భారీ ఆఫర్ ని రిజక్ట్ చేసిన అనుష్క ..?

కరోనా విజృంభణ..లాక్ డౌన్ కారణంగా థియోటర్స్ మూత పడ్డాయి. దాంతో దాదాపు 4 నెలలకు పైగానే టాలీవుడ్ లో విడుదల కావాల్సిన సినిమాలన్ని వాయిదా పడ్డాయి. అనుష్క నిశ్శబ్ధం, నాని వి, రాం రెడ్, సోలో బ్రతుకే సో బెటర్ ..ఇలా చాలా సినిమాలున్నాయి. ప్రస్తుతం నెలకొన్న పరిస్థితులను బట్టి మరికొన్ని నెలల వరకు థియేటర్లు ఓపెన్ చేసే పరిస్థితి కనిపించడం లేదు. ఈ క్రమంలో జనాలు కూడా ఓటిటిలకు అలవాటు పడిపోయారు.

ఈ అవకాశాన్ని క్యాష్ చేసుకునేందుకు అమెజాన్, నెట్ ఫ్లిక్స్ లాంటి ఓటిటి సంస్థలు రిలీజ్ కి సిద్దంగా ఉన్న సినిమాల రిలీజ్ హక్కులను సొంతం చేసుకుంటున్నాయి. ఈ క్రమంలోనే ప్రస్తుతం విడుదల కాకుండా ఆగిపోయింది అనుష్క నటించిన ‘నిశ్శబ్దం’. ఈ సినిమాలో మాధవన్, అంజలి, శాలినీ పాండే ప్రధాన పాత్రలు పోషించారు. హేమంత్ మధుకర్ దర్శకత్వం వహించాడు. కోన వెంకట్ మల్టీ లాంగ్వేజ్ లో ఈ సినిమాని నిర్మించాడు. అయితే ఈ సినిమాని కూడా ఓటీటీలో రిలీజ్ చేస్తారన్న ప్రచారం జరిగింది. కాని మేకర్ అవన్ని పుకార్లేనని కొట్టి పారేశారు.

ఇక ఈ సినిమా ఎప్పుడు రిలీజ్ అవుతుందో అన్న డైలమాలో అనుష్క అభిమానులు ఉన్నారు. అదీకాక అనుష్క తదుపరి ప్రాజెక్ట్ ఏంటని సోషల్ మీడియాలో చర్చలు సాగుతున్నాయి. తాజాగా అనుష్క ను నెట్ ఫ్లిక్స్ ఓటిటి వారు ఓ భారీ మల్టీ లాంగ్వేజ్ వెబ్ సిరీస్ చేయమని అందుకు భారీ రెమ్యూనరేషన్ ని ఆఫర్ చేశారట. కానీ అనుష్క ఆ ఆఫర్ రిజెక్ట్ చేసిందని సమాచారం. వెబ్ సిరీస్ లలో నటించే ఇంటరెస్ట్ లేదని నిర్మొహమాటంగా చెప్పిందని చెప్పుకుంటున్నారు. మరి ఇందులో ఎంతవరకు నిజమో తెలీదు గాని తన నెక్స్ట్ సినిమా మాత్రం గౌతం మీనన్, కమల్ హాసన్ కాంబినేషన్ లో తెరకెక్కబోయో సినిమా అని వార్తలు వస్తున్నాయి.