NewsOrbit
ఆంధ్ర‌ప్ర‌దేశ్‌ న్యూస్ బిగ్ స్టోరీ

Chandrababu: ఢిల్లీ వెళుతున్న టీడీపీ అధినేత చంద్రబాబు .. అమిత్ షాతో కీలక భేటీ..? ఎన్డీఏలో చేరికకు మార్గం సుగమం అయినట్లే(గా)..!

BJP Behind Chandrababu arrest and remand,,?

Chandrababu: ఏపీలో సార్వత్రిక ఎన్నికలు దగ్గర పడుతున్న వేళ రాజకీయ సమీకరణాలు వేగంగా మారుతున్నాయి. ఎన్డీఏ కూటమిలో ఉన్న జనసేన ఇప్పటికే టీడీపీతో పొత్తుతో ఎన్నికలకు వెళ్లాలని నిర్ణయించుకుంది. 2018లో ఎన్డీఏ నుండి టీడీపీ బయటకు వచ్చిన తర్వాత చంద్రబాబు కేంద్రంలోని బీజేపీపై, మోడీ, షా పై తీవ్ర స్థాయిలో విమర్శించారు. దీంతో కేంద్రంలోని బీజేపీ పెద్దలు 2019 ఎన్నికల్లో పరోక్షంగా వైసీపీకి సహకరించారు అనేది అందరికీ తెలిసిందే.

చంద్రబాబుకు ఎన్డీఏ డోర్స్ క్లోజ్ చేసినట్లుగా కూడా అమిత్ షా బాహాటంగానే ప్రకటించారు. కర్ణుడి చావుకు సవాలక్ష కారణాలు అన్నట్లు టీడీపీ సిట్టింగ్ ఎమ్మెల్యేలపై వ్యతిరేకత, జగన్ కు అటు కేసిఆర్, కేంద్ర బీజేపీ పెద్దల మద్దతు, జగన్ పై సానుభూతి,  తదితర కారణాలతో 2019 ఎన్నికల్లో వైసీపీ ఘన విజయం సాధించింది. టీడీపీ ఘోర పరాజయాన్ని చవి చూసింది. అప్పటికి తత్వం బోధపడిన చంద్రబాబు..మరల కేంద్రంలోని బీజేపీ పెద్దల ప్రాపకం కోసం ప్రయత్నాలు కొనసాగిస్తూ వచ్చారు. కానీ వారు దూరం పెడుతూనే వచ్చారు.

రాష్ట్రపతి, ఉపరాష్ట్రపతి ఎన్నికల్లో బేషరతుగా ఎన్డీఏ అభ్యర్ధులకు టీడీపీ మద్దతు ఇచ్చింది. అనేక సార్లు ప్రయత్నాలు చేస్తే నాలుగైదు నెలల క్రితం చంద్రబాబుకు అమిత్ షా అపాయింట్మెంట్ ఇచ్చారు. ఢిల్లీకి వెళ్లి అమిత్ షా, జేపీ నడ్డాతో సమావేశమైయ్యారు చంద్రబాబు. అయితే వారి మధ్య ఎటువంటి చర్చలు జరిగాయి అనేది మాత్రం బయటకు రాలేదు. ఆ తర్వాత జరిగిన ఎన్డీఏ భాగస్వామ్య పక్షాల సమావేశానికి చంద్రబాబుకు అహ్వానం రాలేదు. పవన్ కళ్యాణ్ కు మాత్రం ఆహ్వానం రాగా ఆయన ఎన్డీఏ పక్షాల సమావేశానికి వెళ్లారు. దీంతో చంద్రబాబును బీజేపీ పక్కన పెట్టినట్లేనని ప్రచారం జరిగింది.

BJP Behind Chandrababu arrest and remand,,?
Chandrababu

సార్వత్రిక ఎన్నికలు దగ్గర పడుతున్నా కేంద్రంలోని బీజేపీ నుండి ఇటీవల కాలం వరకూ ఎటువంటి సంకేతాలు రాకపోవడంతో జనసేన – టీడీపీ కూటమితోనే ఎన్నికలకు వెళ్లాలని రెండు పార్టీలు నిర్ణయించుకున్నాయి. ఆ క్రమంలో చంద్రబాబు, పవన్ కళ్యాణ్ సీట్ల సర్దుబాటు చర్చలు జరిపారు. ఈ ఎన్నికల్లో బీజేపీ ఎటువంటి స్టాండ్ తీసుకుంటుంది. గత ఎన్నికల్లో మాదిరిగా వైసీపీకి పరోక్షంగా సహకరిస్తుందా .. లేక 2014 ఎన్నికల్లో మాదిరిగా టీడీపీతో పొత్తు పెట్టుకుంటుందా లేదా అనే అనుమానాలు ఏపీ ప్రజల్లో, రాజకీయ వర్గాల్లో చర్చనీయాంశంగా ఉంది.

ఈ తరుణంలో బీజేపీతో పొత్తుపై చర్చించేందుకు టీడీపీ అధినేత చంద్రబాబు ఢిల్లీకి వెళుతుండటం రాజకీయ వర్గాల్లో ఆసక్తి రేపుతోంది. బీజేపీ పెద్దల నుండి వచ్చిన అహ్వానంతో ఇవేళ (బుధవారం) చంద్రబాబు ఢిల్లీకి వెళుతున్నారు. గన్నవరం ఎయిర్ పోర్టు నుండి ప్రత్యేక విమానంలో మధ్యాహ్నం బయలుదేరి చంద్రబాబు ఢిల్లీకి వెళ్తారు. ఈ రాత్రి లేదా హోంమంత్రి అమిత్ షా, బీజేపీ జాతీయ అధ్యక్షుడు జేపీ నడ్డాతో చంద్రబాబు భేటీ కానున్నారు.  అవసరం అయితే చంద్రబాబు రాష్ట్రానికి వచ్చిన తర్వాత పవన్ కళ్యాణ్ కూడా ఢిల్లీకి వెళతారు అని అంటున్నారు.

ఢిల్లీకి పయనమవుతున్న నేపథ్యంలో ఇవేళ ఉదయం చంద్రబాబు పార్టీ ముఖ్యనేతలతో బీజేపీతో పొత్తు అంశంపై చర్చించి అభిప్రాయాలు తెలుసుకున్నట్లు తెలుస్తొంది. బీజేపీతో టీడీపీ – జనసేన పొత్తుపై ఇవేళ ప్రాధమికంగా చర్చలు జరిగే అవకాశం ఉందని అంటున్నారు. ఈ నెల 13,14, 15 తేదీల్లో పొత్తులపై ఉమ్మడి ప్రకటన వెలువడే అవకాశం ఉందని ప్రచారం జరుగుతోంది. రాష్ట్రంలో బీజేపీకి ఓట్లు, సీట్లు లేకపోయినా కేంద్రంలోని బీజేపీ పెద్దల అండకోసమో చంద్రబాబు ప్రయత్నిస్తున్నారు అనేది జగమెరిగిన సత్యం.

పొత్తులో భాగంగా బీజేపీ పెద్దలు ఎక్కువ పార్లమెంట్ స్థానాలు డిమాండ్ చేసే అవకాశం ఉందని అంటున్నారు. బీజేపీతో టీడీపీ పొత్తు ఉంటుందా లేదా అనే దానిపై క్లారిటీ రావాలంటే మరో రెండు మూడు రోజులు వేచి చూడాల్సిందే. బీజేపీతో పలు మార్లు దోస్తీ కటీఫ్ చెప్పి మళ్లీ మళ్లీ స్నేహహస్తం అందుకుంటున్న వాళ్లలో బీహార్ ముఖ్యమంత్రి నితీష్ కుమార్ తర్వాతి వరుసలో చంద్రబాబు ఉంటారు అనడంలో ఎలాంటి సందేహం లేదు.

AP Budget 2024: ఏపీ అసెంబ్లీలో ఓట్ ఆన్ అకౌంట్ బడ్జెట్ .. రూ.2.86 లక్షల కోట్లతో బడ్జెట్ ను ప్రవేశపెట్టిన బుగ్గన

author avatar
sharma somaraju Content Editor
శర్మ ఎస్ సోమరాజు న్యూస్ ఆర్బిట్ లో డిజిటల్ కంటెంట్ ప్రొడ్యూసర్ గా పని చేస్తున్నారు. ఇక్కడ ఏపీ, తెలంగాణ జాతీయ సంబంధిత తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 30 సంవత్సరాలకుపైగా అనుభవం ఉంది. గతంలో ప్రముఖ మీడియా సంస్థలు ఈనాడు, ఆంధ్రభూమి, ఆంధ్రజ్యోతి, ఆంధ్రప్రభ ప్రింట్ మీడియాలో పని చేశారు. 2018 నుండి న్యూస్ ఆర్బిట్ లో పని చేస్తున్నారు.

Related posts

టాలీవుడ్ డైరెక్ట‌ర్ వీఎన్‌. ఆదిత్య‌కు అమెరికా జార్జ్ వాషింగ్ట‌న్ వ‌ర్సిటీ గౌర‌వ డాక్ట‌రేట్‌..!

Saranya Koduri

చంద్ర‌బాబు ఎత్తు.. ప‌వ‌న్ చిత్తు చిత్తు… మిగిలిన 19 సీట్ల‌లో టీడీపీ వాళ్ల‌కే జ‌న‌సేన టిక్కెట్లు…!

వాట్సాప్ గ్రూపుల నుంచి జ‌న‌సైనికుల లెఫ్ట్‌… 24 సీట్లు ముష్టి అంటూ బాబుపై ఆగ్ర‌హం..!

టీడీపీలో చిత్తుగా ఓడిపోయే ముగ్గురు మ‌హిళా క్యాండెట్లు వీళ్లే…!

జ‌న‌సేన‌కు ఆ ముగ్గురు లీడ‌ర్లే స్టార్ క్యాంపెన‌ర్లు… !

వైసీపీ మంత్రికి టీడీపీ ఎమ్మెల్యే టిక్కెట్‌… ఎవ‌రా మంత్రి.. ఆ సీటు ఎక్క‌డంటే…!

ఫ‌స్ట్ లిస్ట్‌లో టీడీపీలో మ‌హామ‌హుల టిక్కెట్లు గ‌ల్లంతు.. పెద్ద త‌ల‌కాయ‌ల‌ను ప‌క్క‌న పెట్టేసిన బాబు..!

BSV Newsorbit Politics Desk

టీడీపీ ఎమ్మెల్యే కూతురుకు జ‌న‌సేన ఎమ్మెల్యే టిక్కెట్‌.. ఇదెక్క‌డి ట్విస్ట్ రా సామీ..!

టీడీపీ తొలి జాబితాలో ఏ క్యాస్ట్‌కు ఎన్ని సీట్లు అంటే… వాళ్ల‌కు అన్యాయం చేసిన బ‌బు…!

Skin: సెవెన్ డేస్ స్కిన్ గ్లో చాలెంజ్.. పక్కా సక్సెస్..!

Saranya Koduri

Mahesh Babu: మహేష్ పై కన్నేసిన బందర్ నాని.. అరే ఏంట్రా ఇదీ..!

Saranya Koduri

Big breaking: హైదరాబాద్లో ఓ టీవీ యాంకర్ ని కిడ్నాప్ చేసిన యువతి… పెళ్లి కోసం ఇంత పని చేసిన డిజిటల్ మార్కెటింగ్ కంపెనీ యజమాని!

Saranya Koduri

India: మన దేశంలో టాప్ 5 సురక్షితమైన కార్స్ ఇవే.. ఈ కార్స్ లో ప్రయాణిస్తే ప్రమాదానికి నో ఛాన్స్..!

Saranya Koduri

TDP Janasena: టీడీపీ – జనసేన ఉమ్మడి తొలి జాబితా విడుదల ..99 స్థానాల అభ్యర్ధులు వీరే

sharma somaraju

YSRCP: ఎట్టకేలకు వైసీపీకి ఆ కీలక ఎంపీ రాజీనామా

sharma somaraju