Anchor Pradeep : యాంకర్ ప్రదీప్ ఆరోగ్యం గురించి సంచలన వ్యాఖ్యలు చేసిన సుడిగాలి సుధీర్.. ఇంత దారుణమా ?

Anchor Pradeep : ప్రదీప్ మాచిరాజు ఈ పేరు గురించి తెలియని వారు ఎవరూ ఉండరు. బుల్లితెర యాంకర్ గా తన ప్రస్థానాన్ని కొనసాగిస్తూ వరుస అవకాశాలతో దూసుకు పోతున్నాడు. బుల్లితెర యాంకర్ లలో మోస్ట్ వాంటెడ్ యాంకర్ గా పేరు సంపాదించుకున్న ప్రదీప్ కేవలం బుల్లితెరకు మాత్రమే పరిమితం కాకుండా వెండితెరపై పలు చిత్రాలలో నటిస్తూ మంచి గుర్తింపును సంపాదించుకున్నాడు. ఈ నేపథ్యంలోనే హీరోగా అవకాశం రావడంతో మరొకసారి వెండితెరపై హీరోగా ఎంట్రీ ఇవ్వబోతున్నాడు.

కెరీర్ మొదట్లో ఒక రేడియో జాకీగా తన కెరియర్ ను ప్రారంభించిన ప్రదీప్ ఆ తర్వాత జీ తెలుగులో ప్రసారమయిన ఒక గేమ్ షో ద్వారా యాంకర్ గా తన ప్రస్థానం మొదలు పెట్టాడు. అప్పటి నుంచి వరుస అవకాశాలు రావడంతో ప్రస్తుతం టాప్ రేంజ్ లో కొనసాగుతున్నాడు. ప్రదీప్ నటించిన అత్తారింటికి దారేది, 100% లవ్, జులాయి, వంటి సినిమాలలో నటించి మరికొంత గుర్తింపును సంపాదించుకున్నాడు.

ఎంతో మంచి గుర్తింపును సంపాదించుకున్న ప్రదీప్”30 రోజుల్లో ప్రేమించడం ఎలా”? అనే సినిమా ద్వారా హీరోగా పరిచయం కానున్నారు. మున్నా అనే కొత్త డైరెక్టర్ తెరకెక్కించిన ఈ సినిమా విడుదల కాకముందే ఈ సినిమాలో “నీలి నీలి ఆకాశం”అనే పాట రికార్డు స్థాయిలో సంచలనం సృష్టించిదని చెప్పవచ్చు. అనూప్ రూబెన్స్ సంగీతం సమకూర్చిన ఈ పాటకు ఎంతో మంది ఫిదా అయ్యారు.

ఈ సినిమాలో ప్రదీప్ సరసన అమృత అయ్యర్ నటించారు. ఈ చిత్రం జనవరి 29 న ప్రపంచవ్యాప్తంగా విడుదల కావడంతో ఈ మూవీ ప్రమోషన్ లో భాగంగా చిత్ర బృందం మంగళవారం రాత్రి ఫ్రీ రిలీజ్ ఈవెంట్ ను నిర్వహించారు. దీనికి ఎంతో మంది గెస్ట్ లు వచ్చారు.ఈ వేడుకకు హాజరైన జబర్దస్త్ సుడిగాలి సుధీర్ మాట్లాడుతూ ప్రదీప్ ఆరోగ్యం గురించి కొన్ని సంచలన వ్యాఖ్యలు చేశారు. అతడి ఆరోగ్య సమస్య వల్ల ఎంతో బాధపడుతున్నాడని తెలియజేస్తూ కొంత ఎమోషనల్ అయ్యారు.

ప్రీ రిలీజ్ ఈవెంట్ లో సుడిగాలి సుదీర్ మాట్లాడుతూ… ప్రదీప్ ఈ సినిమా కోసం ఎంతగానో కష్టపడ్డాడు.కేవలం సినిమా కోసం మాత్రమే కాకుండా తాను చేసే ప్రతి షో ద్వారా అందరినీ నవ్వించడం కోసం తన బాధను సైతం పక్కనపెట్టి నటిస్తుంటాడు. అతని ఆరోగ్య సమస్య వల్ల సరిగా కూర్చో లేడు, నిలబడలేదు.దీనికితోడు ప్రదీప్ చేసే ప్రతి షో కూడా ఎక్కువసేపు నిలబడి చేయాల్సి ఉంటుంది అంటూ తన ఆరోగ్యం గురించి మాట్లాడుతూ సుడిగాలి సుదీర్ కొంతవరకు ఎమోషన్ అయ్యాడు.