Siri Hanumanthu: టెలివిజన్ పరిశ్రమలో.. ఎంటర్టైనింగ్ ఇండస్ట్రీలో సిరి గురించి తెలియని వారు అంటే ఉండరు అనే చెప్పుకోవచ్చు. బుల్లితెర మరియు వెండి తెర అనే తేడా లేకుండా వరస అవకాశాలు అందుకుంటూ దూసుకుపోతుంది ఈ బ్యూటీ. అయితే బిగ్ బాస్ తెలుగు బ్యూటీ అండ్ యాంకర్ సిరి అవకాశాల కోసం ఏం చేసింది అనే ఇంట్రెస్టింగ్ విషయాన్ని జబర్దస్త్ కమెడియన్ నూకరాజు తాజాగా బయటపెట్టాడు. అతను సిరి పై చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. సిరి గురించి బుల్లితెర ప్రేక్షకులకి సపరేట్గా పరిచయం అవసరం లేదు.
యూట్యూబ్ వీడియోల ద్వారా పాపులర్ అయిన ఈ ముద్దుగుమ్మ బిగ్ బాస్ సీజన్ 5 లో అడుగుపెట్టి మంచి గుర్తింపును పొందింది. అయితే ఈ షో ద్వారా తనకంటూ ఓ ప్రత్యేకమైన గుర్తింపును సంపాదించుకున్న ఈమె యూట్యూబ్ షణ్ముఖ్ కు దగ్గరవుతున్నట్లు కనిపించడంతో ఆమెపై తీవ్రంగా నెగెటివిటీ పెరిగిపోయింది. అయితే ఈ షోలో ఎంతో సన్నిహితంగా ఉన్న వీరిద్దరూ బయటకి వచ్చిన తరువాత మాత్రం ఎవరి దారి వారు చూసుకున్నారు. అనంతరం పలు బుల్లితెర షోలకి అడుగుపెట్టి సందడి చేసింది ఈ బ్యూటీ. ప్రస్తుతం పాపులర్ టీవీ షో జబర్దస్త్ లో యాంకర్ గా చేస్తుంది. ముఖ్యంగా సౌమ్యరావు ఈ షోకు హౌస్ట్ గా చేస్తుండగా.. సడన్గా ఆమె స్థానంలో సిరి అడుగుపెట్టడంతో ప్రతి ఒక్కరు షాక్ అయ్యారు.
ఇక ఈ షో ద్వారా ఆమె మరింతగా పాపులర్ అయ్యే అవకాశం ఉంది. ఈషా నుంచే తమ కెరీర్ ప్రారంభించి ప్రస్తుతం పాన్ ఇండియా హీరోలతో సినిమాల్లో నటిస్తున్నారు రశ్మి మరియు అనసూయ. అయితే సాధారణంగానే బిగ్ బాస్ హౌస్ నుంచి బయటికి వచ్చాక అందులో పాల్గొన్న సెలబ్రిటీలకు పెద్దగా అవకాశాలు రావు అని టాక్ నడుస్తుంది. తాజాగా దీనికి లింక్ అయ్యేలా నూకరాజు సిరి పై కొన్ని వ్యాఖ్యలు చేశాడు. తాజాగా జబర్దస్త్ లేటెస్ట్ ప్రోమో రిలీజ్ అయింది. ఇందులో నూకరాజు స్కిట్ హైలైట్ గా కనిపిస్తుంది. చెప్పులు కుట్టే వాడి పాత్రలో కనిపించిన నూకరాజు ముందుగా జడ్జ్ గా ఉన్న మరో సీనియర్ కమెడియన్ కృష్ణ భగవాన్ పై పంచులు వేశారు.
ఆయనకు షూటింగ్ కు వెళ్లడానికి టైం అవుతుంది. త్వరగా చెప్పులను ఇంటికి పంపించాలి అంటూ ఆత్రంగా కవర్ ఓపెన్ చేయగా.. అందులో ఒకటి లేడీ, మరొకటి బాయ్ చెప్పులు కనిపిస్తాయి. నైట్ కన్ఫ్యూజన్లో పంపించినట్లు ఉన్నారు అంటూ కృష్ణ భగవాన్ పై జోకు వేస్తాడు. ఇక ఆ తర్వాత ఆ చెప్పులు ఎవరివి ఇంతగా అరిగిపోయాయి అని మరో కమెడియన్ ప్రశ్నించగా.. అవి యాంకర్ సిరివి అని చెబుతాడు. ఎందుకు ఇంత అరిగిపోయాయి? అని ప్రశ్న వేయగా.. అవకాశాల కోసం తిరిగి తిరిగి చెప్పులు అరిగిపోయాయి అని నూకరాజు ఒక సెటైర్ వేస్తాడు. మరి ఆమెకే అవకాశాలు దొరికాయా అని అడగగా.. లేదు మోకాళ్లు అరిగిపోయాయి అంటూ మరో పంచ వేస్తాడు. అతని పంచుకు సిరి ముసిముసిగా నవ్వుతూ కొంచెం సీరియస్ లుక్ ఇస్తూ కనిపిస్తుంది. అదేవిధంగా మిగతా వాళ్ళ స్కిట్స్ కూడా ఇంట్రెస్టింగ్ గా సాగాయి.