Ramya Krishnan: సీనియర్ స్టార్ బ్యూటీ రమ్యకృష్ణ గురించి కొత్తగా పరిచయాలు అక్కర్లేదు. 90వ దశకంలో అగ్ర హీరోయిన్ గా ఓ వెలుగు వెలిగిన తారల్లో రమ్యకృష్ణ ఒకరు. దశాబ్దం కాలం పాటు తెలుగు, తమిళ, కన్నడ, మలయాళం, హిందీ భాషల్లో కథానాయికగా బ్యాక్ టు బ్యాక్ సినిమాలు చేస్తూ రమ్యకృష్ణ తన కెరీర్ ను పరుగులు పెట్టించారు. అగ్ర హీరోలందరితో స్క్రీన్ షేర్ చేసుకున్నారు. హీరోయిన్ గా ఫేడ్ అవుట్ అయిన తర్వాత సహాయక పాత్రలను పోషిస్తూ ప్రేక్షకులను అలరిస్తున్నారు.
అయితే నటిగా దాదాపు మూడు దశాబ్దాల నుంచి రాణిస్తూ చిత్ర పరిశ్రమంలో తనదైన ముద్ర వేసిన రమ్యకృష్ణ.. తాజాగా ఓ ఇంటర్వ్యూలో కాస్టింగ్ కౌచ్ పై షాకింగ్ కామెంట్ చేశారు. ఫిల్మ్ ఇండస్ట్రీలో కాస్టింగ్ కౌచ్ అనేది అతిపెద్ద సమస్య. సినిమా అవకాశాల పేరుతో హీరోయిన్లను పడకగదికి పిలిపించుకునే ప్రక్రియనే క్యాస్టింగ్ కౌచ్ అంటారు. ఇప్పటికే ఎందరో హీరోయిన్లు, నటీమణులు తాము కాస్టింగ్ కౌచ్ బాధితులమే అంటూ గళం విప్పారు. ఇండస్ట్రీలో ఎదుర్కొన్న చేదు అనుభవాలను నిర్భయంగా బయటపెట్టారు.
తాజాగా కాస్టింగ్ కౌచ్ పై సీనియర్ నటీమణి రమ్యకృష్ణ కూడా మాట్లాడారు. `సినీ పరిశ్రమలోనే కాదు అన్ని రంగాల్లోనూ కాస్టింగ్ సమస్య ఉంది. అయితే సెలబ్రిటీలే ఎక్కువగా తెరపైకి రావడంతో అందరూ సినిమా ఇండస్ట్రీ గురించే ఎక్కువగా మాట్లాడుకుంటున్నారు. అయినా సినిమాల్లో స్టార్ గా ఎదగాలంటే హీరోయిన్లు కొన్ని సార్లు సర్దుకుపోవాల్సిందే` అంటూ రమ్యకృష్ణ చెప్పుకొచ్చారు. దర్శక-నిర్మాతలు లేదా హీరోల కోరిక హీరోయిన్లు తీర్చాల్సిందే.. లేదంటే కెరీర్ ఉండదని రమ్యకృష్న పరోక్షంగా చెప్పడం అందరినీ ఆశ్చర్యానికి గురి చేసింది. నిజంగా సినీ పరిశ్రమలో అటువంటి గడ్డు పరిస్థితులు ఉన్నాయా అంటూ నెటిజన్లు సోషల్ మీడియా వేదికగా చర్చలు మొదలు పెట్టారు. కాస్టింగ్ కౌచ్ గురించి రమ్యకృష్ణ చేసిన వ్యాఖ్యలపై ఒక్కొక్కరు ఒక్కో రకంగా స్పందిస్తున్నారు.
కాగా, సినిమాల విషయానికి వస్తే.. రమ్యకృష్ణ గత కొన్నేళ్ల నుంచి బలమైన సహాయక పాత్రలను ఎంచుకుంటూ ఫుల్ స్వింగ్ లో దూసుకుపోతున్నారు. ఇటీవల తెలుగులో రమ్యకృష్ణ గుంటూరు కారం మూవీతో ప్రేక్షకులను పలకరించారు. మాటల మాంత్రికుడు త్రివిక్రమ్ శ్రీనివాస్ డైరెక్ట్ చేసిన ఈ ఫ్యామిలీ అండ్ యాక్షన్ ఎంటర్టైనర్ లో సూపర్ స్టార్ మహేష్ బాబు హీరోగా నటించాడు. యంగ్ సెన్సేషన్ శ్రీలీల, మీనాక్షి చౌదరి హీరోయిన్లుగా చేశారు. సంక్రాంతి కానుకగా విడుదలైన గుంటూరు కారం యావరేజ్ టాక్ ను తెచ్చుకుంది. అయితే ఫెస్టివల్ అడ్వాంటేజ్ తో గుంటూరు కారం సినిమా బాక్సాఫీస్ వద్ద మంచి వసూళ్లను రాబట్టింది. ఈ సినిమాలో మహేష్ బాబుకు తల్లిగా వైరా వసుంధర పాత్రలో రమ్యకృష్ణ అలరించారు. అలాగే గత తేడాది సూపర్ స్టార్ రజనీకాంత్ కు భార్యగా జైలర్ మూవీలో నటించి బిగ్ హిట్ ను ఖాతాలో వేసుకున్నారు. ప్రస్తుతం రమ్యకృష్ణ తెలుగు తమిళ భాషల్లో పలు క్రేజీ ప్రాజెక్ట్ లలో భాగం అయ్యారు. అలాగే బుల్లితెరపై టీవీ షోలు మరియు సీరియల్స్ చేస్తూ బిజీ నటిగా సత్తా చాటుతున్నారు.