Ukraine Russia War: ఉక్రెయిన్ లో ప్రముఖ నగరాలను చుట్టముట్టిన రష్యా సేనలు .. ఎంత మంది సైనికులు మృతి చెందారంటే..?

Ukraine Russia War: ఉక్రెయిన్ పై రష్యా భీకర పోరు కొనసాగుతూనే ఉంది. ఉక్రెయిన్ రాజధాని కీవ్ తో పాటు ప్రముఖ నగరాలను రష్యా సేనలు చుట్టుముట్టాయి. కీవ్ కు 15 కిలో మీటర్ల దూరంలో సేనలు విరుచుకుపడేందుకు సిద్ధంగా ఉన్నాయని అధికారవర్గాల సమాచారం. రష్యా దాడి నేపథ్యంలో ఉక్రెయిన్ లో పలు చిన్న నగరాలు పూర్తిగా ధ్వంసమైయ్యాయిని ఉక్రెయిన్ అధ్యక్షుడు జెలెన్ స్కీ పేర్కొన్నారు. యుద్దంలో ఇప్పటి వరకూ తమ సైనికులు 1300 మంది చనిపోయారని ఆయన తెలిపారు. యుద్దంలో 579 మంది పౌరులు మృతి చెందగా, వెయ్యి మందికి పైగా క్షతగాత్రులు అయ్యారని ఐక్య రాజ్యసమితి తెలిపింది. ఉక్రెయిన్ యుద్ధం ప్రాంతం నుండి తరలించేందుకు ఏర్పాటు చేసిన మానవతా కాన్వాయ్ పైనా రష్యా దాడి చేసింది. రష్యా బలగాల దాడిలో తాజాగా ఓ చిన్నారితో సహా ఏడుగురు చనిపోయారు. కీవ్ కు ఈశాన్యంలో 20 కిలో మీటర్ల దూరంలో ఉన్న పెరెమోహా గ్రామం నుండి వందలాది మంది స్థానికులు వలస వెళ్లేందుకు ప్రయత్నిస్తుండగా రష్యాదాడికి పాల్పడింది.

మెలిటోపోల్ నగర మేయర్ అపహరణ

మరో పక్క మెలిటోపోల్ నగరాన్ని రష్యా ఆధీనంలో తీసుకోవడంతో పాటు నగర మేయర్ ఇవాన్ ఫెడోరోవ్ ను అపహరించారు. నగర మేయర్ అపహరణపై జెలెన్ స్కీ తీవ్ర స్థాయిలో మండిపడ్డారు. ఇది ఐసీసీ ఉగ్రవాదుల చర్యకంటే తక్కువేంకాదని అన్నారు. మేయర్ విడుదలకు మధ్యవర్తిత్వం వహించాలని ఇజ్రాయిల్ ప్రధాని బెన్నెట్ ను జెలెన్ స్కీ కోరారు. మెలిటోపోల్ నగరానికి కొత్త మేయర్ గా గనినా డనిల్చేంకోను నియమించినట్లు జపోరిజ్జియా స్థానిక పరిపాలనా విభాగం తెలిపిింది.

రష్యా సరిహద్దు ప్రాంతాల్లో ఆమెరికా సేనలు

ఉక్రెయిన్ పై రష్యా దాడులు కొనసాగుతున్న క్రమంలో రష్యా సరిహద్దు ప్రాంతాల్లో ఆమెరికా సేనల తరలింపు జరుగుతోంది. సుమారు 12 వేల ట్రూపుల సైన్యాన్ని తరలిస్తున్నామనీ వారంతా లాత్వియా, ఎస్టోనియా, లిథువేనియా, రోమేనియా భూభాగాల్లో మోహరిస్తారని అమెరికా అధ్యక్షుడు జో బైడెన్ వెల్లడించారు. అయితే ఇది మూడో ప్రపంచ యుద్ధం నిమిత్తం వారిని ఉక్రెయిన్ కు పంపడం లేదనీ, నాటో భూభాగంలో ప్రతి అంగుళాన్ని కాపాడుతామన్న సందేశం ఇచ్చేందుకే ఈ నిర్ణయం తీసుకున్నామని జో బైడెన్ తెలిపారు. హౌస్ డెమోక్రటిక్ కాకస్ సభ్యులను ఉద్దేశించి జో బైడెన్ ఈ విషయాన్ని వెల్లడించారు.