Sleeping: రాత్రి పూట సరిగ్గా నిద్ర పట్టడం లేదా..!? అయితే వీటిని రాత్రిపూట అస్సలు తినొద్దు..!!

Sleeping: మనిషి శరీరానికి తగినంత నిద్ర అవసరం.. సరిగా నిద్ర పోకపోతే అనేక అనారోగ్య సమస్యలు తలెత్తుతాయి.. కంటి నిండా నిద్రపోకపోతే ఒత్తిడి పెరుగుతుంది.. నిద్రలేమి వల్ల ప్రపంచవ్యాప్తంగా కోట్లాది మంది బాధపడుతున్నారు.. సరిగ్గా నిద్ర పట్టకపోవడం, నిద్రలో తరచుగా మేల్కొనడం, తగినంత నిద్ర రాకపోవడం, అలసటగా అనిపించడం ఇలా ప్రతి ఒక్కరు అనేక రకాల నిద్ర సమస్యలతో బాధపడుతున్నారు.. అయితే కొన్ని చిన్న చిన్న చిట్కాలు పాటిస్తే ప్రశాంతమైన నిద్ర మీ సొంతం చేసుకోవచ్చు..

Sleeping: చక్కటి నిద్ర కోసం పాటించవలసిన చిట్కాలు ఇవే..!!

రాత్రిపూట కొన్ని ఆహార పదార్థాలు తినేటప్పుడు జాగ్రత్తగా ఉండాలి. ఎందుకంటే కొన్ని ఆహారాలు తినడం వలన కూడా నిద్రకు ఆటంకం కలిగిస్తుంది. రాత్రిపూట ఆహారాన్ని తక్కువగా తీసుకోవాలి. కడుపునిండా తినకుండా శరీరానికి అవసరమైనంత మాత్రమే తినాలి. రాత్రి సమయంలో కాఫీ, టీ తాగడం మానేయాలి. వీటివల్ల నిద్ర పట్టడం మరింత ఆలస్యం అవుతుంది. వీటికి బదులుగా గోరువెచ్చని పాలు తాగితే త్వరగా నిద్ర పడుతుంది. నిద్రపోవడానికి నిర్ధిష్ట సమయాన్ని ఎంచుకోవాలి. పగటిపూట నిద్ర పోయే అలవాటును మానుకోవాలి. మధ్యాహ్నం నిద్ర పోతే రాత్రి ఆలస్యంగా నిద్ర పడుతుంది. ఆరోగ్య సమస్యలతో బాధపడేవారు మధ్యాహ్నం నిద్రపోవాలంటే 30 నిమిషాలకు మించి నిద్రపోకపోవడం మంచిది. మీరు ఎంచుకున్న నిద్ర ఆ సమయంలో ఎలాంటి పని ఉన్నా పక్కన పెట్టండి. ఆ సమయంలో నిద్రపోవడమే ముఖ్యమని గుర్తుంచుకోండి. పడుకునే ముందు చక్కటి సంగీతాన్ని వింటే మంచిది. మనసు ప్రశాంతంగా ఉంటుంది. నిద్రపోయే ముందు గోరువెచ్చటి నీటితో స్నానం చేస్తే ఒంటి నొప్పులు తగ్గి హాయిగా నిద్ర పడుతుంది. కెఫిన్ ఉన్న పదార్థాలను తగ్గించండి. అనవసరమైన విషయాల గురించి ఆలోచించకుండా ఉంటే ప్రశాంతంగా నిద్రపడుతుంది.