RRR: లండన్ లోని బిగ్గెస్ట్ ఐమాక్స్ స్క్రీన్ మీద జక్కన్న ఆర్ఆర్ఆర్ సినిమాను ప్రదర్శించబోతున్నారు. మార్చి నెలలో భారీ పాన్ ఇండియా సినిమా సందడి భారీ స్థాయిలో ప్రారంభం కానుంది. మరి కొన్ని రోజుల్లో వీటి హంగామా పతాక స్థాయికి చేరబోతోంది. మార్చి 11వ తేదీన ‘రాధేశ్యామ్’ రిలీజ్ అవుతుండగా.. ఈ సినిమా రిలీజైన రెండు వారాల తరువాత టాలీవుడ్ దర్శక ధీరుడు ఎస్ ఎస్ రాజమౌళి రూపొందిస్తున్న ‘ఆర్ఆర్ఆర్’ అత్యంత భారీ స్థాయిలో రిలీజ్ కాబోతోంది. ఎన్.టి.ఆర్, రామ్ చరణ్ హీరోలుగా నటించిన ఈ భారీ మల్టీస్టారర్ మార్చి 25న ప్రపంచ వ్యాప్తంగా 14 భాషలలో రిలీజ్ అవుతోంది. ఇక ఈ మూవీ ప్రమోషన్స్ను భారీగా మళ్ళీ నిర్వహించబోతున్నారు.
ఇక ఇప్పటికే ‘రాధేశ్యామ్’ మూవీ ప్రమోషన్స్ చాలా కొత్త తరహాలో మొదలయ్యాయి. ముంబైలో ఈ మూవీ ప్రమోషన్స్ మొదలుపెట్టిన ప్రభాస్ టీమ్ ఈ 10 రోజులు భారీ స్థాయిలో నిర్వహించబోతున్నారు. మార్చిలో ‘రాధేశ్యామ్’, ‘ఆర్ఆర్ఆర్’ సినిమాలదే మొత్తం హడావుడి మొత్తం. దాదాపు రెండేళ్ళ తర్వాత మళ్ళీ బాక్సాఫీస్ వద్ద సందడి మొదలైంది. ఈ రెండేళ్ళలో ఇండస్ట్రీ వేల కోట్ల నష్టాన్ని చూడాల్సి వచ్చింది. మళ్ళీ ఇప్పుడిప్పుడే చిత్ర పరిశ్రమకు పూర్వ వైభవం రాబోతోంది. ఇక రాజమౌళి సినిమా అంటే ప్రపంచ వ్యాప్తంగా ఉండే ఆసక్తి వేరే లెవల్. మార్చి 25న రిలీజ్ అయినప్పటికీ ఇప్పటి నుంచే ఆసక్తికరమైన చర్చలు మొదలయ్యాయి.
RRR: ఆర్ఆర్ఆర్ మూవీతో ఎలాంటి చరిత్ర సృష్ఠిస్తారో చూడాలి.
ఇక తాజాగా ఈ సినిమాకు సంబంధించిన మరో లేటెస్ట్ న్యూస్ వచ్చి సోషల్ మీడియాలో బాగా చక్కర్లు కొడుతూ వైరల్ అవుతోంది. లండన్ లోని బిగ్గెస్ట్ (ది బ్రిటీష్ ఫిల్మ్ ఇనిస్టిట్యూట్) బీఎఫ్ ఐ ఐమాక్య్ స్క్రీన్ మీద మన ‘ఆర్ఆర్ ఆర్’ ప్రిమియర్ షో ను ప్రదర్శించబోతున్నారట. ఇది బ్రిటన్లోనే ఉన్న ఉన్న ఏకైక బిగ్సెస్ట్ స్క్రీనింగ్ థియేటర్. ఇలా మన ఇండియా నుంచి లండన్ లోని బిగ్గెస్ట్ ఐమాక్స్ స్క్రీన్ మీద ప్రదర్శింపబడు తున్న మొదటి సినిమాగా ‘ఆర్ఆర్ఆర్’ రికార్డును క్రియేట్ చేయబోతుండటం గొప్ప విశేషం. ఇక ఈ మూవీలో ఆలియా భట్, ఓలివియా మోరీస్, అజయ్ దేవగన్, శ్రియ శరన్ తదితరులు నటిస్తున్నారు. బాహుబలి సిరీస్తో టాలీవుడ్లో కొత్త చరిత్ర సృష్ఠించిన రాజమౌళి ఇప్పుడు ఆర్ఆర్ఆర్ మూవీతో ఎలాంటి చరిత్ర సృష్ఠిస్తారో చూడాలి.