Teenage: టీనేజ్ లోకి అడుగుపెడుతున్న పిల్లలలో వచ్చే శారీరక, మానసిక మార్పులు గురించి ప్రతి ఒక్కరు తెలుసుకోవాలిసిన విషయాలు!!

Teenage: యుక్తవయసు Teenage లో వచ్చే శారీరక మార్పులు సహజం గా  10 సంవత్సరముల నుంచి మొదలవుతాయి . ఈ మార్పులు 12 నుంచి -14 సంవత్సరాల వయసులో వేగంగా జరుగుతాయి. వీటి కారణం గానే చాలా మందిలో  కొత్త కొత్త ఆలోచనలు మొదలవుతాయి. దేని కైనా త్వరగా ఆకర్షించబడే వయసు అది అనే చెప్పాలి. దానిని నియంత్రణ లో ఉంచాలన్నా కష్టమే అవుతుంది.  అసలు  యుక్తవయస్సు అబ్బాయిలకు వచ్చే శారీరక, మానసిక మార్పులేంటోతెలుసుకుందాం .1. జుట్టు పెరగడం ప్రారంభమవుతుంది.

పురుషాంగం, వృషణాల పరిమాణం పెరిగుతుంది. చంకలలో, జనానాంగాల వద్ద రోమాలు పెరుగుతాయి.
మగ పిల్లల  స్వరం లో మార్పులు వస్తాయి. అనగా స్వరం మరింత లోతుగా మారుతుంది. ప్రారంభంలో పిల్లవాడి  గొంతు సరిగ్గా లేనప్పటికీ, తర్వాత క్రమం లో  పిల్లాడు  బిగ్గరగా, స్పష్టంగా మాట్లాడటం గమనించ వచ్చు .

ముఖంపై, ఇతర భాగాల్లో మొటిమలు వస్తుంటాయి .

నెమ్మదిగా మీసాలు గడ్డంపెరగడం తో  పాటు ఎత్తు పెరగడం మొదలవుతుంది. మగ పిల్లలు  సగటున 7- నుంచి 8 సెంటీమీటర్లు ఎత్తు పెరుగుతారు. దీనితో పాటు వారి శరీర ఖండరాలు మరింత దృఢంగా తయారవుతాయి.

శరీరంలో లైంగిక మైన మార్పులు వస్తాయి. యుక్తవయసు కు రాగానే శృంగార పరమైన కోరికలు కలగడం, శృంగారానికి సంబందించిన  కలలు రావడం, నిద్ర లోనే వీర్యం స్ఖలనం వంటివి జరుగుతుంటాయి.
నాలుగైదు సంవత్సరముల యుక్తవయస్సు తరువాత, అంటే 18 సంవత్సరాల వయస్సులో వారి జననాంగాలు పెద్దవారిలాగా కనిపిస్తాయి. జననాంగాల వద్ద ఏర్పడే రోమాలు లోపలి తొడలకు కూడా వ్యాపిస్తాయి. ముఖం పై ఏర్పడే గడ్డం, ముఖం దిగువ భాగం వరకు వస్తుంది.
యుక్తవయసులో వచ్చే మానసిక మార్పులు గురించి తెలుసుకుందాం!!

యక్తవయసుకు రాగానే అబ్బాయిల్లో కేవలం శారీరకం గానే కాకుండా మానసికం గా కూడా అనేక మార్పులుసంభవిస్తాయి. వీటి పై తల్లిదండ్రులు కు కూడా  సరైన అవగాహన ఉండాలి. ఈ వయసు లో వచ్చే శారీరక మార్పులు వారి పిల్లల మానసిక స్థితి మారడానికి కూడా కారణమవుతాయిఅని  తల్లిదండ్రులు తెలుసుకోవడం చాలాఅవసరం.  యుక్త వయసు లోని అబ్బాయి లు సహజం గా ఆత్మనూన్యతా భావానికి నిరాశ , ఆందోళన, కోపం, చిరాకు వంటి మానసిక ఆరోగ్య సమస్యలకు లోనవుతుంటారు. అయితే, మీ పిల్లల్లో ఇటువంటి లక్షణాలు ఎక్కువగా కనిపిస్తే మాత్రం మానసిక నిపుణుల ను కలిసి సలహాలు ,సూచనలు  పాటించడం మేలు.