Posani Krishna Murali: పిలిచి మరి ఐదు లక్షలు అల్లు అర్జున్ ఇచ్చాడు…పోసాని కృష్ణమురళి సంచలన వ్యాఖ్యలు..!!

Posani Krishna Murali: 2021 ఏడాదికి సంబంధించి “పుష్ప” సినిమాకి అల్లు అర్జున్ జాతీయ ఉత్తమ నటుడు అవార్డు అందుకోవటం తెలిసిందే. 69 ఏళ్ల భారతీయ చలనచిత్ర రంగంలో తెలుగు హీరోగా మొట్టమొదటిసారి ఉత్తమ జాతీయ అవార్డు బన్నీకి రావటం సంచలనం సృష్టించింది. దీంతో చాలామంది సినిమా ప్రముఖులు రాజకీయ నేతలు అల్లు అర్జున్ నీ అభినందించడం జరిగింది. తాజాగా ఏపీఎఫ్డిసి చైర్మన్ పోసాని కృష్ణ మురళి కూడా అల్లు అర్జున్ కి జాతీయ అవార్డు రావడం పట్ల అభినందనలు తెలియజేశారు. తాజాగా తాడేపల్లిలో మీడియాతో మాట్లాడిన పోసాని.. అల్లు అర్జున్ తో తనకు మంచి స్నేహబంధం ఉందని పేర్కొన్నారు. బన్నీ ఎప్పటి నుంచో నాకు మంచి ఫ్రెండ్. నేను సీనియర్ నే అయినా నేనంటే అల్లు అర్జున్ ఎంతో ఇష్టపడతాడు.

ఒకసారి నాకు ఫోన్ చేసి మురళి గారు ఒకసారి మా ఇంటికి వస్తారా… టీ తాగి వెల్దురు గాని అన్నారు. వెళ్లాను.. టీ ఇస్తే తాగుతున్నా.. లోపల నుంచి ఒక ఎనవలప్ కవర్ తీసుకొచ్చి నా చేతిలో పెట్టాడు. ఏంటి బాబూ ఇదీ అంటే.. తీసి చూడండి అన్నాడు. తీసి చూస్తే రూ.5 లక్షల చెక్ ఉంది. ఏంటి బాబూ నాకు చెక్ ఇచ్చావ్ అని అడిగాను. ఉంచండి మీ దగ్గర అన్నాడు. బాబూ నేను బాగున్నాను కదా.. వెల్ సెటిల్డ్ కదా.. నాకెందుకు ఇస్తున్నావ్ అన్నాను. మీరు డబ్బులు ప్రాపర్‌గా యూజ్ చేస్తారు సార్.. వృథా చేయరు.. సద్వినియోగం చేస్తారు.. అది నాకు బాగా నచ్చింది.. చాలా మందికి గుండె ఆపరేషన్లు చేయించారు.. మీరు చేసినట్టు కూడా చాలా మందికి తెలీదు.. ఈ రూ.5 లక్షలు కూడా మంచి పనికి వాడతారు.. దయచేసి తీసుకోను అనొద్దు ప్లీజ్.. అని నాకు ఇచ్చాడు’ అని పోసాని కృష్ణ మురళి చెప్పుకొచ్చారు. అయితే ఆ చెక్కు తీసుకొని కటిక పేదరికంలో పదో తరగతిలో మంచి మెరిట్ మార్కులు సాధించిన ముగ్గురు విద్యార్థులను ఎంపిక చేసుకుని.. ప్రముఖ న్యూస్ ఛానల్ లోకి లైవ్ లోకి పిలిపించాను.

ఆ పిల్లలతో పాటు వాళ్ళ తల్లిదండ్రులు కూడా వచ్చారు. ఈ క్రమంలో సదరు విద్యార్థుల చదువుకు సంబంధించి డిగ్రీ వరకు ఎంత ఖర్చవుతుంది అని అడిగాను. వాళ్లు లక్ష నుంచి లక్షన్నర రూపాయలు అవుతుందని అన్నారు. వెంటనే వాళ్ళ ముగ్గురికి చెక్కులు ఇచ్చాను. అదనంగా మరో 10 వేల రూపాయలు ఇవ్వడం జరిగింది. ఈ క్రమంలో వాళ్లు నాకు ధన్యవాదాలు చెప్పారు. ఆ సమయంలో ఓ అమ్మాయి కంటతడి పెట్టుకుంది. అయితే ఈ సాయం నేను చేయలేదు అల్లు అర్జున్ చేశారు ఆయనకు ధన్యవాదాలు చెప్పండి అని లైవ్ లోనే చెప్పించా.. అని పోసాని అప్పటి విషయాన్ని గుర్తు చేశారు. ఆ తర్వాత బన్నీ తనని మళ్లీ ఇంటికి పిలిపించుకుని ఎలా చేశారంటే అని అన్నారు. వెంటనే ఏమయ్యా సొమ్ము నీది సోకు వేరే వారితో ఎలా. నువ్వు చెక్ ఇస్తే నేను సాయం చేసినట్టు.. నేను చాలా గొప్పది అనిపించుకోవడం నాకు మేము కూడా పడదు అందుకే నీ పేరు చెప్పేశా.. అన్ని బన్నీతో అన్నట్లు పోసాని మీడియా సమావేశంలో చెప్పుకొచ్చారు.