Super Star Krishna: సూపర్ స్టార్ కృష్ణ… తేనె మనసులు సినిమా ద్వారా చిత్ర పరిశ్రమకి పరిచయమైన సంగతి తెలిసిందే. ఇక ఈ సినిమా దర్శకుడు అదుర్తి అబ్బారావు ఈ సినిమాని తెరకెక్కించారు. కృష్ణ, రామ్మోహన్ ఇద్దరు ఈ సినిమాలో కథానాయకులుగా నటించారు. ఇక ఈ సినిమాలో అందరూ కొత్తవారే కావడం విశేషం. కొత్తవారిని తీసుకోవడం కూడా ఒక వార్త ప్రకటన ఇచ్చి అందులో వచ్చిన ఫోటోల్లో కొంతమందిని సెలెక్ట్ చేసి వాళ్ళని తీసుకున్నారు డైరెక్టర్. ఇక అతనికి సహాయ దర్శకుడిగా పని చేసిన కే విశ్వనాధ్ కృష్ణ కి మేకప్ వేయించి ఫోటో తీసిన సంగతి కొంతమందికి మాత్రమే తెలుసు. ఇక అప్పట్లో మూగమనసులు సినిమా విడుదలై పెద్ద విజయం సాధించింది. కృష్ణ తెనాలి లో ఉంటూ ఈ సినిమా చూసి చాలా బాగుంది. పనిచేస్తే అటువంటి దర్శకుడితో పని చేయాలని అనుకున్నారు.
ఇక అదే సమయంలో బాబు మూవీస్ వారు వార్త పత్రికలో ఒక పెద్ద ప్రకటన ఇచ్చారు. తేనె మనసులు సినిమాని కొత్త వాళ్లతో తీయాలని అనుకుంటున్నామని.. అందుకు ఫోటోలని పంపాలని.. ఎవరిని ప్రత్యక్షంగా వద్దని ఆ ప్రకటన లో ఉంటుంది. ఇక చాలామందితో పాటు కృష్ణ కూడా తన ఫోటోలను పంపించారు. అలా సెలెక్ట్ అయిన వారిలో కృష్ణతోపాటు రామ్మోహన్ కూడా ఉన్నారు. సినిమా మొదలు పెట్టేముందు తేనె మనసులు సినిమా కోసం సెలెక్ట్ అయినా నటీనటులు అందరు చేత రిహాసల్స్ చేయించారు. కృష్ణకి రామ్మోహన్ కి డాన్సులు కూడా నేర్పించారు. అలా ఆ సినిమా చిత్రీకరణకు వెళ్లేముందు అందరి కి శిక్షణ ఇచ్చారు. సినిమా చిత్రీకరణ ముందు గా నలుపు, తెలుపులో తీశారు.
కానీ డైరెక్టర్ అబ్బారావు తరువాత ఆలోచించి కొత్త వాళ్లతో తీస్తున్నాం కాబట్టి.. ఖర్చు ఎక్కువ వద్దు అని మొదటి తీసిన నాలుగు రీళ్లు పక్కన పెట్టేసి.. మళ్లీ మొదటి నుంచి చిత్రీకరణ చేపట్టారు. చిత్రీకరణ ప్రారంభం అయిన తరువాత కృష్ణ కన్నా.. రామ్మోహన్ బాగా చేస్తున్నారని ప్రచారం జరిగింది. కానీ సెట్ లో అవేమీ పట్టించుకోకుండా అందరూ కలిసిమెలిసి సంతోషంగా ఉండేవారు. సినిమా పూర్తయిన అనంతరం చాలా అంచనాల మధ్య 1965 మార్చ్ 31న విడుదలైంది. ఇక సినిమా మొదటి రోజు నుంచి మంచి టాక్ రావడంతో ఇది 100 రోజులు ఆడుతుందని చెప్పేశారు.
అలాగే సినిమా కూడా గొప్ప విజయం సాధించింది. కృష్ణతో పాటు రామ్మోహన్ కి కూడా మంచి పేరు దక్కింది. కానీ ఇందులో తర్వాత రామ్మోహన్ అంతగా నిలదొక్కుకోలేకపోయాడు. కృష్ణ మాత్రం సూపర్ స్టార్ అయ్యాడు. కానీ తనతో మొదటి సినిమా చేసిన రామ్మోహన్ ని కృష్ణ ఎప్పుడు గుర్తు పెట్టుకుని తాను చేసిన చాలా సినిమాలలో రామ్మోహన్ కి ఒక ప్రధానమైన పాత్ర ఇచ్చి అతను నిలదొక్కుకునేందుకు సహాయపడ్డాడు. అలాగే అది తనకి ఆర్థికంగా స్థాయి పడడానికి ఎంతో సహాయం చేశారు. వాళ్లందరూ మొదటి సినిమాలో ఎంత స్నేహంగా ఉండేవారు అలాగే ఎన్నో సంవత్సరాలు వారి స్నేహం అలానే కొనసాగింది. అలా ముందుగా రామ్మోహన్ కి మంచి పేరుతో ప్రచారం జరిగినప్పటికీ సినిమా విడుదలైన అనంతరం మాత్రం కృష్ణకి సూపర్ స్టార్ గా పేరు వచ్చింది.