Intinti Gruhalakshmi: తులసి చేతి వంట తిన్న ప్రేమ్, శృతి..!  ట్విస్ట్ అదిరిపోయింది..!

Intinti Gruhalakshmi: ప్రేమ్, శృతి ఒక అమ్మవారి గుడిలో ఉంటారు.. ఏం చేద్దాం ప్రేమ్.. ఇప్పుడు ఎక్కడికి వెళ్దాం.. ఇంత రాత్రి టైం లో ఎక్కడికి వెళ్ళినా రిస్క్.. ఈ రాత్రికి ఎలాగోలా ఇక్కడే ఉండి.. రేపు ఉదయం ఎటైనా వెళ్దామని ప్రేమ్ శృతి అనుకుంటారు..

ప్రేమ్ శృతి దగ్గరకు వచ్చి పంతులు గారు మీది మీ ఊరేనా అని అడుగుతారు. ఏం లేదు పొద్దున్నుంచి ఇక్కడే ఉన్నారు కదా.. అందుకే అడుగుతున్నాను. నీకు ఏమైనా ప్రాబ్లం ఉంటే ఇంటికి వెళ్ళి మీ పెద్ద వారితో సెటిల్ చేసుకోమని సలహా ఇస్తారు. సమస్య ఏమిటంటే పెద్దవారే మమ్మల్ని ఇంట్లో నుంచి పంపించేశారని ప్రేమ్ చెబుతాడు. మీ సమస్య విన్నా కూడా నేను ఏమీ చేయలేని పరిస్థితి. గుడిలో ఎవరూ ఉండటానికి వీలు లేదు. గుడిమూసే సమయం కావస్తోంది. దయచేసి మీరు ఏమీ అనుకోకుండా ఇక్కడి నుంచి బయటికి వెళ్లిపోండి అని పంతులు చెబుతారు. ఇక చేసేది ఏమీ లేక ప్రేమ్, శృతి అక్కడి నుంచి బయటకు వెళ్ళడానికి సిద్ధం అవుతారు. అంతలో రాములమ్మ ఇంటికి వెళ్తూ అమ్మవారికి దండం పెట్టుకోడానికి వస్తుంది. ప్రేమ్, శృతి లను చూసి వాళ్ళ ఇంటికి రమ్మని ఆహ్వానిస్తుంది. ఈ కష్టకాలంలో మమ్మల్ని ఆదుకోవడానికి వచ్చిన దేవత నువ్వు అని వాళ్ళ ఇంటికి వెళ్తారు.

ఎప్పుడు తిన్నారో ఏమో ఒక ముద్ద అన్నం తినండమ్మ అని ప్రేమ్, శృతి లకు భోజనం వడ్డిస్తుంది రాములమ్మ. ఇది కూడా మా ఇల్లు లాగానే ఉంది. నువ్వు మా ఇంట్లోనే మాకు భోజనం పెడుతున్నట్లుగా ఉంది రాములమ్మ అంటూ.. ప్రేమ్ ఒక ముద్ద నోట్లో పెట్టుకుంటాడు. అమ్మ గురించి మీరు తప్పుగా అనుకోకండి ప్రేమ్ బాబు. మీరు లేకుండా తులసమ్మ అస్సలు ఒక్క క్షణం కూడా ఉండదు. అలాంటిది ఇంత పెద్ద త్యాగం చేసిందంటే కచ్చితంగా దాని వెనక ఏదో పెద్ద కారణమే ఉంటుంది అని రాములమ్మ అంటుంది. ప్రేమ్ ఒక ముద్ద నోట్లో పెట్టుకోగానే అమ్మ మనతోనే ఉంది శృతి.. అమ్మ ప్రేమ కి మనం ఎప్పటికీ దూరం కాలేను అని ప్రేమ్ అంటున్న మాటలు విని రాములమ్మ.. ఒక్క ముద్ద తినగానే తులసమ్మ చేతి వంట గుర్తుపట్టాడు ప్రేమ్ బాబు.. ఇదేనేమో కన్న తల్లి ప్రేమ అంటే.. ఇదేనేమో ఆ తల్లికి మీ మీదున్న ప్రేమ అని రాములమ్మ అంటుంది. ప్రేమ్ బాబు త్వరగా భోజనం చేయండి. తులసమ్మ మీ కోసం చేసిన పిండివంటలు సిద్ధంగా ఉన్నాయి అని అంటుంది.

తులసి ఇంట్లో ప్రేమ్ కోసం చేసిన పిండివంటలు చూస్తూ బాధపడుతుంది. ఇవన్నీ నీకోసమే ప్రేమగా చేశాను ప్రేమ్.. వీటిలో ఏ ఒక్కటి నీకు తినిపించకుండానే ఇంట్లో నుంచి నిన్ను బయటకు పంపించేసాను. ఈ అమ్మ ను క్షమించు ప్రేమ్.. తప్పుగా అనుకోవద్దు అని తులసి బాధపడుతూ ఉంటుంది. ప్రేమ్ జ్ఞాపకాలను , స్మృతులను గుర్తు తెచ్చుకొని తులసి లోలోపల మదనపడుతూ ఉంటుంది. రేపటి ఎపిసోడ్ లో దివ్య తులసితో ప్రేమ్ గురించి ఓ పెద్ద రద్దాంతమే చేయనుంది..