Rajinikanth: ప్రస్తుత కాలంలో సోషల్ మీడియా హడావిడి ఎంత పెరిగిపోయిందో మనందరం చూస్తూనే ఉన్నాం. ఎక్కడెక్కడి వారినో సోషల్ మీడియాలో వైరల్ చేస్తూ సంతృప్తి పొందుతున్నారు. ఈ క్రమంలోనే సినిమాలలో చైల్డ్ ఆర్టిస్టులుగా నటించిన నటీనటులు బయటికి వస్తున్నారు. వారు ఆ సినిమాలో చైల్డ్ ఆర్టిస్ట్ గా నటించారా? అని ఆలోచించే ప్రేక్షకులకు ఎస్ నటించారు అని సమాధానం చెబుతుంది సోషల్ మీడియా. సోషల్ మీడియా కారణంగా కొందరు బాగుపడుతుంటే మరి కొందరు మాత్రం ఘోరంగా చెడిపోతున్నారు. దీని ద్వారా అనేక బోల్డ్ కంటెంట్ కూడా షేర్ అవుతుంది.
మంచిని పంపిస్తే ఎవ్వడు చూడడు. అదే ఏదైనా ఒక బోల్డ్ సినిమా వస్తే చాలు ఆ సినిమాలోని సీన్స్ ను సోషల్ మీడియాలో ఫుల్ హైలెట్ చేస్తున్నారు. అదేవిధంగా ఎప్పుడో పూర్వకాలంలో సినిమాలలో నటించిన నటీనటులు ఇప్పుడు ఎలా ఉన్నారో చూపిస్తూ సందడి చేస్తున్నారు. సోషల్ మీడియాలో కొన్ని ఫోటోలు అందరి కళ్ళను ఆకర్షిస్తాయి. మరీ ముఖ్యంగా సినిమా స్టార్ల చిన్ననాటి ఫోటోలు అయితే అవి బీభత్సంగా వైరల్ అవుతూ ఉంటాయి. ఇప్పుడున్న హీరోలు చిన్నప్పుడు ఎలా ఉన్నారో గుర్తు పట్టలేనంతగా ఈ ఫోటోలు ఉంటాయి.
ప్రస్తుతం ఫిలిమ్ ఇండస్ట్రీలో ఉన్న చాలామంది స్టార్ హీరోలు ఒకప్పుడు చైల్డ్ ఆర్టిస్టులుగా పెద్ద హీరోల సినిమాల్లో నటించారు. ఈ విషయంలో సౌత్ ఫిలిం ఇండస్ట్రీ, నార్త్ ఫిలిం ఇండస్ట్రీ అనే తేడా లేకుండా సినిమాల్లో నటించారు. అదేవిధంగా బాలీవుడ్ కి చెందిన ఓ స్టార్ హీరో సౌత్ సూపర్ స్టార్ రజినీకాంత్ సినిమాలో చైల్డ్ ఆర్టిస్ట్ గా నటించి ప్రస్తుతం సోషల్ మీడియాలో ఫుల్ అవుతున్నాడు. హిందీ చిత్ర పరిశ్రమలో ప్రముఖ నటుడైన ఆ హీరో చిన్నతనంలో రజనీకాంత్ తో కలిసి నటించాడు. మరి అతను ఎవరు కాదు హృతిక్ రోషన్. 1986లో రజనీకాంత్ నటించిన భగవాన్ దాదా చిత్రంలో బాల నటుడుగా కనిపించాడు హృతిక్. ఆ సినిమాలో హీరోయిన్గా అప్పటి అందాల తార శ్రీదేవి నటించింది.
ఇక ఈ సినిమాలోని సన్నివేశానికి సంబంధించిన ఓ ఫోటో వైరల్ అవుతుంది. అందులో హృతిక్ చైల్డ్ ఆర్టిస్ట్ గా నటించిన విషయం ఇప్పుడు అందరిని ఆశ్చర్య పరుస్తుంది. ఈయన తండ్రి లోకేష్ రోషన్ నిర్మించిన ఈ చిత్రంలో రజనీకాంత్ మరియు శ్రీదేవితో పాటు పలువురు ప్రముఖ నటీనటులు కూడా నటించారు. ఇక అప్పట్లో ఈ సినిమా సూపర్ హిట్గా నిలిచింది. అటువంటి సినిమాలో ఓ చైల్డ్ ఆర్టిస్ట్ గా నటించాడు హృతిక్. ప్రస్తుతం ఇందుకు సంబంధించిన ఫోటోలు సోషల్ మీడియాలో ఫుల్ వైరల్ అవుతున్నాయి. ఈ ఫోటోలను చూసిన వారంతా..” నిజంగా హృతిక్ నా? అస్సలు గుర్తుపట్టలేకపోతున్నాం. అయినా చిన్నప్పుడు చాలా బుద్ధిమంతుడు లాగా ఉన్నావేంటి బ్రో. ఏ మాటికి ఆ మాట రజినీకాంత్ మరియు హృతిక్ కాంబినేషన్ సూపర్ ఉంది. ప్రస్తుత కాలంలో కూడా వీరిద్దరూ కలిసి సినిమా చేస్తే బాగుంటుంది ” అంటూ కామెంట్స్ చేస్తున్నారు.