Russia Ukraine War: మోడీ పై భారం.. పుతిన్‌తో మాట్లాడండి సారూ..

Russia Ukraine War: ఉక్రెయిన్ దేశంపై రష్యా సైనిక చర్య ప్రారంభించింది. రష్యా యుద్దానికి దిగడం ప్రపంచ దేశాలను ఆందోళనకు గురి చేస్తోంది. ఆమెరికా, బ్రిటన్, జర్మనీ లాంటి అగ్రరాజ్యాల దేశాధినేతలు విజ్ఞప్తి చేస్తున్నా పుతిన్ మాట వినడం లేదు. ఈ నేపథ్యంలో భారత్ లోని ఉక్రెయిన్ రాయబారి ఇగోర్ పాలిఖా స్పందించారు. ప్రస్తుతం నెలకొన్న సంక్షుభిత పరిస్థితుల్లో భారత ప్రధాన మంత్రి నరేంద్ర మోడీ జోక్యం చేసుకోవాలని విజ్ఞప్తి చేశారు. మోడీ మాట్లాడితే రష్యా అధ్యక్షుడు పుతిన్ సానుకూలంగా స్పందించే అవకాశాలు ఉన్నాయని భావిస్తున్నట్లు తెలిపారు. ప్రపంచంలోనే మోడీ అత్యంత శక్తివంతమైన నాయకుడు అని, ఆయనను ప్రతి ఒక్కరూ గౌరవిస్తారని పేర్కొన్నారు షాలిఖా. మోడీ వెంటనే స్పందించి రష్యా అధ్యక్షుడు పుతిన్ తో పాటు ఉక్రెయిన్ అధ్యక్షుడు జెలెన్ స్కీ తో మాట్లాడాలని పాలిఖా కోరారు. పుతిన్ ఎవరి మాట వినకపోయినా మోడీ విజ్ఞప్తి చేస్తే వింటారన్న నమ్మకం ఉందని అశాభావం వ్యక్తం చేశారు పాలిఖా.

Russia Ukraine War:  ఉక్రెయిన్ కు అండగా నిలవాలి

ఇప్పటికే రష్యా దళాలు ఉక్రెయిన్ లోని చాలా ప్రాంతాల్లోకి చొచ్చుకువచ్చాయనీ, తమ సైనికులుతో పాటు సాధారణ పౌరులు కూడా రష్యా బలగాల దాడుల్లో చనిపోయారని పేర్కొన్నారు. ఈ విపత్కర పరిస్థితిలో భారత్ ఉక్రెయిన్ కు అండగా నిలవాలని కోరారు. దౌత్యపరమైన విషయాల్లో భారత్ కు ఎంతో ఘనమైన చరిత్ర ఉందని, శాంతి స్థాపనకు బారత్ ఎప్పుడూ ముందు ఉంటుందని పాలిఖా అన్నారు.