Mamagaru today episode November10 2023 episode 53: ఇన్ని రోజులు కోడలు గురించి ఆలోచించే వాళ్లను ఉద్యోగాలకు పంపించలేదు దేవమ్మ ఎలాగో వాళ్ళు చెప్తే వినడం లేదు కాబట్టి రేపటి నుంచి ఉద్యోగాలకు వెళ్ళమని చెప్తాను అని చంగయ్య అంటాడు. నిజమా అండి నాకైతే నమ్మబుద్ధి కావట్లేదు అని దేవమ్మ అంటుంది. నిజం దేవమ్మ అని చoగయ్య అంటాడు. కట్ చేస్తే ఇంతలో తెల్లవారింది గంగ పూజ చేసి అందరికీ హారతిస్తుంది, వసంత అక్క రాలేదేంటి అని చూసి వసంత రాగానే అక్క హారతి తీసుకో అని అంటుంది. నా చేతులు ఖాళీగా లేవు గంగా అని వెళ్ళిపోతుంది వసంత.కట్ చేస్తే వసంత పెరట్లో బట్టలు ఆరేస్తుంది. శ్రీలక్ష్మి గంగ వచ్చి అక్క ఈరోజు మనo మామయ్య గారిని ఉద్యోగాలు చేయడానికి పర్మిషన్ ఇస్తాడో లేదో అడుగుదాం రా అని శ్రీలక్ష్మి అంటుంది. నాకు ఏ ఉద్యోగం అవసరం లేదు నేను మామయ్య గారిని అడగను అని వసంత అంటుంది.
అదేంటి అక్క అలా అంటావు మన ముగ్గురం అనుకొనే కదా మామయ్య గారు ఒప్పించాము అని గంగా అంటుంది. మన ముగ్గురం అనే మాటల్లో అంటే సరిపోదు గంగా చేతల్లో కూడా చూపించాలి అని వసంత కోపంగా ఉంటుంది. గంగా మనిద్దరం వెళ్ళీ అడుగుదాం రా అని శ్రీలక్ష్మి తీసుకొని వెళుతుంది. మామయ్య గారు మేము ఉద్యోగాలకి వెళ్లొచ్చా అని శ్రీలక్ష్మి అంటుంది. వెళ్లండమ్మా నేనెందుకు మిమ్మల్ని వద్దు అంటాను అని చంగయ్య అంటాడు. నిజమా మామయ్య గారు మీరు మమ్మల్ని ఉద్యోగాలు చేసుకోమంటున్నారా అని గంగా సంతోషంతో అంటుంది. అవునమ్మా ఉద్యోగాల కోసం ధర్నాలు చేశారు నిరాహార దీక్షలు చేశారు బాధ పెట్టారు ఇంకా మిమ్మల్ని ఎందుకు ఆపుతాను అని చంగయ్య అంటాడు. అంటే మామయ్య గారు మా బాధ నీకు అర్థం కావాలని అలా చేశాము అని గంగా అంటుంది. నీ బాధ తెలియడానికి నన్ను బాధ పెడతారని తెలియదమ్మా నాకు సరే ఇవన్నీ ఎందుకు మీరు డ్యూటీ చేసుకోండి అని చెంగయ్య అంటాడు.
థాంక్స్ మామయ్య అని వాళ్ళు వెళ్ళిపోతుండగా. ఒక్క నిమిషం గంగా మీరు వెళ్లేటప్పుడు అగ్రిమెంట్స్ మీద సంతకం పెట్టి వెళ్లండి అని చంగయ్య అంటాడు. అగ్రిమెంట్ ఏంటి మామయ్య గారు అని గంగా అంటుంది. మీరు ఉద్యోగాలకు వెళితే అక్కడ అగ్రిమెంట్ మీద సంతకం పెడతారు కదా ఆఫీసులో కొన్ని రూల్స్ రెగ్యులర్సు ఉంటాయి కదా అలాగే ఇది కూడా అని చంగయ్య అంటాడు. మామయ్య గారు ఆఫీసు కాబట్టి దాని రూల్స్ ఫాలో కావాలి కాబట్టి సంతకం పెడతాము ఇక్కడ ఎందుకు సంతకం పెట్టాలి మామయ్య గారు అని గంగా అడుగుతుంది. గంగా ఎందుకు అంత ఇబ్బంది పడతావు ఆ లెటర్ ఏదో చదువు ఇక్కడే చదివి సంతకం పెడదాము అని శ్రీలక్ష్మి అంటుంది. చూడమ్మా శ్రీలక్ష్మి ఇక్కడ చదివి పెట్టడం కాదు బాగా ఆలోచించుకోండి అని చoగయ్య అంటాడు. అంతగా ఆలోచించుకొని సంతకం పెట్టడానికి దీంట్లో ఏముంది మామయ్య గారు అని గంగా అడుగుతుంది.
అందుకే దీని బాగా చదువుకొని అర్థం చేసుకుని సంతకం పెట్టి తెచ్చి ఇచ్చి మీరు డ్యూటీలోకి వెళ్ళండి అమ్మ అని చoగయ్య అంటాడు. కట్ చేస్తే,ఆ లెటర్ చదివి బలే ఫిట్టింగ్ పెట్టారు మామయ్య గారు ఉద్యోగాలు చేయాలంటే అగ్రిమెంట్ మీద సంతకం పెట్టాలి ఎవరు తప్పు చేసినా ఇంట్లో నుంచి వెళ్లిపోవాలిఅంటున్నాడు, ఇప్పుడు ఎలా ఏం చేద్దాం అని ఆలోచిస్తూ ఉంటారు. వసంత అక్క దగ్గరికి వెళ్లి ముందు సంతకం పెట్టిద్దాము అని శ్రీలక్ష్మి అంటుంది.ఆ లెటర్ తీసుకువెళ్లి వసంతకి ఇస్తారు. అది చదివి ఈ లెటర్ కి మా ఆవిడకి సంబంధం ఏంటి అని సుధాకర్ అంటాడు. అదేంటి అన్నయ్య వాళ్లు ముగ్గురు అనుకున్నారు కదా ఉద్యోగాలకు వెళ్లాలని ముందు వాళ్ళని ఉద్యోగాలకు పంపిద్దాం అన్నయ్య అని గంగాధర్ అంటాడు.
అయినా నాతో ఏం పని మీకు మీరు ఉద్యోగాలు చేయాలి కాబట్టి మీరు సంతకాలు పెట్టుకోండి నేను పెట్టను అని వసంత అంటుంది. అదేంటి అక్క అలా అంటావు మనం ఎంతో కష్టపడి మామయ్య గారు నొప్పించాo కదా ఇప్పుడు ఇలా మాట్లాడుతావ్ ఏంటి అని గంగా అంటుంది. ఇంటికి పెద్ద కోడలు అని పేరే కానీ గౌరవం ఎక్కడుంది గంగ పొదుపు సంఘం డబ్బులు నువ్వు తీసుకొని వెళ్ళిపోయావు కానీ ఒక్క మాట నాతో చెప్పావా అని వసంత అంటుంది. అంటే అక్క నాన్న గారికి బాగోలేదని వెళ్ళిపోయాను ఏదో టెన్షన్లో అని గంగా అంటుంది.
హడావుడిలో వెళ్ళిపోయావు సరే డబ్బులు కట్టాకైనా టెన్షన్ తగ్గింది కదా అప్పుడైనా ఫోన్ చేసి ఒక మాట చెప్పావా ఎందుకు గంగా లేని ప్రేమ నటిస్తారు, మీకు రెడీగా ఉద్యోగాలు ఉన్నాయి కాబట్టి మీరు వెళ్తారు నేను చూసుకోవాలి వెళ్లాలి అయినా ఉద్యోగం ఏం చేయను నాకు అవసరం లేదు గంగా నేను సంతకం పెట్టను అని వసంత తెగేసి చెబుతుంది. నీకు సంబంధం లేని డబ్బులు అలా ఎలా తీసుకుంటావు గంగ మీ ఇద్దరికీ డబ్బులు ముట్టాయి కాబట్టి ఇలా మాట్లాడుతున్నారు, అయినా నాన్న పెట్టిన కండిషన్లకు మేమెందుకు రా ఒప్పుకోవాలి అని సుధాకర్ అంటాడు..