Guntur Kaaram: సూపర్ స్టార్ మహేష్ బాబు “గుంటూరు కారం” సంక్రాంతి పండుగకు థియేటర్లో భారీ ఎత్తున విడుదల అయింది. తెలుగు చలనచిత్ర రంగంలో సంక్రాంతి పండుగకు అత్యధిక థియేటర్లలో విడుదలైన సినిమాగా నిలిచింది. కానీ టాక్ పరంగా చూసుకుంటే.. “గుంటూరు కారం” మొదటి రోజే మిక్సడ్ టాక్ రావడం జరిగింది. మహేష్ బాబు సినిమాకి తన వంతుగా న్యాయం చేసిన గాని త్రివిక్రమ్ అశ్రద్ధగా సినిమా తీసినట్లు కామెంట్లు రావడం జరిగాయి. సినిమాలో ఎక్కడా త్రివిక్రమ్ పెన్ పవర్ కనబడలేదని మొదటి రోజే చాలామంది విమర్శలు చేయడం జరిగింది. కనీసం త్రివిక్రమ్ బుర్ర పెట్టి కూడా ఈ సినిమా చేయలేకపోయారని అంత అశ్రద్ధగా తీశారని ఆయనను అభిమానించే వాళ్ళు సైతం విమర్శలు చేశారు.
ఇదే త్రివిక్రమ్ గతంలో మహేష్ బాబుతో అతడు, ఖలేజా సినిమాలు చేయడం జరిగింది. ఆ రెండు సినిమాలు మహేష్ అభిమానులను ఎంతగానో ఆకట్టుకున్నాయి. ఆ తర్వాత 12 సంవత్సరాలు గ్యాప్ తీసుకుని “గుంటూరు కారం” చేయటంతో భారీ అంచనాలు పెట్టుకున్నారు. కానీ ఎక్కడ కూడా అంచనాలను అందుకోలేకపోవడం జరిగింది. తల్లి కొడుకు సెంటిమెంట్ పరంగా వచ్చిన ఈ సినిమా… సెంటిమెంట్ పరంగా కూడా ప్రేక్షకుల ఆదరణ దక్కించుకోలేకపోయింది. ఇదిలా ఉంటే ఈ సినిమాలో “కుర్చీ మడతపెట్టి” సాంగ్ సూపర్ డూపర్ హిట్ అయిన సంగతి తెలిసిందే. ఈ పాటలో మహేష్ స్టెప్పులు మాస్ ప్రేక్షకులను ఎంతగానో ఆకట్టుకున్నాయి.
గతంలో ఎన్నడూ లేని విధంగా ఫుల్ ఎనర్జీతో ఈ సాంగ్ లో మహేష్ చెలరేగిపోయారు. ఈ సాంగ్ రిలీజ్ అయిన నాటి నుండి యూట్యూబ్ లో అనేక సెన్సేషనల్ రికార్డులు క్రియేట్ చేస్తూ ఉంది. తాజాగా యూట్యూబ్ లో 50 మిలియన్ మార్క్ తాకి.. సెన్సేషనల్ గా మారింది. ఈ సాంగ్ విడుదలయ్యి రెండు వారాలైనప్పటికీ మ్యూజిక్ కేటగిరీలో నెంబర్ వన్ ట్రెండింగ్ లో కొనసాగుతున్నట్లు మేకర్స్ ప్రకటించడం జరిగింది.