NTR- Charan: అరుదైన ఫొటోను షేర్ చేసిన ఎన్టీఆర్‌.. ఫిదా అవుతున్న చెర్రీ ఫ్యాన్స్‌!

NTR- Charan: యంగ్ టైగ‌ర్ ఎన్టీఆర్‌, మెగా ప‌వ‌ర్ స్టార్ రామ్ చ‌ర‌ణ్‌లు `ఆర్ఆర్ఆర్‌` స‌క్సెస్ జ్యోష్‌లో ఉన్న సంగ‌తి తెలిసిందే. ద‌ర్శ‌క‌ధీరుడు రాజ‌మౌళి రూపొందించిన ఈ భారీ మ‌ల్టీస్టార‌ర్ సినిమా మార్చి 25న విడుద‌లై సూప‌ర్ హిట్ టాక్‌ను సొంతం చేసుకుంది. ప్ర‌స్తుతం ఈ మూవీ బాక్సాఫీస్ వ‌ద్ద రికార్డు స్థాయిలో క‌లెక్ష‌న్ల‌ను రాబోతోంది. ఈ నేప‌థ్యంలోనే ఆర్ఆర్ఆర్ టీమ్ మొత్తం స‌క్సెస్ సెల‌బ్రేష‌న్స్‌లో మునిగిపోయారు.

ఇక‌పోతే నేడు రామ్ చ‌ర‌ణ్ 38వ పుట్టిన రోజు అన్న సంగ‌తి తెలిసిందే. ఈ నేప‌థ్యంలోనే ఆయ‌న‌కు సోష‌ల్ మీడియా వేదిక‌గా విషెస్ వెల్లువెత్తుతున్నాయి. మ‌రోవైపు చ‌ర‌ణ్ కోసం ఎన్టీఆర్ త‌న ఇంట బ‌ర్త్‌డే పార్టీ ఏర్పాటు చేశాడు. ఈ వేడుకకి రాజమౌళి, అఖిల్‌ అక్కినేనితో పాటు పలువురు సెలబ్రిటీలు హాజరై సంద‌డి చేశారు. ఇందుకు సంబంధించిన ఫోటోలు ఇప్ప‌టికే నెట్టింట చ‌క్కర్లు కొట్టాయి.

అయితే చ‌ర‌ణ్ బ‌ర్త్‌డే సంద‌ర్భంగా ఎన్టీఆర్ సోష‌ల్ మీడియాలో ఓ అరుదైన ఫొటోను షేర్ చేస్తూ విషెస్ తెలిపాడు. `రామ్ చరణ్ నువ్వు ఎన్నో పుట్టిన రోజులు జరుపుకోవాలి. ఎల్లప్పుడూ నా పక్కన ఉన్నందుకు నీకు కృతజ్ఞతలు. మన స్నేహంలో మరిన్ని జ్ఞాపకాలను సృష్టించుకుందాం. నీకోసం ఈ చిరు జ్ఞాపకం` అంటూ ట్విట్ట‌ర్‌లో రాసుకొచ్చిన ఎన్టీఆర్ ఆర్ఆర్ఆర్ సెట్ లో వీరిద్దరూ దిగిన ఓ రేర్‌ ఫొటోను అంద‌రితోనూ పంచుకున్నాడు. ఈ పిక్‌ను చూసి చెర్రీ ఫ్యాన్స్ ఫిదా అవుతున్నారు.

కాగా, ఆర్ఆర్ఆర్ విడుద‌ల అవ్వ‌డంతో ఎన్టీఆర్ త‌న త‌దుప‌రి చిత్రాన్ని కొర‌టాల శివ‌తో ప్రారంభించ‌నున్నాడు. త్వ‌ర‌లోనే సెట్స్ మీద‌కు వెళ్ల‌నున్న ఈ చిత్రం నందమూరి తారకరామారావు ఆర్ట్స్, యువసుధ ఆర్ట్స్ ఈ సినిమాను సంయుక్తంగా నిర్మించబోతున్నాయి. ఇది పూర్తైన అనంత‌రం ఎన్టీఆర్ ప్ర‌శాంత్ నీల్‌తో ఓ మూవీ చేయ‌నున్నాడు.