హక్కుల కోసం పోరాడుటలో ఆత్మ గౌరవం ఉన్నదిరా అని ఎప్పుడో చిన్నప్పుడు ఓ పాట కమ్యునిస్టు సభల్లో వింటూ వుండేవాడిని. అది విన్నప్పుడల్లా ఎందుకో కళ్ళలో నీళ్ళు తిరిగేవి. హక్కుల కోసం ఎవరు ఉద్యమించినా ఆ పాటలోని పై వాక్యం తప్పక గుర్తుకొస్తుంది. తెలంగాణ ఆర్టీసీ కార్మికుల సమ్మె జరుగుతోంది. ఇప్పుడు కూడా ఆ వాక్యం గుర్తుకొస్తోంది. కాని మన కళ్ళ ముందే చరిత్ర తనను తాను తిరగ రాసుకోవడాన్ని చూస్తే ఆశ్చర్యమూ ఆవేదనా ఒకసారే కమ్ముకోవడం ఓ విచిత్రానుభూతిగా వుంది.
ఒకప్పుడు అడవుల్లో ఆదివాసీల హక్కుల కోసం ఉద్యమించిన అల్లూరి సీతారామరాజును గొప్ప విప్లవకారుడుగా అందరం కీర్తిస్తాం, పాలకులతో సహా. కానీ అదే ఆదివాసీల హక్కుల కోసం పోరాడేవాడు ఇప్పుడు దేశద్రోహిగా గుర్తింపబడుతున్నాడు. కార్పొరేట్లకు అడవుల్ని కట్టబెట్టే కాలంలో అల్లూరి సీతారామరాజులు ఇప్పుడు తిరగబడితే స్వదేశీ పాలకులే స్వయంగా కటకటాల్లో పెడతారు. పార్లమెంటులో బాంబులు విసిరిన భగత్ సింగ్ విప్లవకారుడే, దేశభక్తుడే. అదే భగత్ సింగ్ చూపిన విప్లవ మార్గంలో ఇప్పుడు ప్రయాణం చేసేవారంతా దేశద్రోహులే. అంటే హక్కులూ పోరాటాలూ ఉద్యమాలూ విప్లవాలూ కాలానుగుణంగా నిర్వచనాలను మార్చుకుంటాయన్నమాట. ఎవరి హక్కుల కోసం ఎవరు పోరాటాలు చేస్తున్నారు? వాటితో ఎవరి హక్కులకు లాభం..ఎవరి హక్కులకు భంగం? అనే ప్రశ్నకు జవాబులోనే మారుతున్న నిర్వచనాల రూపురేఖలు అర్థం చేసుకోవాలి. దేశంలో పరిపాలనా పగ్గాలు ఎవరి చేతుల్లోకి రావాలనుకున్నారో వారు ఆనాటి ఉద్యమాలనన్నింటినీ మహా విప్లవాలుగా వర్ణించారు. పగ్గాలు చేతుల్లోకి వచ్చాక అవే విప్లవాలను విద్రోహాలుగా పాలకులు చూస్తున్నారు.
తెలంగాణ ప్రత్యేక రాష్ట్రం కోసం ఉవ్వెత్తున లేచిన ఉద్యమంలో సాధారణ కార్మికులు..ఉద్యోగులు..విద్యార్థులు..మావోయిస్టులు ఎంత కీలక పాత్ర పోషించారో మనకు తెలుసు. ఆ ప్రయోజనం నెరివేరిపోయింది. ప్రయోజనం పొందిన వర్గాలు ఒకప్పుడు ఎవరిని ఉద్యమకారులుగా అసలు సిసలు విప్లవకారులుగా కీర్తించారో ఇప్పుడు అదే వర్గాలు అదే ఉద్యమకారుల్ని ద్రోహులుగా స్వార్థపరులుగా ప్రజలకు, పరిపాలనా విభాగాలకు అవరోథం కలిగించేవారిగా అభివర్ణిస్తున్నారు. తమ హక్కుల కోసం పోరాడుతున్న వారిని సామాన్య ప్రజాప్రయోజనాలకు శత్రువులుగా చిత్రిస్తున్నారు. ఒకప్పుడు సకల జనుల సమ్మె ఒక చారిత్రాత్మక విప్లవం. ఇప్పుడది స్వార్థంతో సాగే సమ్మె. ఏ పోరాటమూ అందరి ప్రయోజనాల కోసం సాగదు. కొన్ని పోరాటాలు కొందరి ప్రయోజనాలతో ఘర్షించవచ్చు. కానీ పాలకులు కొందరి హక్కులను కాపాడడంలో ఎవరికీ నష్టం లేదనుకున్నప్పుడు కార్మికుల హక్కులను గౌరవించి వారితో సంప్రదింపులు జరిపి ఒక సానుకూల వైఖరిని తీసుకోవడం మంచిది. అలాగని మనం అనుకుంటాం. కానీ ఇక్కడ కార్మికుల హక్కులు పాలకుల హక్కులతోనే ఘర్షిస్తున్నట్టుగా అర్థమవుతోంది. అహంకారం పాలకుల హక్కు. అణచివేత పాలకుల హక్కు. అందుకే కొన్ని పోరాటాలు కాలం మారుతున్న కొద్దీ కొందరి దృష్టిలో స్వరూపాలు..స్వభావాలూ నిర్వచనాలూ మార్చుకుంటూ వుంటాయి. అన్నిటికంటే విషాదం ఆత్మహత్యలే నిరసనకు ఆఖరి అస్త్రంగా మార్చివేసిన స్వార్థ చరిత్ర. ఆర్టీసీ కార్మికులు తిరిగి ఆత్మహత్యలనే ఆయుధంగా ఎంచుకుంటున్నారా? ఇప్పటికే ఇద్దరు ఆహుతైపోయారు. వారిప్పుడు పాలకుల దృష్టిలో వీరులు కాకపోవచ్చు. కానీ ఆత్మహత్య ఏ పోరాటానికీ ఆయుధం కాదని అన్ని కాలాలకూ సరిపడా ఒక సందేశాన్ని మాత్రం ఇవ్వాల్సిన బాధ్యత మనందరి మీదా ఉన్నది. హక్కుల కోసం పోరాడటంలో ఆత్మగౌరవం ఉన్నమాట నిజమే కాని ఆ పోరాటానికి ఆత్మహననం ఎంత మాత్రం మార్గం కాదు. పోరాడితే సంకెళ్ళే పోతాయి. ఆ క్రమంలో ప్రాణాలు కోల్పోయిన వారున్నారు. వారి అమరత్వం రమణీయమే. కానీ ఆత్మహత్య ఆచరణీయం కాదు..కానేరదు. అందుకే పోరాడుతున్న కార్మిక సోదరుల కోసం ఈ చిన్ని కవిత.
||గుండె దిటవు చేసుకో||
ఆత్మహత్యలతో రాష్ట్రాన్ని సాధించగలరేమో
ఆత్మహత్యలతో రాజ్యాన్ని ఎదిరించలేరు–
పోరాటం ప్రాణాలు బలితీసుకోవచ్చు
ప్రాణాలు తీసుకోవడమే పోరాటం కాదు–
ఉద్యమానికి నీ ఊపిరి కావాలి
నీ ఊపిరే ఉద్యమం కాదు–
సమూహం నీ ఆశయమైనప్పుడు
పలాయనం నీ ఆయుధం కాకూడదు–
గుండెలు దిటవు చేసుకో
బండలైనా బద్దలవుతాయి–
విను..దిక్కుల నోట
నీ హక్కుల పాట విను !
నీ పని నువ్వు చేయి
కాలం తన పని తాను చేసుకుపోతుంది.
డా. ప్రసాదమూర్తి
Satyadev: వెర్సటైల్ హీరో సత్యదేవ్ కథానాయకుడిగా నత్తించిన తాజా చిత్రం కృష్ణమ్మ. ఈ సినిమాకు వీవీ గోపాలకృష్ణ దర్శకత్వం వహించిన… Read More
Vijay Devarakonda: విజయ్ దేవరకొండ 35వ పుట్టినరోజు సందర్భంగా నేడు అనగా మే 9న సోషల్ మీడియా మొత్తం ఆయన… Read More
Today OTT Releases: తెలుగు రాష్ట్రాల్లో అనేక ఓటిటి ప్లాట్ ఫారం అందుబాటులో ఉన్నాయి. వాటిలో ఇంగ్లీష్ మరియు హిందీ,… Read More
YS Jagan: బ్రిటన్, స్విట్టర్లాండ్, ఫ్రాన్స్ లో పర్యటించేందుకు అనుమతి ఇవ్వాలని, ఆ మేరకు విదేశాలకు వెళ్లేందుకు బెయిల్ షరతులను సడలించాలని… Read More
This week OTT Releases: ప్రతి వీకెండ్ అనేక సినిమాలు అనేక జోనర్లలో ఓటీటీలోకి వస్తున్న సంగతి తెలిసిందే. ఇదే… Read More
OTT: మలయాల్ క్రైమ్ కామెడీ యాక్షన్ మూవీ ఆవేశం ఓటీడీలోకి రానే వచ్చింది. స్టార్ హీరో ఫహిద్ ఫాజిల్ ప్రధాన… Read More
AP High Court: రాష్ట్రంలో ప్రస్తుతం ఎన్నికల కోడ్ అమల్లో ఉన్నందున ప్రభుత్వ పథకాల అమలుకు నిధుల విడుదలను నిలిపివేయాలంటూ… Read More
Congress: విజయవాడ జింఖానా గ్రౌండ్స్లో రేపు (10వ తేదీ) సాయంత్రం 5 గంటలకు ఇండియా కూటమి సభ జరుగుతుందని కాంగ్రెస్ పార్టీ… Read More
YS Sharmila: కడప లోక్ సభ కాంగ్రెస్ అభ్యర్ధి, ఏపీ పీసీసీ అధ్యక్షురాలు వైఎస్ షర్మిల పులివెందులలో ఎన్నికల ప్రచారాన్ని… Read More
Arvind Kejriwal: ఢిల్లీ లిక్కర్ స్కామ్ నకు సంబంధించి మనీ లాండరింగ్ కేసులో అరెస్ట్ అయిన సీఎం అరవింద్ కేజ్రీవాల్… Read More
Guppedantha Manasu: గుప్పెడంత మనసు సీరియల్ ద్వారా ఓవర్ నైట్ లో స్టార్ డం సంపాదించుకున్న ఏకైక ముద్దుగుమ్మ జ్యోతి… Read More
Television Couple: ప్రజెంట్ జనరేషన్ మొత్తం పెళ్లి మరియు పిల్లలు అంటూ బిజీగా తమ లైఫ్ని సాగిస్తున్నారు. ఇక ఇదే… Read More
Anchor Shyamala: మొదట సీరియల్స్ లో నటించి అనంతరం సినిమాస్లో మరియు ఇతర రంగాల్లో రాణిస్తూ మంచి పేరు ప్రఖ్యాతలు… Read More
Kadiyam Kavya: తమ కులంపై జరుగుతున్న చర్చపై వరంగల్లు లోక్ సభ కాంగ్రెస్ అభ్యర్ధి కడియం కావ్య సీరియస్ కామెంట్స్ చేశారు.… Read More
Dimple Kapadia: సినీ ఇండస్ట్రీలో ఎంట్రీ ఇచ్చి అతి తక్కువ సమయంలోనే మంచి గుర్తింపును సంపాదించుకోవాలంటే అది కొంతమందికి మాత్రమే… Read More