో ఎమోషనల్ వాతావరణం చోటు చేసుకుంది. కట్టించి పోటీదారులుగా ఇంటి సభ్యులకు బేబీ ఇవ్వటం తెలిసిందే. రెండు రోజులపాటు ఆ బేబీతో హౌస్ మేట్స్  బాగా కనెక్ట్ కావడంతో బిగ్ బాస్ మీ జీవితంలో ఒక బేబీ ఉండటం.. ఆ బేబీ మీ జీవితాన్ని ఎలా మారుస్తుందో అని అనుకుంటున్నారో ఇంటి సభ్యులకు తెలియజేయాలని ఆదేశాలు ఇచ్చారు. ఈ క్రమంలో ఎవరికి వారు తమ జీవితంలో జరిగిన అనేక విషాదకరమైన విషయాలను తెలియజేయడం జరిగింది.

పెళ్లయిన సుదీప, రోహిత్ మెరీనా జంటలు గర్భం దాల్చిన తర్వాత బిడ్డను పోగొట్టుకున్న విషాదకరమైన విషయాలను తెలియజేశారు. ఈ తరహాలో ఎవరికి వారు తమ విషయాలు చెబుతుంటే మిగతా ఇంటి సభ్యులు బాగా బాధపడటం జరిగింది. ఇక కీర్తి విషయానికి వచ్చేసరికి ఆమె చెప్పిన విషాద గాధలకు హౌస్ మొత్తం కన్నీటి పర్యంతం అయింది. ప్రమాదంలో తన తల్లిదండ్రులను రక్తసంబంధులను కోల్పోవడం ఆ సమయంలోనే తాను కోమా లోకి వెళ్ళటం గురించి చెప్పడం జరిగింది. చాలా నిరుత్సాహానికి గురైనట్లు తెలియజేసి ఈ క్రమంలో తాను ఒక పాపని పెంచుకుంటున్నట్టు ఆమె ఇటీవల తాను బిగ్ బాస్ కి వచ్చాక .. ఆ పాప కూడా చనిపోయిందని తాను ఒంటరిని అయిపోయినట్టు తెలిపింది. యాక్సిడెంట్ జరిగిన సమయంలో తన గర్భం పోయిందని కూడా పేర్కొంది. అయిన బయటకు వెళ్ళాక మరో అమ్మయిని దత్తత తీసుకుంటానని తెలిపింది.

జీవితంలో తనకు ఎవరూ లేరు అన్న తరహాలో కీర్తి తన కన్నీటి కాదని తెలియజేయడంతో ఇంటి సభ్యులు.. మగవాళ్ళు సైతం కన్నీళ్లు పెట్టుకున్నారు.  అయితే ఇంత విషాదకరమైన సంఘటనలను చాలా నవ్వుతూ చెబుతూ హౌస్ లో తనని సింపతీతో చూడొద్దని కీర్తి చివరిలో ఇంటి సభ్యులకు తెలియజేయడం హైలెట్. ఎంతో విషాదకరమైన తన బాధను నవ్వుతూనే కీర్తి చెప్పటం విశేషం. అంతేకాదు తర్వాత హౌస్ లో ఎవరు తనని సింపతీతో చూడొద్దని కూడా తెలిపింది.