మీరు ఖాళీ ఖాళీ మాటలతో ఎవరితోనూ యుద్ధం చేయలేరు
ఒకరినొకరు అనుమానించుకుంటూనే కౌగలించుకుంటారు
ఒకరినొకరు అవమానించుకుంటూనే సన్మానించుకుంటారు
ఐక్యంగా ఉన్నామంటూనే అనైక్యతకు మహోదాహరణగా వెలిగిపోతారు
పేరుకు ప్రగతి కాముకులే..ఆశయాలు ఆకాశాలు..నినాదాలు పిడుగులు
కానీ రెండు చేతుల్ని కలిపి రెండు చేతుల్లో కత్తులు పట్టుకుంటారు
విచ్ఛన్నకారుల్ని ఎదుర్కోవాలి..విధ్వంసకారుల్ని ఢీకొనాలి
విద్వేషాలను ఉన్మాదాలను నిలువరించడానికి సాహసించాలి
మీరు ఖాళీ ఖాళీ ఉపన్యాసాలతో నిజాయితీగా నిస్వార్థంగా ఒక వేదిక మీద నిలవలేరు
మీ మధ్య లోయలెన్నో..అగాథాలెన్నో..గుప్పెడు పచ్చగడ్డి వేసినా అది ఎంత తొందరలో మండిపోతుందో
తెలియని అమాయకులు ఎవరున్నారిక్కడ?
వంద గ్రూపుల కమ్యూనిస్టులు ఒక్కటయ్యేదెప్పుడు
లక్ష్యం ఒకటే అయినప్పుడు ఇన్ని దారులు దేనికంటే సమాధానం అందేదెప్పుడు
ఒక విప్లవకారుడు ఎన్కౌంటరైతే వాడి కులం చూస్తాం
ఒక విప్లవకారుడు జైలు పాలైతే వాడి కులం మన హృదయోద్రేకాల సరిహద్దులు నిర్ణయిస్తుంది
పేరుకంతా అంబేద్కరిస్టులే దళితుల్లోనే వంద గ్రూపులు
బీసీలు ఎస్సీలను నమ్మరు..ఎస్సీలు వాటాల వంతులకాడకొస్తే నిలువునా చీలిపోతారు
తోడబుట్టినవాడు వాటా అడిగితే వర్గీకరణ ఒక భయంకర కుట్ర అని వాపోతారు
శత్రువు తన వర్గానికి ఎంత మేలు చేశాడో ఎలా చేశాడో చెప్పగలం
మన జాతికి మనమేం చేస్తున్నామో చెప్పలేం
రాజ్యాంగపు ఫలాలు ఇంకా అందని సొంత జాతి వారికి వాటిని అందించే ఎజెండా లేనివాళ్ళు
సొంతలాభం కొంతైనా వీడలేని వారు
ఖాళీ ఖాళీ సభలతో సన్మానాలతో తీర్మానాలతో ఒక జాతిని ఉద్ధరించరు
ఎక్కడో ఎవడో ఆత్మహత్య చేసుకుంటాడు మరోచోట ఎవరో దాడికి గురవుతారు
కొండొకచో ఆత్మగౌరవం నడిరోడ్డు మీద దగ్ధమవుతుంది
ఒకే నోటితో అంతా అయ్యో అంటారు పెద్ద కెరటంలా పైకి లేస్తారు అంతే వేగంగా నేలకరుస్తారు
కులాల లెక్కలు లేకుండా ఏ స్పందనలూ లేని ఏ ఆగ్రహాలూ పుట్టని ఏ ఉద్యమాలూ లేవని
డొంకతిరుగుడు సందర్భాల్లో సమయాల్లో ఉన్నాం
మనం ఖాళీ ఖాళీ నిరసనలతో నినాదాలతో ఎవరితోనూ యుద్ధం చేయలేం
ఒళ్ళంతా విషపు కోరలు మొలిచిన శత్రవు విరుచుకుపడుతున్నాడు
నువ్వు ముట్టుకుంటే నేను మైలపడతానని దేవుడింకా అంటున్నాడంటే
ఆ దేవుణ్ణి రహదారి మీద దగ్ధం చేసే తెగువ కావాలి
నువ్వు నాకిష్టమైందే మాట్లాడు అని ఎవడైనా ఆదేశిస్తున్నాడంటే
వాడిని పిడికిళ్ళ మీద ఎత్తి ఖండాలకవతలకి విసిరేసే దమ్ము కావాలి
నా దేవుడికే నువ్వు జైకొట్టు అని ఎవరైనా ఇంకా హూంకరిస్తున్నారంటే
వాడినీ వాడి దేవుడినీ సప్తసముద్రాల్లో ముంచి నీటితోనే దహనసంస్కారం చేసే ధైర్యం కావాలి
మీరు ఉత్తుత్తి కల్లబొల్లి నంగనాచి పోరు పాటలతో ఎవరినీ ఎదిరించలేరు
సమసమాజం కోసం కలలు కంటూనే
మీరెంత అసమ గోళాలుగా గింగిరాలు కొడుతున్నారో మీ శత్రువుకి తెలుసు
మీరు చెప్పే ప్రగతి..మీరు వాదించే ఐక్యత..మీరు ఆశించే లక్ష్యం
మీలో అతికొద్దిమంది భావప్రాప్తితో అణగారిపోవడం చారిత్రక విషాదం
మీరు మీ ప్రవచనాలతో..మీ బోధనలతో..మీ స్వీయ కాంక్షా తోరణాలతో
ఏ విప్లవాలూ సాధించలేరు
తలాక్ తలాక్ అంటూ కాశ్మీర్ కాశ్మీర్ అంటూ రామ రామ అంటూ మందిరం మందిరం అంటూ
చివరికి మీ రిజర్వేషన్లు కాకులకూ గద్దలకూ వేసి అన్నీ మూసుకోని పడుకొమ్మంటాడు వాడు
ఎవరి ఒంటి మీద గాట్లు వారు చూసుకుంటూ తెలివితెచ్చుకునే లోగానే విషం మింగేస్తుంది
అప్పుడేం చేస్తారు?
మీ ఖాళీ ఖాళీ చేతులతో గొంతులతో కాళ్ళతో కలలతో మీరు చివరకు మీలోని లోపాలతో కూడా యుద్ధం చేయలేరు..ఐదేళ్ళకోసారి ఓటు మాత్రం వేస్తారు.
This post was last modified on September 6, 2019 8:23 pm
Revanth Reddy: సీఎం రేవంత్ రెడ్డి తెలంగాణ సచివాలయంలో అధికారులతో సమీక్ష సమావేశం నిర్వహించారు. మంత్రులు ఉత్తమ్ కుమార్ రెడ్డి,… Read More
Blink OTT: తెలుగులో దసరా మూవీ బ్లాక్ పాస్టర్ హిట్ టాక్ను అందుకున్న సంగతి మన అందరికీ తెలిసిందే. నాచురల్… Read More
Megalopolis: ఓ సినిమా కోసం డైరెక్టర్లు ఏడాది లేదా రెండు సంవత్సరాలు తీసుకోవడం మనం చూస్తూనే ఉన్నాం. జక్కన్న లాంటి… Read More
Zee Mahotsavam OTT: తెలుగు టెలివిజన్ పరిశ్రమలో ప్రేక్షకులకు వినోదం పంచుతూ అగ్రగామిగా నిలుస్తున్న చానల్లో జీ తెలుగు కూడా… Read More
Dakshina Trailer: కబాలి మూవీ తో మంచి గుర్తింపును సంపాదించుకున్న నటి సాయిధన్నిక. ఈ మూవీలో రజనీకాంత్ కూతురుగా యాక్షన్… Read More
Aquaman And The Lost Kingdom OTT: హాలీవుడ్ యాక్షన్ థ్రిల్లర్ మూవీ ఆక్వామాన్ అండ్ ద లాస్ట్ కింగ్డమ్… Read More
Maya Petika OTT: థియేటర్లలో రిలీజ్ అయిన సుమారు 11 నెలల అనంతరం మరో ఓటిటిలోకి వస్తుంది పాయల్ రాజ్… Read More
Allagadda: నంద్యాల జిల్లా ఆళ్లగడ్డలో టీడీపీ మాజీ మంత్రి భూమా అఖిలప్రియ అనుచరుడు నిఖిల్ పై హత్యాయత్నం జరిగింది. మంగళవారం అర్ధరాత్రి… Read More
EC: ఏపీలో పోలింగ్ ముగిసినప్పటికీ పలు చోట్ల హింసాత్మక ఘటనలు చేలరేగాయి. తాడిపత్రి, చంద్రగిరి, మాచర్ల, నరసరావుపేట ప్రాంతాల్లో ఇప్పటికీ… Read More
Comedian Srinu: జబర్దస్త్ కార్యక్రమం ద్వారా ఎంతోమంది కమెడియన్స్ మరియు హీరో అదే విధంగా హీరోయిన్ కూడా అయ్యారు. అలా… Read More
Faima: జబర్దస్త్ కమెడియన్ ఫైమా మనందరికీ సుపరిచితమే. మొదట ఈ బ్యూటీ ఈటీవీ ప్లస్ లో ప్రసారం అయినా పటాస్… Read More
Kajal Agarwal: స్టార్ హీరోయిన్ కాజల్ అగర్వాల్ గురించి ప్రత్యేకంగా చెప్పక్కర్లేదు. ఈ బ్యూటీ ఇప్పటికే అనేక మంది స్టార్… Read More
OTT: 30 వెడ్స్ 21 అనే యూట్యూబ్ సిరీస్ తో పాపులర్ అయిన చైతన్య రావ్ మనందరికీ సుపరిచితమే. ఈయన… Read More
Sri Sathya: ప్రెసెంట్ ఉన్న సినీ తారలు కారులు కొనుగోలు చేయడంపై బిజీ అయిపోయారు. చిన్న యాక్టర్ పెద్ద యాక్టర్… Read More
NTR: ఆర్ఆర్ఆర్ మూవీతో గ్లోబల్ స్టార్ గా గుర్తింపు సంపాదించుకున్న యంగ్ టైగర్ ఎన్టీఆర్.. ప్రస్తుతం పలు క్రేజీ ప్రాజెక్టులతో… Read More