సుపరిపాలనపై శ్వేతపత్రం

అమరావతి, డిసెంబర్ 24 : వరుస శ్వేతపత్రాలలో భాగంగా ఏపీ ముఖ్యమంత్రి చంద్రబాబు  నాయుడు మంగళవారం రెండవ వైట్‌ పేపర్‌ను విడుదల చేశారు. గుడ్ గవర్నెన్స్‌పై రూపొందించిన ఈ శ్వేతపత్రంలో ముఖ్యాంశాలు ఇలా ఉన్నాయి.

• సుపరిపాలన ఎలా ఉండాలనే అంశంపై ప్రభుత్వం అధికారంలోకి రాగానే ఒక శ్వేతపత్రం ఇచ్చాం.
• అందులో భాగంగానే ఆర్థిక అసమానతలను తగ్గించేందుకు శ్రీకారం చుట్టాం.సాం కేతికతను పెద్దఎత్తున వినియోగిస్తున్నాం.
• సులభతర విధానాలు ఎన్నింటినో అవలంభిస్తున్నాం. వినూత్న సాంకేతికత విధానాలను తీసుకువచ్చాం.
• పోలవరం ప్రాజెక్టు తొలిగేటు పెట్టాం. ఇకపై మిగిలిన గేట్లు కూడా పూర్తిచేసే పని త్వరితగతిన పూర్తిచేస్తాం. ఇది తరతరాల ఆకాంక్ష.
• రాయలసీమ వర్షాలు లేక ఎడారిగా మారుతుందని భయపడే పరిస్థితి నుంచి బయటపడ్డాం.
• నదుల అనుసంధానం, జల సంరక్షణ విధానాలు, సమర్ధ నీటి వినియోగ పద్ధతులు అవలంభించాం. దీనివల్ల ఫలితాలు సాధించాం.
• *భారతదేశ చరిత్రలో ఇంత త్వరగా పూర్తవుతున్న సాగునీటి ప్రాజెక్టు పోలవరమే*
• పోలవరం ప్రాజెక్టుకు ఇఫ్పటికే ఉత్తమ ప్రాజెక్టుగా పురస్కారం వచ్చింది.
• వారంతపు సమావేశాలు నిర్వహించాం, డ్రోన్ టెక్నాలజీని వినియోగించుకోవడం వంటివి ప్రాజెక్టును ఇంత త్వరగా పూర్తిచేయడంలో దోహదపడ్డాయి.
• ప్రభుత్వ పాలనలో పారదర్శకంగా వ్యవహరించాం. దార్శనికతతో ముందుకు వెళ్లాం.
• దార్శనికతకు తగినట్టుగా మన దగ్గర ఉన్న సహజ వనరులు, మానవ వనరుల్ని వినియోగించుకున్నాం.
• రాజధాని లేకుండా, పరిశ్రమలు కూడా లేకుండా దార్శనిక పత్రాన్ని రూపొందించుకుని అభివృద్ది వైపు అడుగులు వేశాం
• విజన్ రూపొందించుకోవడమే కాదు, దాన్ని అమలుచేయడం ముఖ్యం.
• మూడు మాసాలకు ఒకసారి వృద్ధి ఫలితాలను మదింపు చేయడం మరో అడుగు
• ఏడు మిషన్లు, ఐదు ప్రచార ఉద్యమాలు, ఐదు గ్రిడ్లు ఏర్పాటుచేసుకుని అడుగులు వేశాం.
• 18 జిల్లా కలెక్టర్ల సమావేశాలు నిర్వహించాం. ఆ సమావేశాల్లో నిర్ధిష్ట విధానాలపై చర్చించాం.
• తలసరి ఆదాయం ఏఏ జిల్లాల్లో ఎలా ఉన్నాయో చర్చించాం.
• ఆర్థిక అసమానతలను తొలగించే కృషి చేశాం.
• వ్యవసాయం, విద్య, సాంకేతికత, పర్యావరణం, మౌలిక సదుపాయాలు తదితర అనేక అంశాల్లో జాతీయ స్థాయి పురస్కారాలు దక్కాయి.
• ఈజ్ ఆఫ్ డూయింగ్ బిజినెస్, హ్యాపీనెస్ ఇండెక్స్ తదితర అంశాల్లో నెంబర్‌వన్‌గా నిలిచాం.
• మనిషి జీవితం ఆనందమయం కావాలి. డబ్బు సంపాదించడం ఎంత ముఖ్యమో ఆనందంగా జీవించడం అంతే ముఖ్యం.
• అందుకే హ్యాపీనెస్ ఇండెక్స్ అనేది ఒక కొలమానంగా తీసుకున్నాం.
• హ్యాపీ సండే పేరుతో వారాంతాలు ఆహ్లాదంగా, సంతోషంగా ఉండేలా చర్యలు తీసుకున్నాం.
• మిషన్ అంత్యోదయాలో దేశం మొత్తం మీద అగ్రస్థానంలో నిలిచిన 37 అభివృద్ధి చెందిన గ్రామాలు ఏపీలోనే ఉన్నాయి.
• ఇ-ప్రగతి ద్వారా అన్ని ప్రభుత్వశాఖలను కంప్యూటరీకరించాం.
• పరిష్కార వేదిక పేరుతో ప్రజల సమస్యల్ని తెలుసుకుంటున్నాం.
• పీపుల్స్ హబ్ పేరుతో ప్రజలు అందుకుంటున్న ప్రయోజనాలు, అందుబాటులో ఉన్న వనరులు ఏమిటో బేరీజు వేసుకుంటూ అభివృద్ధి పనులు చేపడుతున్నాం.
• భూధార్ వ్యవస్థను దేశంలోనే తొలిసారి ఏపీలో తీసుకువచ్చాం.
• ఎక్కడా బినామీ సమస్య లేకుండా, భూ క్రయ విక్రయాల్లో అవకతవకలు లేకుండా చేస్తున్నాం.
• ప్రభుత్వ యంత్రాంగంలో ఎక్కడా తప్పు జరగకుండా చూస్తున్నాం. వారికి ఎప్పటికప్పుడు అవసరమైన పునశ్చరణ తరగతులు నిర్వహిస్తున్నాం.
• ఒకపక్క దేశంలో ఎక్కడా లేనివిధంగా సంక్షేమ పథకాలు అమలుచేస్తున్నాం. మరోపక్క మానవ వనరుల అభివృద్ధికి సులభతర విధానాలను తీసుకొచ్చాం.
• మెరుగైన జీవన ప్రమాణాల కోసం ప్రయత్నిస్తున్నాం.
• అందరూ రాష్ట్ర అవతరణ దినోత్సవాలు చేసుకుంటుంటే విభజన సమస్యల్ని అధిగమించేందుకు ఏటా నవ నిర్మాణ దీక్ష నిర్వహిస్తూ ప్రజల్లో చైతన్యాన్ని తీసుకొస్తున్నాం.
• వయాడక్ట్ విధానం ద్వారా ప్రభుత్వ పనితీరును మరింత మెరుగు పరచుకుంటున్నాం.
• వ్యవసాయరంగంలో దీటైన వృద్ధిని సాధించగలిగాం. రైతుల ఆదాయాన్ని రెట్టింపు చేయగలిగాం.
• చెరువుల అనుసంధానం, పూడిక తొలగింపు, పట్టిసీమ ద్వారా నదుల అనుసందానం, చెక్ డ్యాముల నిర్మాణం వంటి అనేక జల విధానాలను అమలుచేశాం.
• వ్యవసాయంలో వ్యూహాలు మార్చుకుంటున్నాం. డెయిరీ, పౌల్ట్రీ, హార్టీకల్చర్ వైపు మళ్లాం. ప్రజల ఆహారపు అలవాట్లకు అనుగుణంగా పంట మార్పిళ్లకు వెళ్లాం.
• విద్యుత్ రంగంలో అనేక సంస్కరణలు తీసుకొచ్చాం.
• తొలిసారి దేశంలో విద్యుత్ ఛార్జీలను పెంచేది లేదని చెప్పిన రాష్ట్రం ఆంద్రప్రదేశ్. ఈరోజు అన్ని గ్రామాల్లో, పట్టణాల్లో ఎల్ఈడీ బల్బులు వెలుగుతున్నాయి
• త్వరలో సోలార్ వ్యవసాయ పంపుసెట్లు తీసుకొస్తున్నాం. 25 శాతం విద్యుత్ ఆదా చేయడానికే స్మార్ట్ పవర్ గ్రిడ్లను అభివృద్ధి చేస్తున్నాం.
• గ్రీన్ కవర్ వైపు దృష్టి పెట్టాం. గ్రీన్ ఎనర్జీ, సోలార్, విండ్ ఎనర్జీకి మారుతున్నాం. త్వరలో కాలుష్యం లేని వాతావరణం తీసుకొచ్చేందుకు ప్రయత్నం చేస్తున్నాం.
• ప్రకృతి వ్యవసాయంలో ప్రపంచానికే ఆదర్శంగా నిలిచాం.
• ల్యాండ్ మేనేజ్మెంట్, వేస్ట్ మేనేజ్మెంట్, ఎనర్జీ మేనేజ్మెంట్, లాజిస్టిక్ మేనేజ్మెంట్ విధానాలను అవలంభిస్తున్నాం. తుఫాన్ కదలికల్ని నిర్దిష్టంగా పసిగట్టగలుగుతున్నాం.ఫెతాయ్ తుఫాన్‌ సమయంలో ముందు జాగ్రత్తలు తీసుకోగలిగాం.
• ఇన్నోవేషన్‌లో ఏపీ లీడర్ అని దేశం గుర్తించింది.
• అత్యుత్తమ సంస్థలు, ప్రభుత్వ విధానాలు, వినూత్న ఆలోచనలతో ఏపీ అభివృద్ధిపథంలో దూసుకుపోతోంది.
• ప్రభుత్వ పథకాలు, కార్యక్రమాల్లో జవాబుదారితనం కచ్చితంగా ఉండేలా డిజిటలైజ్ చేశాం.
• ప్రపంచవ్యాప్తంగా ఉన్న అత్యుత్తమ సాంకేతికతను ఏపీకి తీసుకొచ్చాం.
• 1,42,054 రూపాయిల తలసరి ఆదాయాన్ని సాధించగలిగాం. నాలుగేళ్లలో 12 వేల రూపాయిల వ్యత్యాసాన్ని తీసుకురాగలిగాం
• పాఠశాలల్లో అన్ని మౌలిక సదుపాయాలను కల్పించాం.
• మాతాశిశు మరణాలు, ప్రసవ మరణాలు గణనీయంగా తగ్గించుకోగలిగాం. పౌష్టికాహార లోపం లేని దశకు చేరుకున్నాం.
• నరేగా నిధుల్ని సద్వినియోగం చేసుకున్నాం.
• నరేగా ద్వారా 24 ప్రభుత్వశాఖల్లోని పనులను అనుసంధానం చేశాం.
• రసాయన ఎరువులు, పురుగు మందుల వినియోగం గణనీయంగా తగ్గించాం. ఇది రాష్ట్రాన్ని పర్యావరణ హితంగా మార్చగలిగింది.
• 2022 నాటికి సుస్థిర వృద్ధి సాధించాలనే లక్ష్యంతో పనిచేస్తున్నాం.
• ప్రపంచంలో ఎక్కడాలేనంత యువత ఇండియాలో ఉంది. ఐటీలో మన దేశం అగ్రగామి. ఇంగ్లిషు మాట్లాడే వారు కూడా ఈ దేశంలో ఎక్కువ. ఈ వనరుల్ని మనం సద్వినియోగం చేసుకోవాలి.
• పోలవరం విషయంలో కేంద్ర ప్రభుత్వం సహకరించకపోయినా పనులను సత్వరం పూర్తిచేస్తున్నాం. ప్రాజెక్టు పూర్తి కావాలంటే ఇంకా రూ.55 వేల కోట్లు అవసరం.
• ప్రధాన ప్రతిపక్షం ప్రతి అభివృద్ధి పనిలో అడ్డం పడుతోంది.
• పోలవరం గేటు పెడితే ఎగతాళీ చేస్తోంది. కచ్చితంగా ఇది గ్రేట్ డే. ఇంత గొప్ప కార్యక్రమాన్ని అవహేళన చేయడం దుర్మార్గం.
• కడప జిల్లా ఉక్కు కర్మాగారానికి శంకుస్థాపన చేయడానికి ముహూర్తం ప్రకటిస్తే దాన్ని కూడా అవహేళన చేస్తూ మాట్లాడుతుండటం ఇంగితం లేకపోవడమే.
• మేము కాంగ్రెస్‌తో కలిస్తే ఎన్టీఆర్‌కు నమ్మకద్రోహం చేసినట్టుగా ప్రధానమంత్రి మోడీ మాట్లాడటం దారుణం. పోలవరం ప్రాజెక్టుకు పురస్కారం ఇస్తారు, డబ్బులు మాత్రం ఇవ్వరు.
• కేంద్ర ప్రభుత్వం సహకరించపోయినా, ఎవరు ఎన్ని అడ్డంకులు సృష్టించినా సాంకేతికత సాయంతో వనరుల్ని సమర్ధంగా వినియోగించుకుంటూ సుపరిపాలన విధానాలను అమలుచేయడం వల్లనే మనం అనుకున్నది సాధించగలుగుతున్నాం.
• అన్నక్యాంటీన్, చంద్రన్నబీమా, రైతులకు ఇన్‌పుట్ సబ్సిడీ, మైక్రో న్యూట్రియెంట్స్ అందించడం, పండగ కానుకలు, వివిధ వర్గాలకు పెద్దఎత్తున సంక్షేమ పథకాలు, సబ్సిడీ వంటివి దేశంలో ఎక్కడా లేవు.
• దేశానికి ఏపీ ఇప్పుడు లీడర్‌గా వుండే స్థాయికి ఎదిగింది.
• ఒక ప్రభుత్వ కార్యక్రమాన్ని అమలు చేయడమే కాకుండా ఆ పథకం వల్ల ప్రజల్లో సంతృప్త స్థాయిని తెలుసుకునే ప్రయత్నం చేస్తున్న ప్రభుత్వం ప్రపంచం మొత్తం మీద ఈ ప్రభుత్వమే.
• పోలవరం ప్రాజెక్టుపై తెలంగాణా ప్రభుత్వం అభ్యంతరం చెప్పడంలో అర్ధమే లేదు.
• వాళ్లు అక్కడ కాళేశ్వరం వంటి ప్రాజెక్టులు కట్టుకుంటున్నారు.
• *పోలవరం ప్రాజెక్టుపై తెలంగాణా ప్రభుత్వం అభ్యంతరం చెప్పడంలో అర్ధమే లేదు*
• వాళ్లు అక్కడ కాళేశ్వరం వంటి ప్రాజెక్టులు కట్టుకుంటున్నారు
• ఇప్పుడున్న వ్యవసాయ పంపుసెట్లను సోలార్ పంపుసెట్లుగా మార్చుతాం.
• అమరావతిలో పేదవారు అందరికీ ఇళ్లు కడతాం.

సుపరిపాలనపై శ్వేతపత్రం పూర్తి పాఠం కొరకు ఈ కింది లింక్‌ను క్లిక్ చేయండి

5_6127292896723861629