RRR:ఎన్టీఆర్ ఫ్యాన్స్ ఇంత అరాచకంగా ఉంటారా..! అని ప్రస్తుతం సోషల్ మీడియాలో వార్తలు వస్తున్నాయి. అభిమానం అంటే ఓ హద్దుంటుంది. కానీ, అది ఆయన అభిమానులకు తెలీదంటున్నారు. ఆర్ఆర్ఆర్ సినిమా కోసం ప్రపంచ వ్యాప్తంగా అందరూ ఎంతో ఆతృతగా ఎదురు చూస్తున్నారు. ఈ నెల 25న భారీ స్థాయిలో రిలీజ్ కాబోతున్న ఈ సినిమా ప్రమోషన్స్ నాన్ స్టాప్‌గా సాగుతున్నాయి. దీనికోసం హీరోలు ఎన్టీఆర్ – చరణ్ కలిసి దర్శకుడు రాజమౌళితో పలు ప్రాంతాలలో పర్యటిస్తున్నారు.
ఇక ఈ సినిమా కోసం చరణ్, తారక్ చాలా సమయం కేటాయించారు. కరోనా వల్ల ఎక్కువ ఆలస్యం అయిన ప్పటికీ సినిమా అద్భుతమని మేకర్స్ చెప్పుకుంటున్నారు. ఇక ప్రతి సన్నివేశంలో ఎన్టీఆర్, చరణ్ లను ఎంత గొప్పగా రాజమౌళి చూపించారో ట్రైలర్ చూస్తేనే అర్థమవుతుంది. తారక్‌ను తన పాత్రలో ఓ పులి లాగా రాజమౌళి చూపించినట్లు ఇప్పటికే అందరికీ అర్థమైంది. ఇదిలా ఉంటే, యూఎస్‌లో ఇప్పటికే చరణ్, తారక్ అభిమానులు ఆర్ఆర్ఆర్ సినిమాను వీర లెవల్లో ప్రమోట్ చేస్తున్నారు.
RRR: ఇదంతా పాన్ ఇండియన్ సినిమా ఆర్ఆర్ఆర్ క్రేజ్.
ఇంకా వారి అభిమానం కొనసాగుతూనే ఉంది. ఎన్టీఆర్ అభిమానులు తాజాగా టెక్సాస్ లో ఓ బిల్ బోర్డ్ డిస్ ప్లేను ఏర్పాటు చేసి సర్‌ప్రైజ్ చేయడం ఇప్పుడు ఆసక్తికరంగా మారింది. జూ.ఎన్టీఆర్ పోస్టర్ తో పాటుగా సీనియర్ ఎన్టీఆర్ ఫోటోను డిస్ ప్లే చేసి ఎన్టీఆర్ మీద తమకు ఉన్న అభిమానాన్ని చాటుకున్నారు. గతంలో ఎప్పుడూ ఏ సినిమాకు అభిమానులు ఈ విషయంగా చేసింది లేదు. ఇదంతా పాన్ ఇండియన్ సినిమా ఆర్ఆర్ఆర్ క్రేజ్ అని చెప్పుకుంటున్నారు. ఇక ప్రభాస్ మాదిరిగా ఎన్టీఆర్, చరణ్‌లను ఈ సినిమాతో పాన్ ఇండియన్ స్టార్స్ గా రాజమౌళి చేసేసినట్టే.