Krishna Mukunda Murari: పెళ్లి విషయంలో భవానిని నిలదీసిన మురారి.. ఇది కదా ట్విస్ట్ అంటే..

Krishna Mukunda Murari: భవాని పెళ్లి పనులు మొదలు పెట్టండి అని ఇంట్లో వాళ్ళందరకి చెబుతుంది. రేవతి రేపే పసుపు కొట్టి అన్ని స్టార్ట్ చేయాలి అని అంటుంది. రేవతి మౌనంగా ఉండిపోతుంది అప్పుడు ముకుంద రేవతి అత్తయ్యకు ఈ పెళ్లి అంటే ఇష్టం లేదు అని అంటుంది. అప్పుడు రేవతి నాకు ఇష్టం లేకపోవడం లేదు అలాని ఇష్టం లేదు అని అంటుంది. ఇక ఇంటికి ప్రసాద్, తన భార్య ఇద్దరు వస్తారు. సుమతి అక్క ఈ పెళ్లంటే మురారి కి ఇష్టం లేనట్టుంది అని అంటుంది ఇందాక వచ్చేటప్పుడు మురారి కృష్ణ దగ్గరే ఉన్నాడు అని చెబుతుంది ఆ తర్వాత ప్రసాద్ నీకు కూడా మనసులో ఇంకేమైనా సందేహాలు ఉంటే అడగమని భవాని అంటుంది అప్పుడు ముకుందా ప్రసాద్ మావయ్యకు అలాంటివి ఏమీ ఉండవు అని చెప్పగా ఉండమ్మా ముకుందా నాకు కూడా ఒక సందేహం ఉంది.

ఇప్పుడంటే మురారి కి గతం గుర్తుకు రాలేదు కాబట్టి మనం ముకుందని ఇచ్చి పెళ్లి చేస్తున్నాము. ఆ తర్వాత మురారి కి గతం గుర్తుకు వస్తే మురారి పరిస్థితి ఏంటి? ముకుంద జీవితం అన్యాయం అవుతుందని నాకు అనుమానంగా ఉంది వదిన అని ప్రసాద్ తన మనసులోని మాటను బయటపడతాడు. ఇక నాకు అదే అనుమానం అని రేవతి, ఆ తరువాత నందిని కూడా అదే విషయానికి మద్దతు చెప్పబోతుండగా.. షట్ అప్ అని భవాని పెద్దగా అరుస్తుంది. అసలు అది ఒక పెళ్లా, అయినా మనకి ద్రోహం చేసిన వాళ్ళ గురించి మీరు ఇంకా ఎలా ఆలోచిస్తున్నారు అని భవాని ఇంట్లో వాళ్ళందరికీ చివాట్లు పెడుతుంది ముకుందా నీకు మురారిని దగ్గరుండి చూసుకోమని చెప్పాను కదా అయినా నువ్వేం చేస్తున్నావు అని భవాని ముకుందను కూడా అరుస్తుంది. తను స్కూల్ పిల్లాడిలా అక్కడికి నేను వెళ్తుంటే నేను తనకి శత్రువు అవుతున్న కానీ భార్యను కాలేకపోతున్నా వీళ్లంతా కాస్త కట్టడి చేస్తే బాగుంటుంది అని ముకుంద అంటుంది. అర్జెంటుగా నువ్వు వెళ్లి మురారిని పిలుసుకోరా అని భవాని ముకుందని పంపిస్తుంది. ఆ తర్వాత ఇంట్లో వాళ్లందరికీ ఒక విషయం చెబుతున్నా.. ఇలాంటి పుచ్చు అనుమానాలతో మీ కాలాన్ని వృధా చేయకుండా పెళ్లి ఎలా చేస్తే బాగుంటుంది. ఘనంగా ఎలా చేయాలి అనే విషయం మాత్రమే ఆలోచించండి అని భవాని చెబుతుంది.

మురారి తనకి ఈ పెళ్లంటే ఇష్టం లేదని, ఇప్పుడు నేను నో అని చెబితే తన లైఫ్ స్పాయిల్ చేయొద్దని అనుకుంటున్న, కానీ నాకు ఈ పెళ్లి ఇష్టం లేదు అది తనతో ఎలా చెప్పాలో అర్థం కావట్లేదని మురారి అంటాడు. ప్రతి సమస్యకి పరిష్కారం ఉంటుంది సార్, మీరు అనుకున్నదే జరుగుతుంది. నాపై నమ్మకం ఉంచండి అని అంటుంది. మీరంటే నాకు అని మురారి కృష్ణ తో చెప్పబోతుంటే ముకుంద అక్కడికి వస్తుంది. మురారి పెద్దత్తయ్య రమ్మంది అని ముకుంద పిలుస్తుంది. ఇక తప్పక మురారి అక్కడి నుంచి వచ్చేస్తాడు.

మురారి ఇంటికి వచ్చాక తింగరి అంటే ఏమిటి అని ఆలోచిస్తూ ఉంటారు. అప్పుడు మురారి దగ్గరకు నందు, గౌతమ్ వస్తారు. తింగరి అంటే ఏమిటి అని ఆలోచిస్తూ అదే విషయాన్ని నందు, గౌతమ్ కి కూడా చెబుతారు. తింగరి అన్న మాట వినగానే నాకు ఏదో తెలియని భావన కలుగుతుంది. అదేంటో నాకు చెప్పండి అని మురారి అంటాడు. అలా చేస్తే నీ ఆలోచనలకు గండి కొట్టినట్టు అవుతుంది. నువ్వు ఇలాగే ఆలోచిస్తూ ఉండు నీకు ఏమైనా అయితే నేను, కృష్ణవేణి గారు ఉన్నాం కదా మేము చూసుకుంటాం అని గౌతమ్ భరోసా ఇస్తాడు. ఇక మురారి నిద్ర పోతూ కూడా అదే ఆలోచిస్తూ ఉంటాడు కానీ, ప్రయోజనం లేదని మురారి బాధపడతాడు.

మురారి ఉదయం నిద్ర లేచి రెఢీ అయ్యి కిందకి వస్తాడు. ఇంట్లో వాళ్ళందరూ ఎక్కడ అని వాళ్ళ అమ్మని అడుగుతాడు. అందరూ కాఫీ తాగండి మీకు ఒక విషయం చెప్పాలి అని భవాని అంటుంది. ఇక రేవతి అందరికీ కాఫీ ఇస్తుంది. ముకుంద నువ్వు వచ్చి మురారి పక్కన కూర్చో అని భవాని అంటుంది. ఇక భవాని కి రేవతి కాఫీ ఇస్తుంది. తను కాఫీ తాగక అందరూ దేవుడు గదికి రమ్మని పిలుస్తుంది. స్వామి మా అబ్బాయి పెళ్లిని ఎలాంటి పరిస్థితుల్లో చేస్తున్నామో మాకంటే నికే బాగా తెలుసు. ఈ పెళ్లి సజావుగా జరిగేలా నువ్వే చేయాలని భవాని వేడుకుంటుంది. మురారిని భవాని పెళ్లి కార్డు చూడమని సంతోషంగా చెబుతుంది. అప్పుడు మురారి పెద్దమ్మ మీరు ఇప్పుడు దేవుడిని ఎలాంటి పరిస్థితుల్లో ఈ పెళ్లిని చేస్తున్నామో అని దేవుడితో అన్నారు అంటే సింపతితో ఈ పెళ్లిని చేస్తున్నారా అని మురారి అడుగుతాడు. ఇక ఆ మాటకు భవాని మౌనంగా ఉండిపోతుంది.

రేపటి ఎపిసోడ్ లో భవాని పెళ్లి కార్డు తీసుకొని ఇంటికి వస్తుంది కూర్చుండి మేడం అని కృష్ణ అంటుంది. మేము కూర్చోవడానికి రావడం లేదు. వచ్చే శుక్రవారం మా మురారి కి ముకుంద కి పెళ్లి. మొదటి శుభలేఖ నీకే ఇస్తున్నాం అని భవాని అంటుంది. మురారి మాత్రం మనసులో ఏదో తప్పు చేస్తున్నామన్న భావన కలుగుతుంది నాకు అని అనుకుంటాడు. అదేంటో మురారి తెలుసుకుంటాడా.. ఈ పెళ్లిని మురారి ఆపేస్తాడా లేదా అనేది చూడాలి.