Tasty Teja: బిగ్బాస్ రియాల్టీ షో ద్వారా ఎంతోమంది పాపులారిటీ సంపాదించుకున్న సంగతి తెలిసిందే. అలా ఈ కార్యక్రమం ద్వారా పాపులారిటీ సంపాదించుకున్న వారు అనంతరం సినిమాస్లో మరియు వెబ్ సిరీస్ లో ఇతర రంగాల్లో రాణిస్తూ మంచి పేరు ప్రఖ్యాతలు సంపాదించుకున్నారు. యూట్యూబ్ మరియు సోషల్ మీడియా ద్వారా పాపులర్ అయిన వాళ్లు చాలా తక్కువ మంది మాత్రమే బిగ్ బాస్ లోకి వెళ్లగలరు. అలా వెళ్ళిన వారు అనంతరం మరింత పాపులారిటీ సంపాదించుకుంటారు. చాలామంది సినిమాల్లో బిజీ అయితే మిగిలిన వారు వారి వ్యక్తిగత వ్యాపారాలు ప్రారంభించి బిజీ అయిపోతున్నారు. అందులో భాగంగా టేస్టీ తేజ కూడా ఒకరిగా నిలిచారు.
ఫుడ్ వ్లాగర్ గా కెరీర్ ని ప్రారంభించిన టేస్టీ తేజ అతి తక్కువ సమయంలోనే మంచి గుర్తింపును సంపాదించుకున్నాడు. యూట్యూబ్లో ఫుడ్ వీడియోలు చేస్తూ టేస్టీ తేజగా పేరు సంపాదించుకున్నాడు. దీంతో బిగ్ బాస్ లో ఈయనకి ఆపర్చునిటీ దక్కింది. అందులో మోస్ట్ ఎంటర్టైన్మెంట్ కంటెస్టెంట్లలో ఒకడిగా నిలిచాడు టేస్టీ తేజ. ఎంతో జోవియల్ గా ఉంటూ నవ్వులు పూయించాడు. జోకులు వేస్తూ ఫన్నీ ఆక్టివిటీస్ చేస్తూ అలరించాడు. ఇక శోభా శెట్టి తో కెమిస్ట్రీ పండించిన టేస్టీ తేజ అతితక్కువ సమయంలోనే ఎలిమినేట్ అయిపోయాడు. అతని ఎలిమినేషన్ అంతా విమర్శించారు. కానీ మంచి ఆడియన్స్ ఆదరణ పొంది పాపులర్ అయ్యాడు తేజ. ఈ పాపులారిటీతో ఇప్పుడు కొత్త వ్యాపారం ప్రారంభించాడు.
టీ బిజినెస్ స్టార్ట్ చేశాడు. ఇప్పుడు ఫ్రాంఛైజీ టీ బిజినెస్ బాగా పాపులర్ అయింది. బాగా రన్ అవుతున్న బిజినెస్ కూడా. దీంతో ఇరానీ నవాబ్ టి పేరుతో టీ బిజినెస్ ని స్టార్ట్ చేశాడు. ఆదివారం సాయంత్రం దీన్ని ఓపెన్ చేశారు. కార్పొరేట్ స్టైల్ లో ఈ టీ బిజినెస్ ని ప్రారంభించడం ఆసక్తికరంగా మారింది. ఇక బిగ్ బాస్ కంటెస్టెంట్ మరియు నటుడు శివాజీ దీనికి గెస్టుగా హాజరయ్యాడు. ఆయన చేతుల మీదగానే దీన్ని ప్రారంభించారు. ఈ సందర్భంగా శివాజీ తన బెస్ట్ విషెస్ ని తేజ కి అందించాడు. తేజ ఏం చేసినా ప్లానింగ్ తో ముందుచూపుతో చేస్తాడని.. మున్ముందు బాగా డబ్బులు వస్తాయని ఆశించే ఈ వ్యాపారం స్టార్ట్ చేశాడని.. సరదాగా చెప్పడం విశేషం.
ఇక దీనికి సంబంధించిన వీడియోలు ప్రస్తుతం సోషల్ మీడియాలో వైరల్ అవుతున్నాయి. ఉప్పల్ డి.ఎస్.ఎల్ మాల్ సమీపంలో ఈ వ్యాపారం ప్రారంభించడం ప్రారంభించినట్లు తెలుస్తుంది. ఇక ఈ టీ షాప్ ఓపెనింగ్ లో బిగ్ బాస్ టీం అమర్దీప్, శుభ శ్రీ, ప్రియాంక పాల్గొన్నారు. అదేవిధంగా ఈ వ్యాపారాన్ని మరింత ముందుకు సాగిస్తూ రానున్న రోజుల్లో ఉన్నత స్థాయికి ఎదగాలని ఆల్ ది బెస్ట్ తెలియజేశారు కూడా. ప్రస్తుతం ఈ వీడియోని చూసిన పలువురు.. పూర్వకాలంలో సినీ సెలబ్రెటీలు అంటే సినిమాలపైనే ఆధారపడేవారు. కానీ ప్రస్తుత కాలంలో సినీ సెలబ్రిటీలతో పాటు యూట్యూబ్ మరియు క్యారెక్టర్ ఆర్టిస్టులు ఎలా అనేకమంది ఇతర వ్యాపారాలలో కూడా రాణిస్తున్నారు.. అంటూ కామెంట్స్ చేస్తున్నారు.