బహ్రెయిన్‌లో శ్రీకృష్ణుడి ఆలయం

(న్యూస్ ఆర్బిట్ డెస్క్)

బహ్రెయిన్ రాజధాని మనామాలో అతి పురాతనమైన శ్రీకృష్ణ దేవాలయాన్ని పునరుద్ధరించనున్నారు. సుమారు 200 ఏళ్ళ నాటి కృష్ణుడి ఆలయాన్ని 4. 2 మిలియన్ యుఎస్ డాలర్ల వ్యయంతో ఈ ఆలయ నిర్మాణాన్ని చేపడుతున్నారు.  ప్రధాని మోదీ ఈ  ఆలయాన్ని సందర్శించి.. రీ-డెవలప్ మెంట్ ప్రాజెక్టును ప్రారంభించారు. దాదాపు 16, 500 చదరపు అడుగుల స్థలంలో… 30 మీటర్ల ఎత్తున.. నాలుగు అంతస్థులతో ఈ ఆలయం రూపు దిద్దుకోనుంది. ఈ ఆలయాన్ని సందర్శించిన తొలి భాతర ప్రధాని మోదీనే కావడం విశేషం.

మూడు రోజుల పర్యటనలో భాగంగా ప్రధాని మోదీ ఈ గల్ఫ్ దేశాన్ని సందర్శించిన సంగతి తెలిసిందే. ఈ పర్యటనలో ఆయనకు యుఎఈ ప్రభుత్వం అత్యున్నత పురస్కారమైన ‘ ఆర్డర్ ఆఫ్ జాయేద్’ ని ఇచ్చి సత్కరించింది. భారత-బహ్రయిన్ దేశాల మధ్య ద్వైపాక్షిక వాణిజ్య, సాంస్కృతిక సంబంధాలను మరింత అభివృధ్ది పరచేందుకు మోదీ అక్కడి ప్రభుత్వంతో విస్తృత చర్చలు జరిపారు. రూపే కార్డును, మహాత్మా గాంధీ స్మారక తపాలా బిళ్లలను ఆయన విడుదల చేశారు.